MATHI 21:31 - DAÜLANGPÜ LAIHING (BSI)

³¹ Henyi aa kü üpai chepai mongpü dükpa? Jomphongi, “Hashongpai” shei e. Jisui jomphong kü, “Hingmei ngei am kü enyeih, lat thaipüthü hatü büm yupüthü am shekü vangsho ongchingei shüdainyüke.

MATHI 21:31 Referans Kwoze

LUK SHAHSHA APPÜ 7:29

(Nanglakthü peü, lat thaipüthüao omshi mechem Jisulei shah danpa, jomi Kahvangü shahhing shei nying; mehenangkü jomphongü Johan baptükpai baptükteke.

MATHI 7:21

Ngei kü, “Shembüpa, Shembüpa” shei nyükpü peüi vangsho chingei neshüaokpih, shejao vangsholei nyupü Opai mongpü dükpü shennyak mon shüaokhen.

2 PETER 3:9

Shembüpai lahtükpü nangkü hanei ami deihpükei kaaei nenyu, shejao üpayao nemahtükhüei, shejao peü mong lepei leihahhüpü nangkü am mü nenteiaokei danei nyüke.

ROM SHAHSHA APPÜ 5:20

Shejao mang nyeinya dahühen shingvaishi shahkungnyü vamhü; shejao melei mang dapa, nyeinya phahji dapeih.

ROM SHAHSHA APPÜ 3:19

Shahkungnyüi mehe enya, hayü shahkung phangkü nyupüthü kü enyeih shei jeni nyingnyüke, shejüang peüei ju nentükhen, hatü kahdoknyü kempü Kahvang touei shahphenhen.

MATHI 20:16

Hanangkü shompüthü shonghen, shongpüthü shomhen.

PHONGSHANTHÜ DOU 17:30

Peihdaipü hepak kü hapakei nenyingpeyü Kahvangi hei-üng tuhphongpeih, shejao shaang büpai shing peü leipü hangkuthü kü mong lephen shahkung shuohnyüke.

LUK SHAHSHA APPÜ 19:22

Büpalei shembüi büpa kü, “Nüngei shah kü-üng ngei nüng shahphenhen, nüng nemeipü chongphobü! Nüngi ngeiyü shihmangpü shennyak; ngei melei nethai haleipü yahnyeih, hatü melei nehai, haleipü vetnyeih shei nyingei nyüke.

LUK SHAHSHA APPÜ 15:10

Hapakei ngei am kü enyeih, mang shennyak hük mong lepei leijü Kahvangei vangsho phongshanthü nyupü shingei mongong longpü nyüke.”

MATHI 18:3

“Hingmei ngei am kü enyeih, amphong yeiyaei maanpü naüthü kei manglei thahshi amphongi vangsho ongchingei shününg neaokpih.

MATHI 12:50

Mehenangkü üami vangsholei nyupü Opa-i mongpü düknya, jomphongü ngelei jeihinaü, nyahinaü hatü nyü” shei eteke.

MATHI 9:9

Jisu hatoueipü daishingkü büpai shennyak hük Mathi shei mentü lat thaipü officelei uoshi eeyei büpai büpa kü, “Ngei phei mükei” shei e. Büpa haleipü yaongei büpa phei mü.

JOB SHAHSHA APPÜ 15:6

Ngelei jui nevai, nüngi laophülei jui-üng laophü nyonghünyüke; nüngei jui-üng nüng khüei ehahnyüke.

MATHI 6:5

Mechem am phophenshang, ammi akhümmong-ümthü kei tedük; mehenangkü jomi Sinagoglei hatü lemshongei shennyaki eehen shingvaishi yaongtü phophen kennyüke. Ngei am kü enyeih, jomi jomei laklei danglangteke.

MATHI 5:18

Hingmeipa ngei am kü enyeih, vangsho hatü kahdok mangpeih thahshi shahkungnyülei nyangpü hatü pinpü shah maanpü hük dangkao mangjiü thahshi ha peih-ei nedaihen.

EZEKIEL 33:11

Ngeiyü vanyangyem Kahvang shei Shembüpa Kahvangi enyüke, ngei mang shennyak hük dipü kü mongneongnyih, shejao mang shennyak hük laophülei lem kübü mong lepei leiyei yangnyu yem dangei nyupü eehünyeih. Oh Israel phang, ammei mang lemthü kübü mong leptuh, mehekei am dihenang?

MATHI 5:46

Am kü bampüthü kü mon ammi bamjema am mehe laklei nyüpa? Kahdok lat thaipü amiyao hapakei nedüknyu je?

MATHI 21:30

Chepai naü-eepa touei heih-ei, hapakeiüng eteke, hatü büpai, “Opa, shahen” shei e, shejao büpa nesha.

JOHAN 3:3

Jisui büpa kü, “Hingmei mü ngei nüng kü enyeih, nyipabü nebühpheikü üpaiyao vangsho ongching dangnüng neaokpih” shei e.

JOHAN 3:5

Hingmei mü ngei nüng kü enyeih, shennyak hük yung hatü Laanghai nebühpheikü mekei etao vangsho ongchingei shününg neaok.