MATHI 21:26 - DAÜLANGPÜ LAIHING (BSI)

²⁶ shejao jeni, ‘Shennyaki deihtü ngaipeih’ shei ejema jeni nanglak khongnyü kü nyemnyüke; mehenangkü peüi Johanü thibü hük shei deihnyüke” shei e.

MATHI 21:26 Referans Kwoze

MARK 6:20

mehenangkü Herodi Johan kü nyem; mehenangkü büpayü daülangpü hatü shennyakmei shei büpai nyingei nyu; hanangkü yangei tuh. Mechem büpai epü danhenshang büpa longi üathamateke, shejao büpai epü kü Herodi banghüteke.

JOHAN 5:35

Büpayü bahpü hatü nyapü awdük nyuteke, hatü amphong kansho hük büpalei vangngai kü mongongshi nyu.

MATHI 21:46

Jomi büpa yephüei deih, shejao khongnyü kü nyem, mehenangkü nanglakthüi büpayü thibü hük shei ieyeilem.

MATHI 14:5

Herodi büpa jütükhüei deihjao büpai Jehoda am kü nyemei deih; mehenangkü jomi büpayü thibü hük shei ehamteke.

MATHI 11:9

Shejema amphongi mehe kü veinüng shanya? Thibü hük veinüng dainyu je? Hih, ngei am kü enyeih, thibü mao longpü hih.

PHONGSHANTHÜ DOU 5:26

Hahepak kü phopshem yompü veshanthü mübü heih-ei jomphong müei lei, shejao lak nehet; mehenangkü nanglakthüi jom kü yaongi shükshuohhen khih shei nyemteke.

JOHAN 9:22

Chenyü chepai hayü Jehoda am kü nyempü nangkü eteke; mehenangkü üpai Jisu-ü Messiah shei lahhenshang Sinagog leipü changtükhen shei Jehoda ami temtüktü nyu.

LUK SHAHSHA APPÜ 22:2

Ngongpathü hatü shahkung nyuhbüthüi Jisu jühen lem yemei nyu; mehenangkü jomi nanglak kü nyemei nyu.

LUK SHAHSHA APPÜ 20:19

Mechem shahkung nyuhbüthü hatü ngongpathüi hapa shahlapü jomphong kü epü khih shei nyingpa, jomi büpa kü hapa hepak kü-üng lak shihhen yem, shejao jomi nanglakthü kü nyem.

LUK SHAHSHA APPÜ 20:6

Shejao jeni, ‘Hangku leipü’ shei ejü hatouei nyupü khongi jen kü yaongi shükphahen; mehehangkü jom peüi Johanü thibü shei nyingei nyüke” shei etei.

MARK 12:12

Mechem jomi hapa shahlapü jomphong khüei epü khih shei nyingpa, jomi büpa yephüei deih, shejao jomi khongkü nyem. Hanangkü jomi büpa tuhphongtü lüdai.

MARK 11:32

Shejao jomi, ‘Hangku leipü vampeih’ shei ehenü jomi khongnyü kü nyem; mehenangkü peüi Johanü hingmei mü thibü hük shei ieyeilem.

ISAIAH 57:11

Üam kü nyemei hanei ammi ngei kü shahshem etü ngei betüknya? Ngei hepak luangi nenmü nyudaipü nangkü ngei kü dhüm neshuoh-i dohdaipüje?

MATHI 21:11

Khongi, “Büpayü thibü Jisu, Galil leipü Nazareth am khih” shei eteke.

MATHI 21:25

Johani baptükpeyü vangsho leipü peipü hi shennyaki deihtü ngaipa?” shei phe. Jomphong hüki hük mü shah dakteiyei, “Jeni, ‘Vangsho leipü’ shei ejema, büpai jenphong kü, ‘Shejema mehekei amphongi ha kü hingnelempa?’ shei ephahen;

MATHI 21:27

Hanangkü jomphongi Jisu kü, “Hamphongi nenyingang” shei e. Büpaiyao jomphong kü, “Mepa wongi ngei hathü dou düknya ngeiyao ne-ephapih” shei e.