MATHI 21:19 - DAÜLANGPÜ LAIHING (BSI)

¹⁹ Büpai lemhaoei adhapü hük eeyei büpa hatouei heih, shejao phenlak mü lenei meheyao nedang. Hahepak kü büpai ha pü kü, “Nüng kü mechemao betjük tejük” shei e, hatü hapa adhapü chemjalak kü kaudai.

MATHI 21:19 Referans Kwoze

TITUS 1:16

Jomi Kahvang nyingnyeih shei enyüke, shejao jomei doui büpa yaktüknyüke. Jomphongü jiühitbenüng, ven nedanpü hatü doumei shingvaishi mounghibhang kü nejiüpüthü nyüke.

JOHAN 15:6

Üam ngei kü nenyu, hathüyü kao hük kei yaktüknyeih hatü vandainyeih; hapa keipü kaothüyü thaiyei aw kü shükei jaktüknyeih.

LUK SHAHSHA APPÜ 3:9

Shaangao pü chongei ay haüshi nyüke; hanangkü betjük meipü nejükpü püthü peü agei aw kü jaktükhen” shei e.

JOHAN 15:2

Ngei kü nyupü betjük nejükpü kaothü büpai langtüknyeih, hatü betjük jükpü kao shao nyeishi jükhen shingvaishi büpai hapa kao daütüknyeih.

MARK 11:14

Büpai hapa pü kü, “Hajük kü üpaiyao mechemao nüng kübü betjük nyemtehah” shei e, hatü büpalei nanglomthüi ha danteke.

SHAKEI VAMPÜ 22:11

Ten dükpüthü shaang thahshi ten dükei nyemnyu, hatü üami jiühitshi nyu, jom jiühitshi nyemnyu; jiüpüthüi jiüpü nyemdük, hatü daülangpüthü daülangi nyemnyu” shei eteke.

JUD SHAHSHA APPÜ 1:12

Jomü ammei bambhaong kü kawhikang; maaniyao nenyemi am mü hahyingnyüke; jom mon moh-ei hahpü miyombüthü nyüke. Jomphongü vanglüki maoei deilangpü vang neompü phum; jomü bhitükpü betjük nejükpü ünyüdok pü, nyipa didaipü.

2 TIMOTI 3:5

shakdoki Kahvang nyingnyu kei shejao hingshangpü büpalei ngan yaktükpüthü vamkahen. Hathü kübü khaatei nyutuh.

ISAIAH 5:2

Büpai kahdok shotü yaongphaang peü yaktüktü peü mü meipü nyalingngupai sheiphong. Büpai hapa jiam kü shangdü hük dak, hatü nyalingngupai jiü bhithen shingao ling. Büpai halei nyalingngupai jükjahen shei ongyang, shejao phaü ngupai jükteke.

JEREMIAH 8:13

Nyalingngupai vaümpükei ngei jom thaiyei leilanghüei deihpeih, shejao nyalingngupai kü betjük neshiü, nevaijü adhapü kü adhajük neshiü; lak dangkao kaudaitü nyu; hanangkü ngei mehe jom kü shuoh, hayü jom leipü yahlangpeih.

MATHI 21:20

Mechem nanglomthüi ha eepa, jom thamaei, “Mekei hapa adhapü ngangahük kü kaudainya yo?” shei etei.

MARK 11:20

Nepnüng dhom mü jomphong peih-ei daishingkü hapa adhapü tünglang thahshi kaudaitü ee.