MATHI 20:34 - DAÜLANGPÜ LAIHING (BSI)

³⁴ Hanangkü Jisui shinshangei deihtü jijilei mük kü hong. Lak mü leihshi jiji mük ee, hatü büpa phei mü.

MATHI 20:34 Referans Kwoze

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

1 PETER 3:8

Dohpülei, am peü kü, laangha kü mongjempü, shinshangteipü, hüki hük mü bamteipü, bampü mongdang jükpü, hatü nenteiaokpü chudeih nyutuh.

LUK SHAHSHA APPÜ 22:51

Shejao Jisui, “Hajük kü tah!” shei e, hatü büpai büpalei dhaong kü düktü meihü.

LUK SHAHSHA APPÜ 7:13

Mechem Shembüpai pinnyü eepa, büpai pinnyü kü mong nemei-i deih, hatü pinnyü kü, “Tethep” shei e.

MARK 7:33

Büpai hapa shennyak khong toueipü khaatei deitü, Jisui hapa shennyakei dhaong kü büpalei lakjaangi deüteke. Hapheikü büpai yu-op shaotü büpalei yei kü hong.

MATHI 15:32

Hapheikü Jisui büpalei nanglomthü büpa touei nyükei deitü hathü kü, “Ngei khongnyü kü mongnemei-i deihnyüke; mehenangkü jomphong shaangpai ngei mü nyih jem lomteke, shejao hahhen meheyao neshiü; ngei hathü aeidaitü neleishihhüang; mehenangkü jom lemei lakmeilayunghen khih” shei e.

MATHI 14:14

Mechem büpa yungkungei heihpa, büpai khongnyü longpü ee, hatü büpai jom kü shinshangei deih, hatü jom tüngpü meihü.

MATHI 9:29

Hahepak kü büpai jijilei mük kü laki hongtü, “Anjinyi-i hinglempükei ha nyemdük” shei e,

MATHI 8:15

büpai pinnyülei lak kü hongjü tüngpü meidai, hatü pinnyü paoei büpa chongphohen chongpang.

MENVIH KESHO 145:8

Shembüpai phahjinyeih, hatü shinshangei deihnyeih; mongshihhen yung mü, hatü bampü kü changshishashi nyüke.

MENVIH KESHO 119:71

Nüngei shahkung nyinghen shangmü ngei kü hanghi shuohpeyü meipü khih.

MENVIH KESHO 119:67

Nüngi ngei kü hanghi shuohshekü ngei lemnyong kü daipeih, shejao shaang ngei nüngei shah bangei düknyeih.

LUK SHAHSHA APPÜ 18:43

Ngangahük kü büpai ee, hatü Kahvang müknyinshekhangei büpa phei mü, hatü nanglakthüi mechem ha eepa, Kahvang men long.

MATHI 9:36

Mechem büpai khongnyü eepa, büpai jomphong kü shinshangei deih; mehenangkü jomphongü ponghahpü hatü sheühbü neshiüi mi yombü neshiüpü mithü kei nyuteke.

HEBREW 2:17

Hanangkü lemphü phikü büpayü laophülei jeihinaü hatü nyahinaüthü kei leihen mü vam, shejüang nanglakthülei mang tükhen shingvaishi jakpü moila leihen büpayü phahji kohpü hatü hingshangpü Kahvang chongphopü dousho kü ngongchong leihen mü vamteke.

MATHI 20:33

Jiji-i büpa kü, “Shembüpa, henji kü mük apshih” shei e.

MATHI 21:1

Mechem jomphongi Jerusalem yopailei Olive Kahshangei nyupü Bethphage ngoipa, Jisui nanglom nyi shom,