MATHI 19:28 - DAÜLANGPÜ LAIHING (BSI)

²⁸ Jisui jomphong kü, “Ngei amphong kü shahhing eshah, dou peü ja leipü mü mechem Shennyak Ha laophülei müknyinshekhangpü ong uoshing kü uohen, am üami ngei phei mütepa, hathüi ong uoshing anpünyi kü uotü Israel phang anpünyi kü shahphenhen.

MATHI 19:28 Referans Kwoze

MATHI 25:31

Mechem Shennyak Ha müknyinshekhang kü vangsho phongshanthü peü büpa mü yiühen, hahepak kü büpa müknyinshekhang ong uoshing kü uohen.

SHAKEI VAMPÜ 20:4

Hapheikü ngei ong uoshingthü, hatü halei uopüthü kü shahphenhen wong shuoh-ei ee. Shao ngei Jisu jung denpü shuohpü hatü Kahvangei shah nangkü sho mahpüthülei laanghathü ee. Jomphongü yemha hatü hapalei lajei kü nekhüm, hatü jomei shangba hatü lak kü yemhalei füoshang neshüngpüthü nyuteke. Jom yangei leiyei Khrista mü bong haja hük vanglem lemteke.

SHAKEI VAMPÜ 7:4

Hapheikü ngei Israel phang ieyei kübü füoshang shüngtükpü nanglak bhei-ie 144, 000 danteke: Jat ieyei kübü füoshang shüngtükpüthü bhei-ie:

2 PETER 3:13

Shejao büpai lahpü aimü daülangpüthülei shem vangsho ja hatü kahdoknyü ja jeni omdannyeih.

MATHI 16:27

“Mehenangkü Shennyak Ha vangsho phongshanthü mü Palei müknyinshekhang kü yiühen, hatü büpai shennyak peü kü laophüi dükpü shangshi laklei shuohhen.

ISAIAH 66:22

Shembüpai enyüke: “Ngei lingpü vangsho jathü, hatü kahdoknyü ja denden kü nyupü keiha ammei men hatü hühihathü denden kü nyuhen.

ISAIAH 65:17

Veituh, ngei vangsho ja hatü kahdoknyü ja hük linghen. Peihdaipü douthü deih-ei nedanghen, nevaijü hathü mongkü leyei nepeiküpih.

SHAKEI VAMPÜ 21:5

Hahepak kü ong uoshing kü uopübai, “Veituh, ngei dou peü ja lingnyüpeih” shei e. Shao büpai, “Ha nyangtuh, mehenangkü hathü shah-ü hinglemhen hatü shahhing” shei e.

SHAKEI VAMPÜ 4:4

Hapa ong uoshing shinei ong uoshing hapüali nyu, hatü hathü kü behethü jom hapüali shola ow owtü, hatü jomei shangjing kü hon athen thentü nyuteke.

SHAKEI VAMPÜ 3:21

Üpai vehok neünya, ngei vehok neütü Opa mü büpalei ong uoshing kü uopükei büpaao ngei mü ngelei ong uoshing kü uohen shing shuohhen.

2 TIMOTI 2:12

jeni munenjema, jenao büpa mü vanglem lemhen; jeni büpa nelahjema, büpaiyao jen nelahhen;

PHONGSHANTHÜ DOU 3:21

Kahvangi laophülei daülangpü thibüthü homei yeihshi mebü lahpükei Kahvangi lemphüli ja linghen hepak mangngoi thahshi büpa vangsholei nyuhen.

MATHI 20:21

Büpai pinnyü kü, “Nüngi mehe napa?” shei phe. Pinnyüi büpa kü, “Nüngei ongching kü ngelei ha hük nüngei lakdah lemei hatü hük nüngei laknyong lemei uohühen mongshih” shei e.

SHAKEI VAMPÜ 22:2

hatü hayü chingnyü chingyangshong jiam homei yenteke. Hapa yungdang nyiphen kü yangnyu pü nyüke, hatü halei betjük lem anpünyi len ieyei jüknyüke; hatü hapalei phenlakü jatthü meihühen shingvaishi nyüke.

EZRA 6:17

Hapa Kahvangei phopshem leühen shingvaishi jomi mohoh chebaong kho hük, mi chebaongha kho nyi, mi chebaong kho ali hatü Israel am peü shingvaishi mang moila shuohhen yum chebaong anpünyi, Israel jat ieyei shing hükbaong shuohteke.

1 ONGPATHÜ 18:31

Shembüpai Jakob kü, “Nüngei menü Israel shei nyükhen” shei epü keiha Jakobei hapeüthü shemdep ieyei shing hükbaong heshap Elijah-i yaong anpünyi yah-ei,

JOSHUA 3:12

Hanangkü shaang, jat ieyei kübü hükbaong shei Israel am jat kübü shennyak anpünyi jetuh.

LEVI 24:5

Meipü atta yah-ei aan anpünyi lingtuh.

MÜLANGPÜ 28:21

Hapa yaong anpünyi kuk ieyei kü Israel phang anpünyi lappü huhen shangmü Jakobei chehathülei men hükbaong kü kukei nyangtuh.

MÜLANGPÜ 24:4

Mosai Shembüpai epü nyangteke. Büpa nepnüng dhomi lomi paoei kahshanglalei moidü hük ling hatü Israel am phang anpünyi shing yaong anpünyi haongteke.

MÜLANGPÜ 15:27

Hapheikü jomi yunglok anpünyi nyupü shing, Elim touei pei, hatü yung yopailei baümtap veteke.

SHAKEI VAMPÜ 12:1

Vangsholei nenyingaokbenüng nyangeihepü hük vam: Nyüha hük vanghenyü ow kei owtü, lennyü pinnyülei la phangei, hatü pinnyülei shangjingei litha anpünyi yah-ei athen thentü vamteke.

MATHI 6:33

Shejao shongei Kahvang ongching hatü büpa daülangshemshepü yemtuh, hatü hathü douthü peü am kü yahphahen.

MATHI 8:20

Jisui büpa kü, “Mahuthü yaongdung nyüke, hatü shangouhathü shing jep nyüke, shejao Shennyak Ha shangjing haüshing meleiyao neshiü” shei e.

MATHI 19:27

Peteri büpa kü, “Nüng phei mühen tata kü hami lemphü tuhphongpeih. Shejema ham shingvaishi mehe chongkahen?” shei phe.

MARK 10:37

Jijinyi-i büpa kü, “Nüngei müknyinshekhang kü henji hük nüngei lakdah philei, hük laknyong philei uohen hanshih” shei e.

SHAKEI VAMPÜ 11:16

Hahepak kü Kahvang touei behethü jom hapüali jomei ong uoshing kü uopüthüi jomei dhe aümei shaei Kahvang kü khümei e,

SHAKEI VAMPÜ 22:5

Halei vangnyak lanshei neshiü; jomi awdük vangngai nevaijü vanghe vangngai napü neshiü; mehenangkü Shembüpa Kahvangü jomei vangngai, hatü jom den den kü vanglem lemhen.

2 SHÜPPÜKENGPÜ 9:19

Lateen vok kü dangpongei mailang hük baong shihtü peüshep mailang anpünyi nyu. Hapa keipü mepa ong ongchingiyao lingei nenyuham.