MATHI 19:27 - DAÜLANGPÜ LAIHING (BSI)

²⁷ Peteri büpa kü, “Nüng phei mühen tata kü hami lemphü tuhphongpeih. Shejema ham shingvaishi mehe chongkahen?” shei phe.

MATHI 19:27 Referans Kwoze

PHILIPPI 3:8

Ha mü nyeishi Khrista Jisu ngelei Shembüpa nyingpü peü mü longpü nanglei mü shetteijü lemphüli lomoh khih shei ngei ieyeilemnyeih. Büpalei men kü ngei lemphüli lomohtükpeih, hatü ngei hathü kü nyüphinya shei enyeih, shejüang ngei Khrista danghen,

LUK SHAHSHA APPÜ 5:11

Mechem jomi yungphaangei ai müei leipa, jomi lemphü tuhphongtü büpa phei mü.

LUK SHAHSHA APPÜ 18:28

Hahepak kü Peteri, “Veituh, hamphongi hamei shemthü tuhtü nüng phei müpeih” shei e.

LUK SHAHSHA APPÜ 15:29

Shejao büpai chepa kü, “Bangtuh, bong hajük ngei nüngei aa keiha dou dükei nyuhampeih, hatü ngei chemao nüngi epü nebangi nenyu; shejao nüngi yum cheha hükao ngelei küphüthü mü mo hahhen neshuoh.

MARK 10:28

Peteri büpa kü, “Veituh, hamphongi lemphü tuhphongtü nüng phei müpeih” shei e.

MARK 2:14

Büpa kamei daishingkü büpai Alpheaslei cheha Levi lat thaiteipü shingei uoshi eeyei büpai büpa kü, “Ngei phei mükei” shei e. Büpa yaongei büpa phei mü.

SHAHKÜP 33:9

Jomi laophülei nyühipa, jeihinaü, hatü hapeüthü mao nüng kü hinglemteke; Nüngei shah bangteke, hatü nüngei vangpüshuwpü jiüshi dükteke.

LUK SHAHSHA APPÜ 14:33

Hanangkü ammi ammei mophimo kemei netuhphongjema amphong üpaiyao ngelei nanglom nelei-aokpih.

MATHI 9:9

Jisu hatoueipü daishingkü büpai shennyak hük Mathi shei mentü lat thaipü officelei uoshi eeyei büpai büpa kü, “Ngei phei mükei” shei e. Büpa haleipü yaongei büpa phei mü.

1 KORINT 4:7

Mih mü hayaoha kei am üpai lingpa? Ammi nedangpü kü angpü üpa nyüpa? Hatü ammi ha dangjü thintho hük nevaipü keiha mehekei ammi changmeinya?

1 KORINT 1:29

Ha vaipü nangkü Kahvang touei üpayao changmeihen neshiü.

MATHI 19:26

Jisui jomphong kü veitü, “Hangku shingvaishi hayü neaokbenüng shejao Kahvang shingvaishi peü aokbenüng” shei e.

MATHI 19:28

Jisui jomphong kü, “Ngei amphong kü shahhing eshah, dou peü ja leipü mü mechem Shennyak Ha laophülei müknyinshekhangpü ong uoshing kü uohen, am üami ngei phei mütepa, hathüi ong uoshing anpünyi kü uotü Israel phang anpünyi kü shahphenhen.