MATHI 17:20 - DAÜLANGPÜ LAIHING (BSI)

²⁰ Büpai jomphong kü, “Am vaipü maanpü nangkü hih. Ngei am kü enyeih, am kü haoyangvang shük dangkao hinglempü nyujema, ammi hapa kahshang kü, ‘Hatoueipü antolei shindaituh’ shei eshuohjü ha shindaiphahen; hatü am shingvaishi neaokbenüng meheyao nechongkahen.

MATHI 17:20 Referans Kwoze

LUK SHAHSHA APPÜ 17:6

Shembüpai jomphong kü, “Amphong kü hinglempü haoyangvang shük dangkao nyujema, ammi hapa ngupai pü kü, ‘Nüng bhiyei daiyei yungchingei kohtuh’ shei eshuohjü ammi epü kü bangkahen hih” shei jangei e.

MARK 11:23

Hingmei ngei am kü enyeih, ammi hapa kahshang kü, ‘Daituh, hatü yungchingei hüngdaituh’ shei ammei mong kü nejü-üi ammi mehe e, ha dükkahen shei hinglemei ejema, ha dükkahen.

LUK SHAHSHA APPÜ 18:27

Büpai jangei, “Hangku shingvaishi mehe neaokbenüng nyu, hathü Kahvang shingvaishi aokbenüng hih” shei e.

LUK SHAHSHA APPÜ 1:37

Mehenangkü Kahvang mü meheyao ne-aokhen neshiü” shei e.

MATHI 21:21

Jisui jomphong kü, “Hingmei ngei am kü enyeih, amphong kü jü-üpü neshiüi hinglempü nyujema, hapa adhapü kü mehe dük, henüng mon nevai, shejao amphongi hapa kahshang kü, ‘Nüng daiyei yungchingei hüngdaituh’ shei eshuohjü ha hapakei dükkahen.

MARK 9:23

Jisui büpa kü, “Nüngi dükaokjema shei! Hinglempü shennyak shingvaishi peü dükaokhen” shei e.

1 KORINT 13:2

Hatü ngei kü thihivam nganthü, hatü shahjo peü nyinghen thintho hatü nyingpü peü nyujao, hatü kahshang shintükaokhen mü ngei kü hinglempü nyujao ngei kü bampü nenyujema, ngeiyü kong.

MATHI 13:31

Büpai jomphong kü lebü shahlap hük e: Vangsho ongchingü shennyak hüki haoyang vang yah-ei laophülei kahlei haipü hük leshi nyüke.

JOHAN 11:40

Jisui pinnyü kü, “Nüngi hinglemjema Kahvang müknyinshekhang eehen shei ngei nüng kü ne-eangpü je?” shei e.

MARK 4:31

Hapayü haoyang mepa peü mü maanpü sheili ammi kahlei sheinya ha leangke.

HEBREW 3:19

Hanangkü jomi hingnelempü nangkü halei neshüaokpeih shei jeni eenyüke.

MATHI 17:17

Jisui, “Amphong hingnelempü hatü nyongnyongi lüdaipü denhivan, ngei meshük lushi am mü nyukahen? Ngei meshük lushi am mü chemi nyukahen? Büpa ngei touei deikei” shei e.

1 KORINT 12:9

aihük Laanghai hükpa kü hinglempü; hapa Laangha hüki hükpa kü meihüpü thintho,

MATHI 17:9

Jomphong kahshang leipü leishingkü Jisui jomphong kü, “Shennyak Ha dipü kübü yangei manglei thahshi hapa manghkhang jung üpa kao te-e” shei ngeükhüam shuoh.

MATHI 8:26

Büpai jomphong kü, “Mehekei amphong nyemnya, am maani mon vaipüthü?” shei e. Hapheikü büpa paoei vanglük hatü yungching kü loh, hatü ha nendai.

MATHI 17:19

Hahepak kü büpalei nanglomthü joei büpa touei peiyei, “Hamphongi ha mekei nechangtükaokpa yo?” shei phe.

MARK 11:22

Jisui jomphong kü, “Kahvang kü hinglemtuh.

MATHI 14:29

“Heihkei” shei büpai e. Hanangkü Peteri ai mongeipü vamei yung shangkü kamhen chongpang, hatü Jisu lemei kamei heih.