MATHI 17:18 - DAÜLANGPÜ LAIHING (BSI)

¹⁸ Jisui mang laangha kü loh, hatü ha büpa leipü vamdai, hatü shaangüng meidai.

MATHI 17:18 Referans Kwoze

MATHI 9:22

Jisui yaakei veishingkü pinnyü eeyei büpai, “Monglongtuh, lamei; nüng hinglempai nüng meiteke” shei e. Hahepak kü-üng hapa nyüha meidai.

PHONGSHANTHÜ DOU 16:18

Pinnyüi hapakei eyei nyih longi nyu. Shejao ahshi baokjapü nangkü Pauli yaakei leiyei mang laangha kü, “Jisu Khristalei men kü ngei nüng kü ngeükhüam shuohnyeih, pinnyü leipü vamdaituh” shei e, hatü ha hepak kü-üng pinnyü leipü vamdai.

LUK SHAHSHA APPÜ 9:42

Büpa heihyaki kahshih-i büpalei büm haenhütü kahdokei doei shükteke, shejao Jisui mang laangha kü lohtü ha naü meihü, hatü chepa kü büpa nyokei shuoh.

LUK SHAHSHA APPÜ 8:29

mehenangkü Jisui hapa shennyak leipü mang laangha kü vamhen ngeükhüam shuoh. (Mehenangkü hepak ieshi hapai büpa yep; büpa kü nyiamvüi shatü yomei tuh, shejao büpai hapa shapü phenei phaülei kahshih-i müei daihamteke).

MARK 5:8

Mehenangkü büpai büpa kü, “Hapa shennyak leipü vamdaituh, nüng mang laangha” shei eteke.

MARK 1:34

Büpai dinlem laolaoi tüngpüthü meihü, hatü mang laanghathü changtük; hatü büpai mang laanghathü kü meheyao ehen nehan; mehenangkü jomphongi büpa nyingei nyuteke.

MATHI 15:28

Hahepak kü Jisui pinnyü kü, “Nyüha, nüng hinglempü ahshi longshi khih! Nüngi napükei ha nyemdük” shei e, hatü hahepak kü-üng cheha meidai.

MATHI 12:22

Hapheikü jomphongi büpa touei mang laanghai yeppü shennyak hük mükao phüngdai shah-ao ne-e-i müei dei, hatü Jisui büpa meihü, hatü büpai shah-ao eaok, mükiyao eeteke.

LUK SHAHSHA APPÜ 4:41

Anyei vaishi shennyak longi kübü mang laanghathüi, “Nüngü Kahvang Ha” shei lenyaki vamei dai. Shejao büpai hathü kü loh, hatü shah ehen nehan; mehenangkü jomphongi büpayü Khrista shei nyingei nyu.

MATHI 17:17

Jisui, “Amphong hingnelempü hatü nyongnyongi lüdaipü denhivan, ngei meshük lushi am mü nyukahen? Ngei meshük lushi am mü chemi nyukahen? Büpa ngei touei deikei” shei e.

MATHI 17:19

Hahepak kü büpalei nanglomthü joei büpa touei peiyei, “Hamphongi ha mekei nechangtükaokpa yo?” shei phe.