MATHI 15:23 - DAÜLANGPÜ LAIHING (BSI)

²³ Shejao büpai pinnyü kü lanshei shah nelei. Hanangkü büpalei nanglomthü peiyei büpa kü, “Pinnyü deitüktuh; mehenangkü pinnyüi jen pheikü lenei nyunyüke” shei nyeanteke.

MATHI 15:23 Referans Kwoze

MATHI 14:15

Mechem om dhüpa, büpalei nanglomthü büpa touei peiyei, “Hapayü phaüvüngchong khih; sheyü pheidainyu khih; hanangkü laophü laophüi chingei aongei laophü shing hahying shakei nyemhahnüng ha khongnyüthü yantüktuh” shei e.

YOUNG LAI 3:8

Sheühshih shei ngei lenei nyükjao, ngei phoppü büpai nedanlangpha.

MENVIH KESHO 28:1

Nüng kü ngei nyüknyeih, Oh Shembüpa, ngelei Yaongnyü; ngei toueipü nüngei dhaong tehüdai. Nüng nenmü nyudaijema ngeiyü kahshalei shüdaipüthü kei leidaihen khih.

SHAHKÜP 8:2

Shembüpa, ammei Kahvangi bong pinyi thahshi jahpanei am müei daiyei ammei mong kü deihpü nyinghen hatü ammi büpalei shahkung ven bangüla shei shanghah shomei am kü dokpü deih-ei dangtuh.

KAHBHAO 42:7

Mechem Joseph-i hathü eepa, büpai jomphong nying, büpai jomphong kü yenpa kü kei no, hatü jomphong kü, “Amphong meleipü peiküpa?” shei shahwong eteke. Jomphongi, “Kanan kahdok leipü hahying shaknüng yiüküpeih” shei e.

MATHI 15:22

Hahepak kü hapa shing leipü Kanan am nyüha hük lenyaki vamei, “Ngei kü phahjishih, Shembüpa, David Ha: ngelei yiükha mang laanghai yepei hanghinyüke” shei e.

MATHI 15:24

Büpai, “Ngeiyü Israel am phang mahdaipü mithü touei shompeih” shei jangei e.