MATHI 15:14 - DAÜLANGPÜ LAIHING (BSI)

¹⁴ Jom hei-üng tuhphongtuh. Jomü mükphüngpü lem mübüthü. Mükphingpa hüki lebü mükphüngpa müjema jijiphen kahshalei vühen” shei e.

MATHI 15:14 Referans Kwoze

LUK SHAHSHA APPÜ 6:39

Shao büpai jomphong kü shahlap hük e: “Mükphüngpa hüki mükphüngpa hük müaokhen je? Jijiphen kahsha kü nevühen je?

ISAIAH 56:10

Israel am yombüthü peü mük phüngdaiteke; jomphong kon neshiü; Jom peü nehungpü shi kei nyüke; jom peü shinei lemtü mangh manghnyüke; jomü shi mon shinyüke.

MALAKI 2:8

Shejao amphong jiüpü lem kübü biendai, hatü ammi nyuhpü venpai longi huluh shuohteke; ngei mü am Levi ami vangpüshuwpü mangtükteke shei Shembüpa Kahvangi enyüke.

ISAIAH 9:16

Hapa nanglak müpüthüi jom lem pungei mü, hatü jomi müei daipüthü peü ai mah-ei tuh.

2 PETER 2:1

Shejao shahshem nyuhbüthü am nanglak khongkü vamteke, hatü ha aihük mü amphong khongkü shahshem nyuhbüthü vamkahen. Jomi joei tenbenüng chudeih koei peikahen; jomi jom angei leipü Shembüpa yaktükhen, hatü laophü nyingkü lomi mahhen koei peikahen.

JEREMIAH 5:31

thibüthüi shahshem teteivannyüke, hatü ngongpathüi thibüthüi epükei vanglem lemnyüke; ngelei ngongpathüi hapa lümnyüke. Shejao hathü kemei dohjü jomi mehe dükhen?”

ISAIAH 42:19

Ngei shompü ngelei nanglak keiha mükphüngdaipü nevaijü aangdaipü üpa nyüpa? Ngei kü lanei shuohtükpü keiha, nevaijü Shembüpalei chongphobü keiha mükphüngdaipü üpa nyüpa?

SHAKEI VAMPÜ 22:15

Chingshelei nyupüthüyü shithü, phongyompüthü, mükbongjuyungpüthü, shennyak jüpüthü, lajei khümpüthü hatü shahshem kü bampü hatü ha dükpüthü.

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

2 PETER 2:17

Hathüyü yung neshiüpü yunglok, hatü vanglüki deipü phumthü; mehenangkü jom shingvaishi shangmang vangnyak jaoei nyüke.

1 TIMOTI 6:5

hatü sholi mongdang tendai, shahhing neshiüi düngei dokteikhaungkhei vamnyeih. Kahvang yempeyü mop danghen lem shei jomi deihnyüke.

HOSEA 4:17

Ephraim amü lajei khümpü kü omdaiteke, büpai mongpükei nyemlüdai.

JEREMIAH 8:12

Jomi veüshi düknyüke, hatü jiühitnalai mang thahnyüke, shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

JEREMIAH 6:15

Jomi veüshi düknyüke, hatü jiühitnalai mang thahnyüke; shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

ISAIAH 31:3

Ijip amü shennyak, Kahvang nevai; jomei koyeithüyü phai, laangha nevai. Mechem Shembüpai büpalei lak nohenshang, sheühbüao huluh shuohhen, hatü sheühhahpüthüao dohen, hatü jom peü chemi mahhen.

JOHAN 9:39

“Ngei kahdoknyülei peipeyü ne-eepüthüi eehen, hatü eepüthü mükphünghen nangkü shahphenhen peipeih” shei Jisui e.