MATHI 14:27 - DAÜLANGPÜ LAIHING (BSI)

²⁷ Shejao shüshülangi Jisui jomphong kü, “Mong yangtuh, tenyem; hayü ngei hih” shei e.

MATHI 14:27 Referans Kwoze

JOHAN 16:33

Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

PHONGSHANTHÜ DOU 23:11

Ha ya Shembüpa büpa yopailei yaongtü, “Nüng monglongtuh! Nüngi ngei jung Jerusalemei denpü shuohpükei nüngi Rom leiyao denpü shuohhen” shei e.

ISAIAH 41:10

Hanangkü amphong tenyem; mehenangkü ngei amphong mü nyüpeih; amphong tehan; mehenangkü ngeiyü ammei Kahvang; Ngei amphong wong kohhühen; ngei am kü sheühhen, ngelei aokpü laki ngei am shongei tuhhen.

ISAIAH 41:4

Üpai hapa dükei heihpa? Üpai büshah tuhhen hannya? Ngei, Shembüpa chongpangpülei nyupeih, Ngei, Shembüpa dohpü thahshi nyukahen.

JOHAN 6:20

Shejao büpai jomphong kü, “Hayü ngei hih; tenyem” shei e.

MATHI 17:7

Shejao Jisu heih-ei jomphong kü hongtü, “Yaongtuh, am tenyem” shei e.

MATHI 9:2

Hahepak kü hanei ami büm bhaoei diyei tüngpü shennyak hük lüngei lemtü paiyei büpa touei pei. Mechem jom hinglempü Jisui eepa, büpai hapa tüngpü shennyak kü, “Monglongtuh, hapeü! Nüngei mangthü tüknyeih” shei e.

ISAIAH 51:12

Ngeiyü am nyiushem meihüpü Shembüpa, Didai mahdaihen hangku kü mehekei ammi nyemnya? Jomü phenha kei kaudaihen shennyakthü mon.

LUK SHAHSHA APPÜ 1:30

Shejao vangsho phongshani pinnyü kü, “Nüng tenyem, Mary; mehenangkü Kahvangi nüng kü phahjiteke.

LUK SHAHSHA APPÜ 1:13

Shejao vangsho phongshani büpa kü, “Zekhariah, nüng tenyem; mehenangkü nüngi phoppü danteke. Anyüha Elizabeth-i yeshang hük angkahen, hatü nüngi büpa kü Johan shei menhen.

MATHI 28:10

Hahepak kü Jisui jiji kü, “Tenyem, daiyei ngelei jeihinaüthü kü Galilei heihhen etuh; halei jomi ngei ponghen” shei e.

LUK SHAHSHA APPÜ 2:10

Shejao vangsho phongshani jomphong kü, “Amphong tenyem; mehenangkü veituh, ngei am touei nanglak peü shingvaishi mongong longpü shahjang meipü koei peikünyeih:

ISAIAH 41:14

Tenyem, Oh laonghayakha Jakob, Oh maanpü Israel! Ngei am kü sheühhen shei Shembüpa, ammei Yemleipüba, Daülangpü Israel Kahvangi enyüke.

MATHI 14:28

“Shembüpa, hayü nüng vaijema, nüng touei yung shangkü kamei heihhen ngei kao eshih” shei Peteri e.

MATHI 28:5

Shejao vangsho phongshani nyüha nyi kü, “Anji tenyem; mehenangkü anjiyü shophang kü apei jütükpü Jisu yemnyu khih shei ngei nyingnyüke.

MARK 6:50

mehenangkü jom peüi büpa eetü nyem. Shejao lomi büpai jomphong mü shah etei hatü, “Mong yangtuh, hayü ngei hih; tenyem” shei e.

LUK SHAHSHA APPÜ 5:10

hapa keiha Simon mü nyupü Zebedeelei ha Jakob hi Johan nyiyao nyuteke. Hapheikü Jisui Simon kü, “Nüng tenyem, shaang mü leitü nüng shennyak yeppü am leihühen” shei e.

LUK SHAHSHA APPÜ 12:32

Am tenyem, miha khong; mehenangkü am kü ongching shuohhenü ammei Pa-i mongpü dou hih.