MATHI 14:19 - DAÜLANGPÜ LAIHING (BSI)

¹⁹ Hapheikü büpai khongnyü kü thüngkon shangei uohen e. Aan nga hatü nyah bhaoknyi yah-ei notü büpai vangsho philei ngangei vei, hatü ha kü moihimantü aan bhaok, hatü nanglomthü kü shuoh, hatü nanglomthüi khongnyü kü hanei shuoh.

MATHI 14:19 Referans Kwoze

LUK SHAHSHA APPÜ 24:30

Mechem büpa jiji mü nükdülei uopa, büpai aan yah-ei moihiman, hatü ha bhaoktü jiji kü shuoh.

1 SAMUEL 9:13

Anji jila ngoihinüng, büpa moidülei hahyinghen mangshüdai-i chongkahen hih. Büpa mangngoi thahshi nanglakthüi meheyao hahyingei chongnepanghen; mehenangkü büpai moila kü moihimanhen, hapheikü mon nyükpüthüi hahhen. Aongjatuh, büpa lomi ponghen hih” shei eteke.

PHONGSHANTHÜ DOU 27:35

Büpai ha epheikü büpai hahying ngaiyei jom peü touei Kahvang kü menvih shuohtü ha demei hahteke.

MARK 6:41

Aan pha nga, nyah nyi yah-ei vangsho philei veitü moihiman, hatü aan bhaoktü nanglakthü kü bhehen shingvaishi büpai nanglomthü kü shuoh; hatü büpai nyah nyi yah-ei jom peü kü han.

1 KORINT 11:24

hatü büpai menvih shuohtü büpai ha bhaokei e, “Hapayü am shingvaishi mangpü ngelei büm; ngei deih-ei dangei ha hahtuh.”

ROM SHAHSHA APPÜ 14:6

Üami nyih hük kü hayaoha dhüm shuohnya, Shembüpa kü dhüm shuoh-ei yahtuh; shao üami hahnya, Shembüpa kü dhüm shuoh-ei hahtuh; mehenangkü jomi Kahvang kü dhüm shuohnyüke; üami nehahnya, Shembüpa kü dhüm shuohpai tehah, hatü Kahvang kü menvih shuohtuh.

KOLOSI 3:17

Ammi mehe dükhen, shah kü vaijao dou kü vaijao, lemphüli Shembüpa Jisulei men kü büpa homei Pa Kahvang kü menvih shuoh-ei düktuh.

1 KORINT 10:16

Moihimanpü yungshong mepa kü jeni menvih shuohnya, hayü Khristalei iy kü hean yahpü nevaipü je? Jeni bhaokpü aan hapayü jeni Khristalei phai kü hean yahpü nevaipü je?

LUK SHAHSHA APPÜ 9:14

Mehenangkü halei shennyak haja nga hükshing nyu. Büpai büpalei nanglomthü kü, “Jomphong ieyei pinyipüan an uohütuh” shei e.

MARK 7:34

Büpai vangsho philei veitü ngülu heetü, “Ephphatha!” lappai, “Mük vamtuh” shei e.

1 KORINT 10:31

Hanangkü hahjao yingjao nevaijü nüngi mehe mehe dükhenshang, lemphüli Kahvang müknyinshekhang shingvaishi düktuh.

JOHAN 6:23

Hapheikü Shembüpai moihimantü jomi aan hahpü shing yopailei Tiberius leipü ai hanei peiteke.

MARK 6:39

Hahepak kü büpai nanglakthü peü kü khong khong thüngkon shangkü uohen ngeükhüam shuoh.

JOHAN 11:41

Hanangkü jomi yaong ngowtük, hatü Jisui shang lemei ngangei veitü, “Opa, nüngi ngei kü bangpü nangkü menvih shuohnyeih.

LUK SHAHSHA APPÜ 22:19

Hapheikü büpai aan hük yah, hatü büpai menvih shuohpheikü büpai ha bhaok, hatü jomphong kü ha shuoh-ei e, “Hapayü am shingvaishi shuohpü ngelei büm. Ngei deih-ei dangei hahtuh.”

LUK SHAHSHA APPÜ 9:16

Büpai aan pha nga hatü nyah nyi yah-ei vangsho philei ngangei veitü moihiman hatü bhaok, hatü khongnyü kü bhehen büpalei nanglomthü kü shuoh.

MATHI 14:18

Büpai, “Hathü ngei touei deikei” shei e.

LUK SHAHSHA APPÜ 22:17

Büpai yungshong yah, hatü menvih shuohpheikü büpai e, “Ha yahtuh, hatü amphongi hanteituh;