MATHI 13:55 - DAÜLANGPÜ LAIHING (BSI)

⁵⁵ “Büpayü mistripalei cheha nevaipü je? Chenyü-ü Mary hatü chenaüthüyü Jakob, Joseph, Simon hatü Judas hathü nevaipü je?

MATHI 13:55 Referans Kwoze

JOHAN 6:42

Jomi, “Hapayü Josephei cheha Jisu nevaipü je? Chenyü chepa jeni nyingei nenyupü je? Mekei etü büpai, ‘Ngeiyü vangsho leipü yiüpeih’ shei eaoknya?” shei eteiteke.

MARK 6:3

Hapayü Marylei cheha mistripa, Jakob, Joseph, Judas hatü Simon hathülei chejei nevaipü je? Büpalei chenaü nyühathü jen mü nenyupü je?” shei etei. Jomi büpa nangkü huluh shuoh.

LUK SHAHSHA APPÜ 3:23

Jisui büpalei chongphopü dousho pangshingkü büpa bong hapüan hükshing nyu. Büpayü (nanglakthüi deihpü keiha) Josephei ha nyu. Joseph-ü Helilei ha,

LUK SHAHSHA APPÜ 4:22

Peüi büpa jung meishi e, hatü büpalei ju kübü vampü shahmei kü thama. Jomi, “Hapayü Josephei ha nevaipü je?” shei e.

JOHAN 19:25

Hahepak kü Jisulei shophang yopailei yaongpeyü chenyü, chenyülei chenaü Klopaslei chenyüha Mary hatü Mary Magdalen hathü nyu.

MARK 15:47

Jisulei mahng metouei vüpa ha Mary Magdalen hatü Joseslei chenyü Mary nyi-i eeteke.

GALATIA 1:19

shejao Shembüpalei chenaü Jakob mü lenei ngei lebü phongshanthü üpayao ne-ee.

LUK SHAHSHA APPÜ 24:10

Shaang hapayü Mary Magdalen, Joanna, Jakobei chenyü Mary, hatü jomphong mü nyupü nyühathüi phongshanthü kü ha jung eteke.

ISAIAH 49:7

Yemleipü Shembüpa, daülangpü Israel Kahvangi jatthüi jiühitei yaktükpü vanglem lembüthülei chongphobü kü hapakei enyüke: “Ongthüi nüng eeyei yaongkahen, longthüi nüng eeyei aümei khümhen; Mehenangkü monglemaokpü Shembüpa, daülangpü Israel Kahvangi nüng jepeih.”

LUK SHAHSHA APPÜ 1:27

hatü David am phang Joseph-i doi pheyei nyupü nela Mary touei pei.

MARK 15:40

Nyühathü hanei tailei veishi nyu; hathü khongkü Mary Magdalen hatü Mary Jakob naü-eepa, Joses hatü Salome hathülei chenyüao yaongshi nyu.

MATHI 27:56

Jomphong khongkü Mary Magdalen hatü Jakob hi Joseph nyilei chenyü Mary, hatü Zebedeelei cheha nyilei chenyüao nyuteke.

MENVIH KESHO 22:6

Shejao ngeiyü laonghiyak hük, hangku nevai; shennyaki yaüeilungtükpü, hatü hangkui ne-ienelemtükpü shennyak hih.

JOHAN 9:29

Kahvangi Mosa homei eteipeih, shejao hapa shennyakü meleipü peipa hami nenying” shei e.

JUD SHAHSHA APPÜ 1:1

Jud, Jisu Khristalei chongphobü hatü Jakobei chenaü, Nyüklangpüthü, hatü Pa Kahvangi bampüthü hatü Jisu Khristai yangei tuhpüthü touei,

LUK SHAHSHA APPÜ 8:20

“Nüng mü ponghüei anyü hatü anaüthü chingshelei yaongshi nyüke” shei büpa kü e.