MATHI 13:46 - DAÜLANGPÜ LAIHING (BSI)

⁴⁶ Büpai bhei longi shangpü yüknyü hük dangei laophüi angpü peü yutü ha shakpükei nyüke.

MATHI 13:46 Referans Kwoze

EPHESIA 3:8

Ngei Kahvangei nanglakthü maanpü khongkü ahshi-üng maanpü hük vaijao, Kung am kü yemei neaokpü Khristalei mop jung shahjangmei kohen,

KOLOSI 2:3

Büpa kü kihikon hatü nyingpühingpü mop peü jaoshi nyüpeih.

PHONGSHANTHÜ DOU 20:24

Shejao ngei ngelei dou mon temaokjema hatü Shembüpa Jisu leipü dangpü Kahvang phahji shahjangmei denpü shuohpü dousho aokphei keyü ngei ngelei yangnyu kü mehe kao nanglei kei ieyeilemei neshiüpih” shei eteke.

MATHI 13:44

Vangsho ongchingü kah hükei kahmong mop nyupü leshi nyüke. Hanei ami ha dangei jophongtü mongongshi daiyei laophü angpü lemphü yutü ha kah shakpükei nyüke.

ISAIAH 33:6

Ammei nyih kü büpai am shingnüng chongkhenhühen; Büpai yemleipü, kihikon, hatü nyingpühingpü shuohhen; Shembüpa kü nyempeyü Zion amei mop longpü vaihen.

KANDOK 2:4

Nüngi hapa ngin keiha, hatü joshi nyupü mophimo keiha yemjema,

SHAKEI VAMPÜ 21:21

Hatü shaden anpünyiyü yüknyü anpünyi, shaden ieyei yüknyü hük hüki mon ling, hatü chingnyü chingyangshongü daülangpü hon aina kei peipeileiyei eeshi lingteke.

GALATIA 6:14

Jenei Shembüpa Jisu Khristalei shophang mü lenei ngei nechangmeishah, ha shingvaishi kahdoknyüi ngei shophang kü appeih, hatü ngei kahdoknyü shophang kü appeih.

MATHI 13:45

Shao, vangsho ongchingü bhei leihbü hük meipü yüknyü yempükei nyüke.

MATHI 13:47

Shao, vangsho ongchingü yungching kü shang haentü nyahlem laolao yeppü leshi nyüke.

SHAKEI VAMPÜ 18:12

hathüyü hon hanggo, ngin, yüknyü, hatü douvang yaongthü, meipü nyemin ashak, manghmepü, nyülükpü hatü hakla ashakthü, vong meipü büpü püthü peü, meinyübha-i lingpü douthü, bhei wongpü püi lingpü douthü, melangnyiam, nyiam, marble,