MATHI 13:39 - DAÜLANGPÜ LAIHING (BSI)

³⁹ hatü vepa üpai thüng vang hai, hapayü kahshih; hahvetpeyü kahdoknyü den dohpü, hatü hah vetpüthüyü vangsho phongshanthü.

MATHI 13:39 Referans Kwoze

MATHI 13:49

Hapa keiha kahdoknyü den dohpü hepak kü nyuhen. Vangsho phongshanthü yiüei daülangpüthü kübü mangthü khaattükhen,

MATHI 25:31

Mechem Shennyak Ha müknyinshekhang kü vangsho phongshanthü peü büpa mü yiühen, hahepak kü büpa müknyinshekhang ong uoshing kü uohen.

JOEL 3:13

Jom ahshi-üng nemeiang; hanangkü hahvet longkhoih-i hah vetpükei vettüktuh; Yiü mangyen thahshi nyalingngupai kü ngümpükei jom ngümtüktuh.

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

SHAKEI VAMPÜ 13:14

hatü hapa yemhalei men kü nyangeihepü dükpai yani ma yahjao meidaipü yemhalei lajei linghen eyei kahdoknyülei nyupüthü luhahteke;

SHAKEI VAMPÜ 12:9

Hapa longpü Dragon, aivang mebü biü, üpa kü Shepe nevaijü Satan shei nyük, kahdoknyü kemei luhahpüba– büpa hatü büpalei phongshanthü kemei kahdoknyülei shükei shanshih.

MATHI 24:3

Mechem büpa Olive Kahshangei uoshi nyupa, nanglomthü mon lomei büpa touei peiyei, “Nüng yiükahen nyangeihepü hatü kahdoknyü den dohpü mekei hatü mechem nyukahen ha ham kü eshih” shei e.

MATHI 13:25

Shejao mechem shennyakthü shidaipa, vepa hük peiyei hah chi kü nüklangthüng vang haiphongtü lüdai.

JUD SHAHSHA APPÜ 1:14

Adam kübü hüshomhülai nyetpabü Enokh-i hathü nang hei tetei epeih: “Veituh, Shembüpai büpalei daülangpü vangsho phongshan haja dok kü haja müei yiükünyüke;

1 PETER 5:8

Am nyingi ungei-aeituh, thaeimaei nyutuh. Ngüngei nyupü mailang keiha ammei vepa Kahshih am shonei hanei am lühnüng longteinyüke.

HEBREW 9:26

Hakei vailangmeyü kahdoknyü linghinüng Khrista leiyei leiyei shangponghen vaipeih. Shejao shaang büpai hapa dohpü den kü büpa laophü nying moila shuohpai mang yaktükhen shingvaishi den shing chem mon peipeih.

EPHESIA 2:2

hatü ha kü am nyuei, kahdoknyü mang lem kü müei, phumshang leipü ngan kü vanglem lembü phei müei nyu; hapa laanghai shaang ven nedanpüthü kü dou düknyüke.

2 KORINT 11:3

Shejao biüei glüp homei Ev luhahpükei Khrista kü ammi mong kemei hatü daülangpai lanei shuohpü kübü lemnyongei mülanghen khih shei ngei yingei deihnyüke.

2 KORINT 2:17

Lebüthü kei hami Kahvangei shah ham nanglei shingvaishi bhei yoshi neyunyih; shejao Khrista kü hamphongi shüeinyiükei, Kahvang leipü shompü shennyakthü kei büpa touei yaongshi enyeih.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

MATHI 13:28

“Vepa hük peiyei haiphongpü khih” shei e. Aathüi büpa kü, “Shejema hamphongi ha bhitükshah nyuo?” shei e.

DANIEL 7:10

Büpa toueipü aw yungyen kei yenei vamteke. Haja hajai büpa chongphoteke, hatü haja an dok kü haja an büpa touei yaongteke. Shahphenbüthü shahtap kü uo, hatü laithü apteke.

MATHI 12:32

Üami Shennyak Ha khüei shah ehenshang, ha mang tükhen, shejao üami Laangha Daülangpü khüei mang thahhen, hapa den nevaijü ngoikahen den kao mang netükhen” shei e.

MATHI 13:22

Hüh chi kü vüpü sheiliyü ha hih; hanei ami hapa shah dannyüke, shejao kahdok yangnyu chudeih mongshang hatü mop vaüpai hapa shah lümtükhünyeih hatü betjük nejüki leidainyeih.

MATHI 13:40

Nüklangthüng thaiyei aw kü jaktükpü keiha, kahdoknyü den dohpü mü hapakei nyuhen.

1 KORINT 10:11

Lappü hük huhen shingvaishi hathü dou jom kü vampeih, hatü jen kü nyuhhen shingvaishi nyangei tuhpeih. Mehenangkü jenü dohpü peikahen hepak kü nyüke.

HEBREW 1:2

shejao hapa dohpü nyihthü kü büpai jen kü laophülei Ha üpa büpai douthü lemphülei mükjüp vaihen je, hatü üpa homei büpai kahdoknyüthü ling, büpai büpa homei jen kü enyüke.