MATHI 13:38 - DAÜLANGPÜ LAIHING (BSI)

³⁸ Kah lappeyü kahdoknyü, hatü meipü sheiliyü ongching kü hapeüthü, hatü nüklangthüngü kahshihlei hapeüthü,

MATHI 13:38 Referans Kwoze

JOHAN 8:44

Amphongü ampapa am kahshihthü leipü khih, hatü ammei ampapa ami lümpü dükhen jenyüke. Büpayü panghinüng shennyak jüpü am nyupeih; shahhing kü neshoung; mehenangkü büpa kü shahhing nenyu. Mechem büpai shahshem ehen, büpai büpalei nyingnyoi aimü enyüke; mehenangkü büpayü shahshem ebüthü hatü shahshemei pa.

PHONGSHANTHÜ DOU 13:10

“Nüngü kahshihlei ha, jiüpü lemphülei vepa. Nüng keyü lueilem hatü ühing peü maei nyüke. Kangshangpü Shembüpalei lem kaokeinyomei lingpü nedohhen je?

KAHBHAO 3:15

Ngei nüng hatü nyüha aa kü, hatü nüngei li hi pinnyülei li aa kü ve vaihühen. Büpai nüngei shangjing ngümtükhen, hatü nüngi büpalei la-ong kü bheihen” shei e.

1 PETER 1:23

Amphongü mahbenüng nevai, nemahbenüng li Kahvangei yangnyu yem hatü nedohnetenpü shah homei nyipabü angteke.

JAKOB 1:18

Jenphong büpai lingpü peü mü shongpü betjük leihen shingvaishi büpalei mükhong jiühüei büpai jen shahhing shah-i bühpeih.

MATHI 13:19

Mechem hanei ami hapa ongching jung epü shah bangtü nyingei neyahhen, mongdangei mehe sheili haiyei tuh, kahshih peiyei ha aetei lüdainyeih; lemshongei haipü sheiliyü ha hih.

1 JOHAN 3:2

Bampü küphüthü, shaang jenphongü Kahvangei hapeüthü nyüke; hatü jen mehe vaihen shao-üng shakei mangvam. Jeni nyingpeyü ha khih: mechem büpa shakei vamhenshang, jenphongü büpa kei nyuhen; mehenangkü büpa mekei nyu, hapakei jeni büpa eehen.

KOLOSI 1:6

am touei peipü homei danei nyüke. Kahdoknyü kempülei hapai betjük jükei longpü keiha ammi ha danpü nyih kübü amphong touei hapa shahjangmei-i betjük jükteke, hatü hingshangi Kahvang phahji nyingteke.

ROM SHAHSHA APPÜ 16:26

shejao shaang shakei vam, hatü ven danei hinglempü kü mühen shingvaishi vanyangyem Kahvangei shahkung aimü thihivamthüi nyangpü homei Kung am peü kü nyinghütepa,

ROM SHAHSHA APPÜ 10:18

Shejao ngei phenyeih: Jomi nedanangpü je? Hih, jomi danphei. “Jomei ngeü kahdoknyü peüei daiteke, hatü jomei shahthü kahdoknyü dohpü ngoiteke.”

ROM SHAHSHA APPÜ 8:17

hatü hapeüthü vaijema, shejema mükjüp yahpü am, Kahvangei mükjüp hatü Khrista mü chemi mükjüp yahpü am leinyüke– ha vaipü nangkü jenao büpa mü müknyinshekhanghen shingvaishi jeni büpa mü hanghinyüke.

JOHAN 12:24

Hingmei ngei am kü enyeih, hahkuk hük kahdokei vüei mangdi thahshi hahkuk lakshing nyunyeih, shejao ha dijema, hapai betjük longi jüknyeih.

LUK SHAHSHA APPÜ 24:47

hatü Jerusalem kübü pangei jatthü peü kü mong leppü hatü mang tükpü jung baonghen.

MATHI 24:14

Hatü hapa ongching shahjangmei kahdoknyü peü lemei denpü hük vaishi jatthü peü kü chongvenhen; hapheikü dohpü ngoikahen.

HOSEA 2:23

Ngei ngelei nanglakthü kahdok kü shingnüngei tuhhen, hatü dahüshehühen; hatü ngei, “Nebamnyih” shei eshuohpüthü küngei bampü huhen. Ngei, “Ngelei nanglak nevai” shei eshuohpüthü kü, “Amphong ngelei nanglakthü” shei nyükhen; hatü jomi, “Nüngü hamei Kahvang” shei ehen.

ISAIAH 53:10

Büpalei büm mintükhen, hatü hanghihühenü Shembüpai mongpü nyuteke, hatü Shembüpai büpalei yangnyu-ü mangthü shingvaishi moila hük leitükjao, büpai laophülei hühiha eehen, hatü yangnyu shoshoshi nyuhen, hatü büpa homei Shembüpai mongpü aokpü danghen.

MENVIH KESHO 22:30

Pheinaüi büpa chongphohen; ngoikahen hüshom pheinaüi Shembüpa jung ehen.

SHAKEI VAMPÜ 14:6

Hapheikü ngei lebü vangsho phongshan kahdoknyülei nyupüthü kahmük, jat, shahlem laolao hatü nanglakthü touei baonghen shingvaishi shahjangmei kotü vangsho jiamei piyei ee.

JAKOB 2:5

Ngei bampü jeihinaü nyahinaüthü, bangtuh. Kahvangi kahdoknyü kü taopathü hinglempü kü shemmei vaihen, hatü büpa kü bampüthü kü büpai lahpü ongching mükjüp vaihühen nejeangpü je?

MATHI 5:37

Nüngei shah-ü, “Hih, shejü hih” nevaijü, “Nevai, shejü nevai” shei etuh. Ha mü lendaipü peü mang kübü vamnyüke.

MATHI 8:12

shejao vangsho ongching mükjüpthü shangmangei yakphonghen, halei theppü hatü bha vükpü nyuhen” shei e.