MATHI 12:42 - DAÜLANGPÜ LAIHING (BSI)

⁴² Shahphenpü nyih kü Sheba am onglanyü yaonghen hatü am nyonghühen; mehenangkü pinnyüi Solomonei kihikon shah banghen shingvaishi jomei tailu kahdok leipü peipeih, hatü veituh, Solomon mao longpü lemhük hamü nyüke” shei e.

MATHI 12:42 Referans Kwoze

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

MATHI 17:5

Büpa shah eyei nyushingkü phum shola peiyei dhüm, hatü phum leipü ngeü hük vamei, “Hapayü ngei bampü Ha, ngei büpa kü mong hahnyeih; büpai epü bangtuh!” shei e.

JOHAN 1:18

Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

MATHI 3:17

hatü vangsho leipü ngeü hük vamei, “Hapayü ngei mong hahpü ngei bampü Hapeü” shei e.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

1 ONGPATHÜ 10:24

Kahvangi büpa kü shuohpü kihikon banghen shingvaishi kahdoknyü kemei Solomon touei peihen kenteke.

1 ONGPATHÜ 5:12

Büpai lahpükei Shembüpai Solomon kü kihikon shuoh. Hiram hi Solomon nyi aa kü chingmeivangmei nyu, hatü jijinyi-i chingmei nyuhen vangtei.

1 ONGPATHÜ 4:34

Solomonei kihikon jung danpü jatthü peü kübü ongthüi büpalei kihikon shah kü banghen shingvaishi shennyakthü shom.

1 ONGPATHÜ 4:29

Kahvangi Solomon kü kihikon hatü yao-aokpü kon, hatü neshetnephenaokpü yungching bahiyang kei danaokpü kon shuoh.

1 ONGPATHÜ 3:28

Mechem Israel am kemei-i ongpai shahphen shuohpü danpa, jomi ongpa kü dhüm longi shuoh; mehenangkü büpa kü shahhingi vanglem lemhen Kahvang leipü kihikon nyüke shei nying.

1 ONGPATHÜ 3:12

nüngi mehe yiü, ha ngei nüng kü shuohhen. Ngei nüng kü kihikon hatü mang hi mei nyingaokpü kon shuohhen; shelei nüng kei üpayao nenyuhampeih; hatü nüng pheikao nüng kei üpayao nechongkahen.

1 ONGPATHÜ 3:9

Hanangkü nüngei chongphobü kü nanglakthü shak kü vanglem lemhen hatü mang hi mei baong hanei yao-aokhen kihikon yahshih. Hei nevaijema mekei etü hajükpü nüngei nanglakthü shak kü vanglem lemaokhen?” shei e.

MATHI 12:41

Shahphenpü nyih kü Nineveh nanglakthü yaonghen hatü am nyonghühen; mehenangkü jomi Jonah-i chongvenpü kü mong lepteke, hatü veituh, Jonah mao longpü lemhük hamü nyüke.

MATHI 12:6

Ngei am kü enyeih, phopshem mao nyeipü hamü nyüke.

SHAHKÜP 30:13

Nevaijü, “Hami hapa danei ven banghen shingvaishi hapa leikününg üpa yungching homei daihenang?” shei ammi phehen mü hapayü yungching dangei neshiü.