MATHI 12:35 - DAÜLANGPÜ LAIHING (BSI)

³⁵ Shennyakmei-i meipü dou jaoei tuhpü leipü doumei ngainyeih, hatü shennyakteni nemeipü dou jaoei tuhpü leipü nemeipü dou ngainyeih.

MATHI 12:35 Referans Kwoze

KOLOSI 4:6

Ammi peü kü mekei shahnyok shuohhen ha nyinghen shingvaishi ammei shah-engeüshei kü phahji hatü hüm kei vüngnyangi nyuhütuh.

KANDOK 15:28

Daülangpüthülei mongdangi mekei shahnyok shuohhendeih-ei veinyüpeih, shejao nemeipüthülei ju kü ten bhaoei vamnyüpeih.

KANDOK 15:4

Bampü shahthüyü yangnyu pü, shejao shahlüpshahlu epai laangha ngümtüknyeih.

KOLOSI 3:16

Mop keiha Khristalei shah ammei mongkü maei tuhtuh; kihikon kempü kü hüki hük kü nyuhteituh, hatü nangthongteituh, hatü ammei mongei mongongpai Kahvang kü menvih kesho, khümpü kesho, hatü laangha kesho lokeishuoh.

MATHI 12:34

Amphong biüei hapeüthü! Am nemei-i tuhtü mekei meipü jung ammi enya? Mehenangkü mongei maei deihpü kübü julei vamei enyeih.

EPHESIA 4:29

Ammei ju kübü shahten tevamhü, shejao nanglaki napükei jom linghen nangkü mehe nadang nyu, ha etuh, shejüang ammei shahthü bangpü am kü nanglei vaihen.

KANDOK 15:23

Jiüpü shahnyok shuohpai shennyak hük mongong dangnyüpeih; hepak kü jiüshi shahmei epeyü meshük meipüang!

KANDOK 12:6

Nemeipüthülei shah-ü mih jühen tappükei nyüke, shejao daülangpüthülei shah homei hathü yanglangnyeih.

MATHI 13:52

Büpai jomphong kü, “Hanangkü vangsho ongching shingvaishi nyuhtükpü shahkung nyuhbüthüyü shem shembü hük laophülei mop tuhshing leipü mop chang mop ja peü ngaipükei nyüke” shei e.

MATHI 7:17

Hapa keiha pü meipü peü kü betjük meipü jüknyeih, shejao pü nemeipai nemeipü betjük jüknyeih.

LUK SHAHSHA APPÜ 6:45

Shennyak mei-i laophülei mongdangei yowei tuhpü kübü meipü vamhünyeih, hatü shennyak teni laophülei mongdangei yowei tuhpü kübü ten vamhünyeih; mehenangkü mongdangei maei nyupü kübü julei vamei enyeih.

JOB SHAHSHA APPÜ 8:10

Jomi nüng kü nenyuhphahen hatü ne-ephahen je? Jomi nüng kü jomi danaokpü leipü shah ne-ephahen je?