MATHI 12:34 - DAÜLANGPÜ LAIHING (BSI)

³⁴ Amphong biüei hapeüthü! Am nemei-i tuhtü mekei meipü jung ammi enya? Mehenangkü mongei maei deihpü kübü julei vamei enyeih.

MATHI 12:34 Referans Kwoze

LUK SHAHSHA APPÜ 6:45

Shennyak mei-i laophülei mongdangei yowei tuhpü kübü meipü vamhünyeih, hatü shennyak teni laophülei mongdangei yowei tuhpü kübü ten vamhünyeih; mehenangkü mongdangei maei nyupü kübü julei vamei enyeih.

MATHI 15:18

Shejao mepa ju kübü vamnya hayü mongdang leipü pangei vamnyeih, hatü hapai shennyak sheihhünyeih.

EPHESIA 4:29

Ammei ju kübü shahten tevamhü, shejao nanglaki napükei jom linghen nangkü mehe nadang nyu, ha etuh, shejüang ammei shahthü bangpü am kü nanglei vaihen.

1 SAMUEL 24:13

Aivang bütet kü, “Douten dükpü am kübü douten vamnyeih” shei enyüke, shejao ngelei laki nüng khüei dou nedükpih.

1 JOHAN 3:10

Üpa Kahvangei ha, üpa kahshihlei ha hapakei jeni nyingdainyeih: Üpai jiüpü nedük nevaijü laophülei jeihinaü hatü nyahinaüthü kü nebam, büpayü Kahvangei ha nevai.

MATHI 12:35

Shennyakmei-i meipü dou jaoei tuhpü leipü doumei ngainyeih, hatü shennyakteni nemeipü dou jaoei tuhpü leipü nemeipü dou ngainyeih.

JOHAN 8:44

Amphongü ampapa am kahshihthü leipü khih, hatü ammei ampapa ami lümpü dükhen jenyüke. Büpayü panghinüng shennyak jüpü am nyupeih; shahhing kü neshoung; mehenangkü büpa kü shahhing nenyu. Mechem büpai shahshem ehen, büpai büpalei nyingnyoi aimü enyüke; mehenangkü büpayü shahshem ebüthü hatü shahshemei pa.

ISAIAH 32:6

Mehenangkü ngapa hüki ngashah enyeih, büpalei mongü ten mü nekongi nyunyeih. Büpai Kahvangi nelümpü dou düknyeih, hatü Shembüpa khüei ten enyeih; aeipüthü kü hahhen neshuohnyih, hatü yung lepüthü kü yung neshuohnyih.

MATHI 23:33

Amphong biüthü, hatü biüei hapeüthü! Molo aw kü shukhen kübü am mekei yangaokhen?

ISAIAH 59:14

Shahhing changtük, daülangshemshepü taidai; chingyangshongei shahhing-ang huluh shuohhünyüke, hatü jiüshangpü shühen shing neshiü.

MENVIH KESHO 64:3

Yan keiha jomi jomei yei yünyüke, hatü jomei shah-ü leü kohpü lahhan kei nyüke.

MATHI 3:7

Shejao mechem büpai Pharisee hatü Sadduke am longi yung kü hünghen peijapü eepa, büpai jomphong kü, “Amphong biüei hapeüthü! Ngoikahen mongshih kübü nyaidaihen mü amphong kü üpai lihen shahvüng yahphopa?

LUK SHAHSHA APPÜ 3:7

Büpa touei baptükhahnüng peijapü khongnyü kü Johani, “Amphong biüei hapeüthü! Peikahen nyupü mongshih kübü nyaidaihen mü üpai amphong kü shahvüng shuohpa?

ISAIAH 59:4

Üpaiyao shahhing koei nepeinyu; Üpaiyao shahhing kü shahphenhen neyemnyu. Jomi shahshem shah dakteipü kü monglemnyüke; nemeipü deihnyüke, hatü ten bühhünyüke.

MENVIH KESHO 53:1

Ngapathüi jomei mongei, “Kahvang neshiüpih” shei enyüke. Jomü tendaipüthü, jomi jiühitbenüng dou düknyüke; mei dükpü shennyak hükao neshiü.

MENVIH KESHO 64:5

Jomei mükhong ten kü wongmü shongshi nyunyüke. “Üpai eehen?” shei deihshi tai haenei tuhhen eteinyüke.

KANDOK 4:23

Peü mü nüngei mongdang yomtuh, mehenangkü hapayü yangnyu yunglok khih.

KANDOK 16:23

Kon kohpü shennyaki ehen shekü düktü enyüpeih, hatü jomei jubenyeijaangi yawh-eiyangei enyüpeih.

ISAIAH 9:17

Hanangkü Shembüpai thehilathü kü neshinshangnyu, nevaijü jomei hashihha hatü vaümnyüthü kü nephahjinyu; mehenangkü peüi Kahvang nenying, hatü mang dükpüthü mon, hatü peüei jui ngashah enyüke. Hapaiyao büpa mongshihpü nemeinyu; hatü büpalei lak shaang thahshi noshi nyüke.

EPHESIA 5:4

Nevaijü mih huluh shuohhen shah, ngashah, veüshah chemjalak kü ammi tenotei shejao ha nangjeiyei menvih shuohtuh.

JAKOB 3:2

Jen peüi longi pungnyüpeih. Üpai epü kü nepung, büpayü changpüshapü, hatü laophülei büm kemei shümei tuhaokpü nyüke.