MATHI 12:18 - DAÜLANGPÜ LAIHING (BSI)

¹⁸ “Ngei jelangpü ngelei chongphobü hatouei nyüke, ngei bampü, büpa kü ngelei laanghai mong hahnyeih. Ngei ngelei laangha büpa kü shihshuohhen, hatü büpai jatthü kü shahhing baonghen.

MATHI 12:18 Referans Kwoze

ISAIAH 42:1

Ngei wong kohhüpü ngelei chongphobü hamü nyüke, Ngei monghahpü ngei jepü hük; Ngei ngelei laangha büpa kü shihpeih, hatü büpai jatthü peü kü shahhing koei peikahen.

LUK SHAHSHA APPÜ 4:18

“Shembüpalei Laangha ngei kü nyüpeih, mehenangkü büpai ngei kü taopathü kü shahjangmei kohen thiteiphuei jepeih. Büpai ngei khoklatei nyupüthü kü bümei baonghen, mükphüngpathü kü mük aphen, hatü hanghipüthü bümei leihühen,

PHONGSHANTHÜ DOU 10:38

Mekei Kahvangi Nazareth am Jisu Laangha Daülangpai hatü ngani thiteiphu, hatü mekei büpai doumei dükei, hatü mang laanghai shüveihahpüthü meihüpa ammi nyingei nyüke; mehenangkü Kahvang büpa mü nyuteke.

JOHAN 3:34

Büpa üpa Kahvangi shom, büpai Kahvangei shah enyüke, mehenangkü büpai Laangha maei shuoh.

1 PETER 2:4

Hangkui yaktükjao Kahvangi jepü hatü büpa touei douvang yangnyuyem yaong, büpa touei peituh;

ISAIAH 52:13

Veituh, ngelei chongphobüi kon kohshi dükkahen; Büpayü longei shangei anshihhen, hatü dhüm longi shuohhen.

ISAIAH 11:2

Shembüpalei laangha büpa kü nyuhen, kihikon hatü danaokpü laangha, shahnying venpü hatü ngan laangha, nyingpühingpü hatü Shembüpalei laangha büpa kü nyuhen.

2 PETER 1:17

“Hapayü ngei bampü Ha, ngei büpa kü mong hahnyeih” shei Jeiyong Müknyinshekhangi epü büpa touei hapa ngeü peishingkü büpa Pa Kahvang leipü dhüm hatü müknyinshekhang dangpeih.

KOLOSI 1:13

Mehenangkü büpai jen vangnyaki vanglem lempü kübü jen yangei büpai bampü Halei ongchingei jen müei leiteke.

KOLOSI 1:1

Paul, Kahvangi mongpü homei Jisu Khristalei phongshan hük hatü jenei jeihinaü Timoti leipü,

EPHESIA 1:6

Büpalei müknyinshekhang phahji hatü büpai bampü Ha kü jen kü ang kübü thintho shuohpü shingvaishi Kahvang men longshah.

PHONGSHANTHÜ DOU 14:27

Mechem jiji leiyei Antiokh ngoipa, jiji-i attoi am chemi nyük, hatü Kahvangi jiji kü dükpü, hatü mekei Kung am kao hinglemhen shaden appa, ha jung peü shah-om aokteke,

PHONGSHANTHÜ DOU 11:18

Mechem jomi ha danpa, jomphong nendai, hatü jomi Kahvang men longei, “Shejema Kahvangi Kung am kao yangnyuyem touei mülanghen mong lephen shuohhen khih” shei e.

LUK SHAHSHA APPÜ 23:35

Nanglakthü veiyei yaongshi nyu, shejao mübüthüi büpa kü yaüeilungei, “Büpai mih yangteke; büpayü Kahvangei Messiah, jelangpü hük vaijema büpa nyingi nyemyang” shei e.

LUK SHAHSHA APPÜ 9:35

Hahepak kü phum leipü ngeü hük vamei, “Hapayü ngei bampü Ha; büpai epü bangtuh” shei e.

LUK SHAHSHA APPÜ 3:22

hatü Laangha Daülangpü athuba kei yiüei büpa kü bak, hatü vangsho leipü ngeü hük vamei, “Nüngü ngei bampü Ha; ngei nüng kü mong hahnyeih” shei e.

MARK 9:7

Hahepak kü phum peiyei jomphong kü jüm, hatü phum leipü ngeü hük vamei, “Hapayü ngei bampü Ha: büpa kü bangtuh” shei e.

MARK 1:11

hatü vangsho leipü ngeü hük vamei, “Nüngü ngei bampü Ha; ngei nüng kü mong hahnyeih” shei e.

MATHI 17:5

Büpa shah eyei nyushingkü phum shola peiyei dhüm, hatü phum leipü ngeü hük vamei, “Hapayü ngei bampü Ha, ngei büpa kü mong hahnyeih; büpai epü bangtuh!” shei e.

ZEKHARIAH 3:8

“Shaang bangtuh, Oh Joshua ngongchong, hatü nüng touei uoshi nyupü nüngei küphüthü, amphongü ngoikahen dou nang nyangeihepü nyüke: Ngei chongphobü, üpa kü Kao shei nyüknya, shakei ngaiphahen.

JEREMIAH 16:19

Oh Shembüpa, ngelei wong, hatü ngelei penyüsha, shanghah hepak kü ngei loishing. Nüng kü kahdok dohpü junghijang peü kübü peiyei, “Hamei bühipathüi meheyao ne-ang, shahshem kahvangthü, yahlak neshiüpü, jom kü meheyao mei nedükpü lajeithü angpü khih” shei ehen.

ISAIAH 62:2

Jatthüi ammei daülangshemshepü, hatü ongthüi ammei müknyinshekhang eehen; Amphong kü men ja hük menhen, hapayü Shembüpalei ju kübü vamei menhen.

ISAIAH 53:11

Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

MENVIH KESHO 89:19

Chem nüngi manghkhang kü eteke, nüngei hinglempü nanglak kü eteke: “Shongnyü veshan hük kü ngei sheühtepih; nanglak khong kübü jepü nethe hük kü ngei ong uoshing shuohtepih.

MATHI 12:17

Hapayü Isaiah thibü homei epü jiühühen shingvaishi vamteke: