MATHI 11:5 - DAÜLANGPÜ LAIHING (BSI)

⁵ Mükphüngpathüi eenyüke, la khopüthü kamaoknyüke, ngombüthü daüdainyüke, aangdaipüthü dannyüke, didaipüthü yangei leishihnyüke hatü taopathü kü shahjangmei chongvennyüke.

MATHI 11:5 Referans Kwoze

LUK SHAHSHA APPÜ 4:18

“Shembüpalei Laangha ngei kü nyüpeih, mehenangkü büpai ngei kü taopathü kü shahjangmei kohen thiteiphuei jepeih. Büpai ngei khoklatei nyupüthü kü bümei baonghen, mükphüngpathü kü mük aphen, hatü hanghipüthü bümei leihühen,

ISAIAH 29:18

Hapa nyih kü aangpüthüi hapa laitap leipü shah danhen, hatü manghphang kü vangnyak kao mükphüngpüthüi eehen.

JAKOB 2:5

Ngei bampü jeihinaü nyahinaüthü, bangtuh. Kahvangi kahdoknyü kü taopathü hinglempü kü shemmei vaihen, hatü büpa kü bampüthü kü büpai lahpü ongching mükjüp vaihühen nejeangpü je?

MATHI 21:14

Phopshem mongei mükphüngpa hatü la khodaipüthü büpa touei pei, hatü büpai hathü meihü.

JOHAN 10:38

Shejao ngei hathü dükjema, ammi ngei kü hingnelemjao dou kü hinglemtuh, shejüang Pa ngei kü nyüke, hatü ngei Pa kü nyüke shei ammi nyinghen hatü danaokhen” shei e.

JOHAN 10:25

Jisui jomphong kü, “Ngei am kü etepih shejao ammi hingnelem. Opalei men kü ngei dükpü douthü ngei jung denpü shuohnyüke;

JOHAN 5:36

Shejao Johani denpü mao nyeipü denpü hük ngelei nyüpeih. Pa-i ngei kü temhen shingvaishi shuohpü ngei shaang dükpü douthü homei Pa-i ngei shompeih shei denpü shuohnyüke.

JOHAN 3:2

Büpai nyak kü Jisu touei peiyei büpa kü, “Nyuhbü, nüngü Kahvang leipü yiüpü nyuhbü shei nyingnyüke; mehenangkü Kahvang ne-ompheikü nüngi dükpü nyangeihepü douthü üpaiyao nedükaokpih” shei e.

JOHAN 2:23

Mechem Hompü Mo hepak kü büpa Jerusalemei nyupa, longshi shing büpa kü hinglem; mehenangkü jomi büpai dükpü yashanpü douthü eeteke.

MARK 9:25

Mechem Jisui khongnyü chemi mokei heihjapü eepa, büpai mang laangha kü loh-ei, “Hapa naü shah ne-ehüi hatü dhaongi nedani shümlangpü mang laangha, ngei nüng kü shahkung shuohnyeih, büpa kübü vamdaituh, hatü ne-yei büpa kü teshü!” shei e.

MARK 7:37

Nanglakthü longi thamaei, “Büpai lemphü meihütüknyüke; büpai aangdaipüthü danhünyüke, hatü shah ne-eaokpüthü ehüaoknyüke” shei etei.

MATHI 10:8

Tüngpü meihütuh, didaipü yangtuh, ngompüthü daütüktuh, mang laangthü changtüktuh. Amphongi lop neshuoh-i ha dangpeih, lop neyah-i yah-eishuoh.

MATHI 9:30

hatü jijilei mük eeteke. Hahepak kü Jisui jiji kü, “Ha jung üpa kao tenyinghü” shei e.

ISAIAH 66:2

Hathü douthü kemei ngelei laki lingpeih; hanangkü hathü kemei ngelei shei Shembüpai enyüke. Shejao üpai maanpü leiyei mong lepnya, hatü nyemei ngelei shah bangnya, ngei henüng shennyak lümnyeih.

ISAIAH 43:8

Nanglakthü üam mük nyu, shejao mük phüngdai, üam kü dhaong nyu, shejao aangdai hathü leituh.

MENVIH KESHO 146:8

Shembüpai mükphüngpathülei mük vamhünyeih; Shembüpai maanpü leipüthü longei anshihnyeih; Shembüpai daülangpüthü kü bamnyeih.

MENVIH KESHO 22:26

Taopathüi hahhen hatü shümoh meihen, Shembüpa yempüthüi büpa vihhen. Jom düngei moihimanpü leihütuh!

2 ONGPATHÜ 5:14

Hanangkü büpa yiüei Kahvang shennyaki epü keiha Jordan yungyenei nyetpa thahshi hingteke, hatü büpalei büm hashihlei büm kei lei, hatü din chadai.

2 ONGPATHÜ 5:7

Mechem Israel ongpai hapa lai iepa, büpai laophülei büm-ow shaaktü, “Ngeiyü Kahvang je? Ngei mih jütü yangei leishih-aokhen je? Mehekei hapa shennyaki ngomdin kohpü shennyak meihütuh shei shah shompa? Büpayü ngei mü hokhen lem yemhen khenyu khih” shei e.

MATHI 5:3

Laangha kü taopü nyingpüthü moihiman; mehenangkü vangsho ongching jomphongei.

PHONGSHANTHÜ DOU 2:22

Israel am, ngei mehe ephahen bangtuh: Nazareth am Jisu-ü Kahvangi yahpü shennyak hük amphong touei yashanyale, thamapü hatü nyangeihepü homei Kahvangi am kü büpa homei dou dükpü am nyingi nyingei nyüke.

ZEKHARIAH 11:7

Üami mi bhei leihnya, jomi ngelei nang yepteke, hatü ngei jütükhen mithü yombü hük leiteke. Ngei lenshuoh nyi yahteke: hük kü ngei, “Bampü” shei nyük, hatü hükpa kü ngei, “Mongjempü” shei nyük, hatü ngei mi khong jungteke.

MÜLANGPÜ 4:11

Hahepak kü Shembüpai büpa kü, “Hangku kü üpai shah ne-e-i nevaijü dhong aangei leitüknya? Üpai mük eehünya hatü mükphüngtüknya? Hapayü ngei, Shembüpa nevaipü je?

ISAIAH 29:19

Nentei-aokpüthüi Shembüpa kü mongonghen; nehahneyingpüthüi Israel amei Daülangpü Kahvangkü mongmeihen.

MATHI 11:4

Jisui jomphong kü, “Leituh, hatü ammi mehe dan hatü eepa, ha Johan kü hapakei eyeishuoh:

MATHI 12:13

Hapheikü büpai hapa shennyak kü, “Nüngei lak lantuh” shei e. Büpai lak lanshingkü lebü kei meidai.

JOHAN 9:7

büpa kü, “Daiyei Siloam yungyenei paütüktuh” shei e. (Hapa lappü, Deishihpü). Hapheikü büpa daiyei paütüktü mük eeyei shemei lei.