MATHI 11:29 - DAÜLANGPÜ LAIHING (BSI)

²⁹ Nüngi ngelei pang paituh, hatü ngei leipü nyinghahtuh; mehenangkü ngeiyü mongdangei nenteiaokpü hatü inyainyemi nyüpeih, hatü nüngei laangha shing nyiumei danghen.

MATHI 11:29 Referans Kwoze

JEREMIAH 6:16

Shembüpai hapakei enyüke: Lembaongei yaongtuh, hatü veituh, hatü meyangpü lemchang yemtuh, melemei lem meipü nyüpa, ha kü kamtuh, hatü nüngei laangha shing nyiushemmei danghahtuh. Shejao jomi, “Hami ha kü nekampih!” shei enyüke.

1 JOHAN 2:6

Üami, “Ngei büpa kü nyunyeih” shei enya, hathüyü büpai kampükei kamhen vongbong.

JOHAN 13:15

Mehenangkü ngei amphong kü lappü hük, ngei dükpü keiha amphongiyao düktuh shei shuohnyeih.

MATHI 7:24

Hanangkü üami ngelei hathü shah bangei düknya, hathüyü kon kohpü shennyak hük yaong shangkü laophülei shem vepü hük leshi nyüke.

HEBREW 5:9

hatü büpa changpüshapü leihütü, büpayü büpalei ven danpüthü peü shing nedohnetenpü yemleipü shuohbü lei,

2 KORINT 10:1

Khrista nenteiaokpü hatü inpünyaipü homei ngei, Pauli am kü khümei enyeih– ngei am mü dhe dhe gongei thaijü veüpükei nyunyeih, shejao mechem yanei daihen am touei monglongshi nyunyeih.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

PHILIPPI 2:5

Khrista Jisu kü nyupü aihük chudeih mongdang am kü nyuhütuh.

BHEI-IE 12:3

Shaang Mosayü longi nenteiaokpü shennyak, kahdoknyü kü nyupü shennyak peü mü nenteiaokpü shennyak nyuteke.

MATHI 21:5

“Zion nela kü etuh, Veituh, ammei ong am touei, nenteiaokpai gadu dok shangkü, gadu cheha kü uotü peikünyüke.”

2 KORINT 10:5

Hami Kahvangei kihikon khüei shah dakteipü hatü changmeipai lem bangtükpü bentüknyeih, hatü hami deihpü lemphü Khristalei ven danhen nangkü yepei tuhlangnyeih.

1 THESALONIKA 4:2

Shembüpa Jisu homei hami am kü mehe nyuhpüvenpü shuohtepa, ha ami nyingei nyüke.

JOHAN 13:17

Ammi ha nyingei hathü dükjema, amphong moihiman.

MATHI 17:5

Büpa shah eyei nyushingkü phum shola peiyei dhüm, hatü phum leipü ngeü hük vamei, “Hapayü ngei bampü Ha, ngei büpa kü mong hahnyeih; büpai epü bangtuh!” shei e.

2 THESALONIKA 1:8

Hapayü Kahvang nenyingpüthü hatü jenei Shembüpa Jisulei shahjangmei nebangpüthü kü bhüh yemhen.

1 KORINT 9:21

Shahkung haolei nyupüthü müei leihen shingvaishi shahkung haolei nyupüthü touei (ngei Kahvangei shahkung kübü bümei leiyei nenyu shejao ngei Khristalei shahkung phangkü nyujao) ngei shahkung haolei nyupüthü kei leipeih.

PHONGSHANTHÜ DOU 7:37

“Kahvangi ngei ngaihüpükei büpai am shingvaishi am nanglak khong kübü thihivam hük vamhühen” shei Israel am kü epü Mosayü hapa hih.

LUK SHAHSHA APPÜ 8:35

Mehe vampa shei ha veinüng shennyakthü vam, hatü mechem jom Jisu touei peipa, jomi üpa shennyak leipü mang laanghathü vamdaipa, büpa Jisu touei ashakviha owtü bümei leiyei uoshi ee, hatü jomphong nyem.

MENVIH KESHO 131:1

Oh Shembüpa, ngelei mong kü nechangmeinyih, ngelei müki changmeipai naamei neveinyih. Ngei ngei nyingi longpü dou, hatü ngei shingvaishi yashanpü douthü kü nehakanyih.

MENVIH KESHO 116:7

Leptuh, ngelei laangha, nüng nyiushemmei kü nyukei; mehenangkü Shembüpai nüng kü meishi dükteke.

KANDOK 3:17

Pinnyülei lemthüyü mongongmongle, hatü pinnyülei lemshongü chingmeivangmei nyüke.

ISAIAH 28:12

Büpai hathü kü, “Hapayü nyiumeihen shing, nyiupüthü nyiumeihütuh; hatü hapayü nyiumeishing, shejao jomi ha nebangnyu.”

ISAIAH 29:19

Nentei-aokpüthüi Shembüpa kü mongonghen; nehahneyingpüthüi Israel amei Daülangpü Kahvangkü mongmeihen.

2 SHÜPPÜKENGPÜ 10:11

Opai am kü hanggovih kohüteke, ngei ha kü shao ühen. Opai am kü hanbhi-i bheiteke, shejao ngei am kü yiüjikaungkangi japhüei anghen shei etuh” shei eteke.