MATHI 11:27 - DAÜLANGPÜ LAIHING (BSI)

²⁷ Dou peü Opa-i ngei kü lanei shuohteke; hatü Pa mü lenei Ha üpaiyao nenying; hatü Ha mü lenei hatü Ha homei büpa shakei vampü nyinghen shingvaishi jepüthü mü lenei üpaiyao Pa nenying.”

MATHI 11:27 Referans Kwoze

MATHI 28:18

Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.

LUK SHAHSHA APPÜ 10:22

Opai ngei kü douthü peü lanei shuohteke; hatü Pa mü lenei Ha üpaiyao nenying, nevaijü Ha mü lenei hatü Ha-i büpa shakei vamhühen jepüba mü lenei üpaiyao Pa nenying.”

2 JOHAN 1:9

Üpai Khristai nyuhpüvenpü kü nekam, shejao ha peih-ei dainya, büpa kü Kahvang nenyu; üami nyuhpüvenpü kü kam, Pa hatü Ha nyiphen nyüke.

1 JOHAN 2:23

Ha yaktükpü shennyak üpa kao Pa neshiü; üpai Ha lahnya, Pa-ao nyüke.

JOHAN 10:15

Opai ngei nyingpü keiha ngei Opa nyingnyeih, hatü ngei ngelei yangnyu mithü shingvaishi lanei shuohnyeih.

JOHAN 3:35

Pa-i Ha kü bampü nangkü lemphüli büpalei lak kü shuohteke.

JOHAN 6:46

Kahvang leipü hük mü lenei üpaiyao Pa ne-ee; büpai mon Pa eeteke.

JOHAN 1:18

Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

JOHAN 7:29

Ngei büpa nying; mehenangkü ngeiyü büpa leipü, hatü büpai ngei shompeih” shei e.

JOHAN 17:6

Kahdoknyü leipü nüngi ngei kü shuohpüthü kü ngei nüngei men nyinghütepih. Jomphongü nüngei, hatü ngei kü nüngi hathü shuoh, hatü jomi nüngei shah bangteke.

JOHAN 13:3

chepai büpalei lak kü lemphü shuohteke, hatü büpa Kahvang leipü pei, hatü Kahvang touei daihen shei Jisui nyingei,

1 PETER 3:22

Büpa vangsholei aongei Kahvangei lakdah philei vangsho phongshanthü, wongthü mü uo, hatü nganthü peü büpa phangkü tuh.