MATHI 11:25 - DAÜLANGPÜ LAIHING (BSI)

²⁵ Hahepak kü Jisui e, “Ngei nüngei men longnyeih, Opa, vangsho hatü kahdoknyü Shembüpa; mehenangkü nüngi hathü douthü kon kohpü hatü nahpülangpüthü kübü jolang hatü aküngnaühathü kü ha shakei vamhüteke.

MATHI 11:25 Referans Kwoze

MATHI 21:16

hatü büpa kü, “Hathüi mehe enya nüngi dannyüla?” shei e. Jisui jomphong kü, “Hih, hashihthü hatü aküngnaühathülei ju kübü nüngi laophü shing vih-eilühen temteke shei epü ne-ieangpü je?” shei e.

MENVIH KESHO 8:2

Vepathü nyupü nangkü, vepathü hatü bhüh yempü am dohhühen nangkü nüngi aküngnaüha hatü hashihthülei ju kübü menvih nüngi dangnyüke.

MATHI 16:17

Jisui büpa kü, “Nüng moihimanpü, Jonahlei cheha Simon! Mehenangkü iy hatü phai-i nevai, shejao vangsholei nyupü Opa-i ha nüng kü shakei vamhüpü khih.

2 KORINT 3:14

Shejao jomei mong vaanei leiteke, hatü shinnyih thahshi mechem jomi hapa vangteipü chang iehenshang hapa aihük ashaki jümlangnyüke. Hapa ashakü shennyak hük Khrista kü nyujü mon tük-aokhen.

PHONGSHANTHÜ DOU 17:24

Kahvangi kahdoknyü hatü halei nyupü lemphü lingpeih; büpayü vangsho hatü kahdoknyü Shembüpa; büpai hangkulei laki lingpü khümshingei nenyunyih,

JOHAN 11:41

Hanangkü jomi yaong ngowtük, hatü Jisui shang lemei ngangei veitü, “Opa, nüngi ngei kü bangpü nangkü menvih shuohnyeih.

DANIEL 2:23

Ngei nüng kü vihnyeih, hatü dhüm shuohnyüpeih, Oh hamei bühipa amei Kahvang: Nüngi ngei kü kon hatü ngan shuohnyüpeih, hatü hami nüng kü mehe yüpa, ha nüngi shakei vamei huphüteke, Nüngi ham kü ongpalei mangh shakei vamphüteke.”

ISAIAH 66:1

Shembüpai hapakei enyüke: “Vangsho-ü ngelei ong uoshing, kahdoknyü-ü ngelei la shoupshing. Menüng keipü shem amphongi ngei kü melei vephahenang? Ngei nyiumeihen shing melei nyüpa?

LUK SHAHSHA APPÜ 22:42

“Opa, nüngi mongjema hapa yungshong ngei kübü chailangshih; shejao ngei mongpü nevai, nüngi mongpü düktuh” shei e.

DANIEL 4:35

Büpai kahdoknyü hangku kemei kü kong kei veinyüke. Büpai vangsho phongshanthü mü hatü kahdoknyü hangkuthü mü büpai mongpü düknyüke. Üpaiyao büpalei lak shonglanghen neaok, nevaijü, “Nüng mehe düknya?” shei phehen neaok.

ISAIAH 5:21

Laophü nyingi nahnyüpeih, hatü kon kohnyüpeih shei deihpüthü onyükei!

1 SHÜPPÜKENGPÜ 29:13

Shaang, Oh Kahvang, hami nüng vihnyeih, hatü nüngei müknyinshekhangpü men longnyeih.”

2 ONGPATHÜ 19:15

hatü Hezekiah-i Shembüpa kü, “Oh Shembüpa, Israel Kahvang, cherubim nyi aa kü ong uoshing kü uopüba, kahdoknyü ongchingthü peü shak kü nüng monha Kahvang; nüngi vangsho hatü kahdoknyü lingpeih.

1 SAMUEL 2:18

Hashih Samuel-ü nyemin bhagthuh thuhtü Shembüpa chongphoei nyu.

KAHBHAO 14:22

Shejao Abrami, “Shembüpa Jaipüba Kahvang, kahdok vangsho Lingbü kü ngei lahtüktih.

KAHBHAO 14:19

hatü büpai Abram kü moihimanei e: “Kahdok vangsho Lingbü Jaipüba Kahvangi Abram kü moihimantuh.

JOB SHAHSHA APPÜ 37:24

Hanangkü hangkui büpa kü nyemnyeih; üpalei mongkü ngei peü nyingnyeih shei deihnya, büpai henüng kü ieyeilemei nenyu.

LUK SHAHSHA APPÜ 23:34

Hahepak kü Jisui, “Opa, jom kü mang tükeishuoh; mehenangkü jomi mehe düknya, jomi nenying” shei e. Jomi büpalei ashakviha hanteihen phongyom.

JOHAN 12:27

“Shaang ngei mongshangnyüke, hatü ngei mehe ehenang? Opa, hapa hepak kübü ngei yangtuh shei ehen hiang? Nevai, hapa shangpong hepak homei daihen tata kü ngei peipeih.

JOHAN 12:28

Opa, nüngei men müknyinshekhangtuh.” Hahepak kü, “Ngei müknyinshekhangtepih, hatü shao müknyinshekhanghen” shei vangsho leipü ngeü vam.

1 KORINT 2:10

Ha douthü Kahvangi Laangha homei ham kü shakei vamhüpeih; mehenangkü Laanghai lemphü yemnyeih; Kahvangei chüpü douthüao yemnyeih.