MATHI 11:10 - DAÜLANGPÜ LAIHING (BSI)

¹⁰ Hapayü büpa nang nyangpeih: Veituh, ngei nüng shekü ngelei shahjang kobü shomnyeih, büpai nüng shekü nüngei lem temhen.”

MATHI 11:10 Referans Kwoze

MALAKI 3:1

Veituh, ngei shekü lem temnüng ngelei phongmokbü shomphahen, hatü Shembüpa, üpa ammi yemnyüpa, ngangahük kü büpalei phopshemei peikahen; vangteishuwteipü phongmokbü, üpa kü am kennya, peikahen shei Shembüpa Kahvangi enyüke.

ISAIAH 40:3

Hüki nyükpü ngeü: ‘Amphongi jahpandok kü Shembüpalei lem temtuh; Jenei Kahvang shingvaishi jahpandok kü lemnyüshong hük kangshangi lingtuh.

MALAKI 4:5

Veituh, longpü hatü nyempü hanpü Shembüpalei nyih peishekü ngei am touei Elijah thibü shomphahen.

MARK 1:2

Hapayü Isaiah thibüi nyangpükei chongpang: “Veituh, ngei ngelei shahjang kobü nüng shekü nüngei lem temhen shomnyeih;

JOHAN 1:23

Büpai jangei Isaiah thibüi epükei, “Ngeiyü Shembüpalei lem kangshangi temtuh shei jahpanei lenpü ngeü hük hih” shei eteke.

MATHI 3:3

Hapayü Isaiah thibüi eshingkü büpa nang ha eteke: “Jahpanei hüki lenpü ngeü: ‘Amphongi Shembüpalei lem temtuh; büpalei lemthü kangshangi lingtuh.’ ”

MATHI 11:3

büpa kü, “Hük peikahen shei nyupeyü nüng vaipü hi hami lebü hük omdanhen?” shei e.

MATHI 11:11

Hingmei ngei am kü enyeih, nyüi paipü moi khongkü Johan Baptükbü mü longpü nevamangpih, shejao vangsho ongching kü peü mü maanpübayü büpa mao longpüba vaihen.

LUK SHAHSHA APPÜ 1:76

Hatü nüng keyü, ngelei hapeü, Chaipübalei thibü shei nyükhen; mehenangkü nüngi Shembüpa shekü büpa shing lem temnüng daihen,