MATHI 10:19 - DAÜLANGPÜ LAIHING (BSI)

¹⁹ Mechem jomi am lanei shuohhen, ammi mekei ehen, mehe ehen shei mongteshang; ammi mehe ehen ha hepak kü ngei am kü yahphahen.

MATHI 10:19 Referans Kwoze

MÜLANGPÜ 4:12

Shaang, layaongtuh, nüngi epü kü ngei sheühphahen, hatü nüngi mehe eshuohhen ngei nüng kü nyuhphahen” shei e.

2 TIMOTI 4:17

Shejao ngei homei shahjangmei changshi baonghen, hatü Kung ami ha danhen shingvaishi Shembüpa ngei mü nyu, hatü ngei kü wong shuohpeih, hatü ngei mailangei jusha kübü yangpeih.

LUK SHAHSHA APPÜ 12:11

Mechem jomi am Sinagoglei, vanglem lembüthü hatü wong nopüthü touei müei deihenshang, am yanghen nangkü mekei ehen, mehe ehen shei mongteshang;

MÜLANGPÜ 4:15

Mehe mehe ehen nüngi büpa kü eyeishuoh; ngei anjiphen kü mehe ehen sheühphahen, hatü anjiphen kü mehe dükhen ngei ephahen.

JAKOB 1:5

Am hanei kihikon kü taojema peü kü bhashahshi hatü nekaungi shuohpü Kahvang kü yütuh, hatü ha am kü yahphahen.

MATHI 6:31

Hanangkü, “Hami mehe hahhen?” nevaijü, “Hami mehe yinghen?” nevaijü, “Hami mehe owhen?” shei am mongteshang.

MATHI 6:25

Hanangkü ngei enyeih, nüngi mehe hahhen, mehe yinghen nevaijü mehe owhen shei nüngei büm nangkü nüng mongteshang. Hahying mao yangnyu, hatü ashakviha mao büm longpü nevaipü je?

PHILIPPI 4:6

Menüng kao am mongtok tevai, shejao lemphüli kü phoppai hatü yüpai menvih shuohpü mü ammi yüpü Kahvang kü nyinghütuh,

PHONGSHANTHÜ DOU 6:10

Shejao büpa mü shah epü kihikon hatü Laangha mü jomi khangteiyei neaok.

JEREMIAH 1:9

Hapheikü Shembüpalei lak ngei touei peiyei ngelei ju kü hongtü e, “Shaang ngelei shah nüngei ju kü shihtepih.

JEREMIAH 1:7

Shejao Shembüpai ngei kü, “Ngeiyü hashih hih shei te-e; mehenangkü ngei nüng üam touei shomhen, hathü peü touei daihen, hatü ngei mehe nüng kü etuh shei e, ha nüngi ehen.

MATHI 6:34

Hanangkü ngenyihpü jung deih-ei mongteshang; mehenangkü ngenyih-ao ngenyihpülei mongshang koei peikahen. Shinnyihpülei mongshang shinnyih shing changshi nyüpeih.

MATHI 10:18

hatü ngelei men tata kü jom hatü Kung am touei denpü hük vaihen nangkü am governor hatü ongthü touei shüei deihen.

LUK SHAHSHA APPÜ 12:12

mehenangkü hapa hepak kü-üng ammi mehe ehen Laangha Daülangpai nyuhphahen.