MARK 9:25 - DAÜLANGPÜ LAIHING (BSI)

²⁵ Mechem Jisui khongnyü chemi mokei heihjapü eepa, büpai mang laangha kü loh-ei, “Hapa naü shah ne-ehüi hatü dhaongi nedani shümlangpü mang laangha, ngei nüng kü shahkung shuohnyeih, büpa kübü vamdaituh, hatü ne-yei büpa kü teshü!” shei e.

MARK 9:25 Referans Kwoze

PHONGSHANTHÜ DOU 16:18

Pinnyüi hapakei eyei nyih longi nyu. Shejao ahshi baokjapü nangkü Pauli yaakei leiyei mang laangha kü, “Jisu Khristalei men kü ngei nüng kü ngeükhüam shuohnyeih, pinnyü leipü vamdaituh” shei e, hatü ha hepak kü-üng pinnyü leipü vamdai.

LUK SHAHSHA APPÜ 9:42

Büpa heihyaki kahshih-i büpalei büm haenhütü kahdokei doei shükteke, shejao Jisui mang laangha kü lohtü ha naü meihü, hatü chepa kü büpa nyokei shuoh.

MARK 9:15

Mechem khongnyüi büpa eepa, jomphong longi yashan, hatü mokei heih-ei büpa kü selam shuoh.

MATHI 17:18

Jisui mang laangha kü loh, hatü ha büpa leipü vamdai, hatü shaangüng meidai.

JUD SHAHSHA APPÜ 1:9

Shejao vangsho phongshan longpüba Mikhaeli dangkao mechem kahshih mü Mosalei mahng kü aetteipa, büpai büpa kü yaüeilungei thaüvaüei ne-eangpih shejao, “Shembüpai nüng kü lohnyüke” shei epeih.

LUK SHAHSHA APPÜ 11:14

Shah ne-eaokbenüng mang laangha hük Jisui changtük. Mechem mang laangha vamdaipa, shah ne-e-i nyupü shennyaki shah e, hatü khongnyüi thama.

LUK SHAHSHA APPÜ 8:29

mehenangkü Jisui hapa shennyak leipü mang laangha kü vamhen ngeükhüam shuoh. (Mehenangkü hepak ieshi hapai büpa yep; büpa kü nyiamvüi shatü yomei tuh, shejao büpai hapa shapü phenei phaülei kahshih-i müei daihamteke).

LUK SHAHSHA APPÜ 4:41

Anyei vaishi shennyak longi kübü mang laanghathüi, “Nüngü Kahvang Ha” shei lenyaki vamei dai. Shejao büpai hathü kü loh, hatü shah ehen nehan; mehenangkü jomphongi büpayü Khrista shei nyingei nyu.

LUK SHAHSHA APPÜ 4:35

Shejao Jisui büpa kü loh-ei, “Nenmü nyutuh, hatü büpa kübü vamdaituh” shei e. Hahepak kü kahshih-i jomphong touei büpa dowei shükphongtü büpa ma neyahhüi vamdai.

ZEKHARIAH 3:2

Shembüpalei phongshani Kahshih kü eteke, “Shembüpai nüng kü lohnyüke, Oh Kahshih. Jerusalem jepü Shembüpai nüng kü lohnyüke.” Hapa shennyakü awbhaong leipü leppü awjung nevaipü je?

MATHI 12:22

Hapheikü jomphongi büpa touei mang laanghai yeppü shennyak hük mükao phüngdai shah-ao ne-e-i müei dei, hatü Jisui büpa meihü, hatü büpai shah-ao eaok, mükiyao eeteke.

MARK 9:24

Lomi ha naüei chepai lenei, “Ngei hinglemnyeih! Ngei hingnelempü kü sheühshih” shei e.

MARK 9:26

Hapa mang laanghai vaüei ha naü longi kheühütü vamteke, hatü ha naü-ü mahng kei nyu, hatü longshi shingi, “Ha naü didaiteke” shei e.