MARK 8:34 - DAÜLANGPÜ LAIHING (BSI)

³⁴ Büpai khongnyü kü büpalei nanglomthü mü nyükei jomphong kü, “Hanei ami ngei phei mühüjema, laophü nyingi maanpü leituh, hatü laophülei shophang paitü ngei pheilei mükei.

MARK 8:34 Referans Kwoze

MATHI 10:38

hatü üami shophang paitü ngei pheilei nemü, büpa ngelei nanglak vaihen nechang.

JOHAN 10:27

Ngelei mithüi ngelei ngeü dannyeih, ngei jom nyingnyeih, hatü hathü ngei phei münyeih.

1 ONGPATHÜ 14:8

hatü nüng kü shuohhen shingvaishi David am phang kübü ongching shaaktükpeih, shejao nüngü ngelei shahkungthü dükpü, mong kempai ngei phei müpü, hatü ngei touei jiüpü dükpü ngelei chongphobü David kei nevaiang,

GALATIA 5:24

Üamphong Khrista Jisulei lompü vainya, phai-i lümpü hatü yahhüpü peü shophang kü aptükteke.

GALATIA 2:20

hatü hajük kü shaang nyupeyü ngei nevai, shejao ngei kü nyupeyü Khrista, hatü shaang ngei phai kü nyupü yangnyu-ü ngei kü bampü ngei shingvaishi yangnyu shuohpü Kahvang Ha kü hinglempai nyunyeih.

1 JOHAN 3:16

Jeni hapai bampü nyingnyüke: büpai jen shing büpalei yangnyu lanei shuoh, hapakei jeniyao hüki hük shing yangnyu lanei shuohteihen vongbong.

BHEI-IE 14:24

Shejao ngei chongphobü Kaleb, lebü mü chudeih hayaoha nyupü nangkü, hatü mong kempai ngei epü kü müpü nangkü büpa thümnüng daipü kahdokei ngei büpa müei daihen, hatü büpalei hühihathüi hapa kahdok yahhen.

MATHI 16:24

Hahepak kü Jisui büpalei nanglomthü kü e, “Hanei ami ngei phei mühüjema, büpai laophü nang betüktuh hatü laophülei shophang paitü ngei phei mükei.

PHILIPPI 3:10

Ngei Khrista hatü büpa yangei leipü ngan nyinghünyeih, hatü büpa dipü kü büpa kei leiyei büpa shangpongpü kü hanteihünyeih.

ROM SHAHSHA APPÜ 8:17

hatü hapeüthü vaijema, shejema mükjüp yahpü am, Kahvangei mükjüp hatü Khrista mü chemi mükjüp yahpü am leinyüke– ha vaipü nangkü jenao büpa mü müknyinshekhanghen shingvaishi jeni büpa mü hanghinyüke.

LUK SHAHSHA APPÜ 9:23

Hapheikü büpai jomphong kü ha eteke: “Hanei ami ngei phei müpü am leihüjema, büpai laophü nang betüktuh, hatü nyihjeih büpalei shophang paitü ngei pheilei mükei.

KOLOSI 3:5

Hanangkü am kü nyupü kahdoknyü nyingnyoilei douthü peü dihütuh: iyjeiphailei, nedaüpü, iyhiphai-i napü, ten vaüpü, hahnempü (mepa yaongnaüya khümpü nyüpa),

PHILIPPI 3:7

Shejao ngei mehe mehe nanglei dang, shaang ngei Khristalei men kü lomoh shei deihnyeih.

1 PETER 4:1

Hanangkü Khristai büpalei büm kü shangpongpü nangkü amphongao aihük chudeih nyutuh; mehenangkü üpai laophülei büm kü shangpong, hajük kü mang mü vukei neshiü.

GALATIA 6:14

Jenei Shembüpa Jisu Khristalei shophang mü lenei ngei nechangmeishah, ha shingvaishi kahdoknyüi ngei shophang kü appeih, hatü ngei kahdoknyü shophang kü appeih.

1 KORINT 15:31

Ngei nyihjeih dinyeih! Jeihinaü hatü nyahinaüthü, Khrista Jisu, jenei Shembüpa kü ngei am nangkü changmeipeyü hingshangpü.

ROM SHAHSHA APPÜ 6:6

Hapa mang büm mangtükhen hatü hajük kü jen mangei aa nevaihen shingvaishi jenei yangnyu chang büpa mü shophang kü aptükteke shei jeni nyingnyüke.

LUK SHAHSHA APPÜ 14:33

Hanangkü ammi ammei mophimo kemei netuhphongjema amphong üpaiyao ngelei nanglom nelei-aokpih.

2 PETER 1:14

Sheyü ngei didaihen lomi ngoikahen shei ngei nyingnyüke, hatü hayü jenei Shembüpa Jisu Khristai lekei ngei kü ephütepih.

1 PETER 4:13

Shejao Khrista shangpongpü kü hean yahnyeih shei deihpai mongmeituh; shejüang büpalei müknyinshekhang shakei vamshingkü am mongmeihen hatü mongongpai lenhen.

TITUS 2:12

Hapai jen kü Kahvang nenyingpü yangnyu, kahdoknyü lümpü vaüpü kübü yanhen nyuhnyüke, hatü shaangpü den kü ungei-aeipü yangnyu, kangshangpü hatü Kahvang nyingpü yangnyu nyuei,

KOLOSI 1:24

Shaang ngei ammei men kü shangpongpü kü mongongnyeih, hatü Khristai büpalei büm lappai, attoi shingvaishi shangpongpü kü mepa taoei nyu, ha ngelei phai kü changhünyeih.

PHONGSHANTHÜ DOU 14:22

Halei jiji-i vaipüthülei laangha wong kohhü, hatü “Shüveidoidei longi homei jen Kahvang ongchingei shüaokhen” shei vaipü kü nedoh-i nyuhen nangthongei e.

LUK SHAHSHA APPÜ 18:22

Mechem Jisui ha danpa, büpai büpa kü, “Shao lemhüki taoei nyüke. Nüngi angpü peü yutü hapa lop taopathü kü shuohtuh, hatü nüng vangsholei mop nyuhen, hapheikü ngei phei mükei” shei e.

LUK SHAHSHA APPÜ 13:24

“Shaden shawshippülei shühen nyakeikentuh; mehenangkü longshi shing, ngei am kü enyeih, shününg khehen shejao ne-aokpih.

MATHI 27:32

Jom daishingkü jomi Cyrene am shennyak hük Simon shei menpü heüteke; jomi büpa kü ha shophang paihen nyeanteke.

SHAKEI VAMPÜ 2:10

Am mepa shangponghen nyu, ha kü tenyem. Am kü dokhen shingvaishi kahshih-i am hanei yah-ei khoklatei shükhen mü nyüke lituh, hatü nyih an shing am shangponghen. Dipü thahshi hinglemtuh, hatü ngei am kü yangnyu athen shuohhen.

HEBREW 13:13

Shejema jenao baümtap haolei daishah hatü büpai nenpü shangpong koshah.

2 THESALONIKA 3:11

Amphong khongkü haneiyü neheti nyunyüke. Jomphong nang nekoh-i nevai, shejao aung nelei-i nyunyüke shei hami danpeih.

1 KORINT 9:19

Ngeiyü üpalei aayao nevai, bümei vaijao, jom nyeishi müei leihen shingvaishi ngei jom peülei aa leipeih.

1 KORINT 8:13

Hanangkü ngei mehe hah, ha homei ngelei jeihinaü mang thahhüjema, ngei büpa mang kü nevüshihhen shingvaishi ngei hajük kü phai nehahhen khih.

JOHAN 19:17

hatü büpai laophülei shophang paitü “Shangvang” (Hebrew shah mü Golgotha) shei menpü shingei dai.

LUK SHAHSHA APPÜ 20:45

Nanglakthü peüi danshi büpai nanglomthü kü,

MARK 10:21

Jisui büpa kü bamei veitü, “Nüng lemhüki taoei nyüke; daituh, nüng angpü lemphü yutü ha lop taopathü kü shuohtuh, hatü nüngei mop vangsholei nyuhen; hapheikü huoi, ngei phei mükei” shei e.

MARK 7:14

Shao Jisui khongnyü büpa touei nyükei deitü, “Ngei epü bangtuh, am peüi, hatü ha nyinghahtuh: