MARK 8:33 - DAÜLANGPÜ LAIHING (BSI)

³³ Shejao büpalei nanglomthü philei yaakei veitü büpai Peter kü loh, hatü, “Kahshih, lüdaituh! Nüngei mongei Kahvangei dou nevai, shennyakei douthü deihshi nyüke” shei e.

MARK 8:33 Referans Kwoze

MATHI 4:10

Jisui büpa kü, “Lüdaituh, Kahshih! Laihingi ha enyüke: ‘Shembüpa, nüngei Kahvang kü khümtuh, hatü büpa mon chongphotuh’ ” shei e.

1 JOHAN 2:15

Amphongi kahdoknyü nevaijü kahdoknyü douthü kü tebam. Kahdoknyü kü bampüthü kü Pa-i bampü neshiü;

PHILIPPI 3:19

Jom dohpeyü mahpü; jomei Kahvangü jomei shünyü, hatü jomei müknyinshekhangü jomei veüpong kü nyüke; jomei mongü kahdoknyü douthü kü tuh-ei nyüke.

SHAKEI VAMPÜ 3:19

Üam kü ngei bam, hathü kü loknyeih hatü hanghi shuohnyeih. Hanangkü am maanpü leituh hatü mong leptuh.

MENVIH KESHO 141:5

Daülangpüthüi ngei kü bheihütuh; hinglempüthüi ngei kü yeanhütuh. Nemeipüthülei mainga-i ngelei shangjing kü tenyiohü; mehenangkü düngei ngei phoppeyü jomei douten khüei nyüpeih.

1 PETER 4:1

Hanangkü Khristai büpalei büm kü shangpongpü nangkü amphongao aihük chudeih nyutuh; mehenangkü üpai laophülei büm kü shangpong, hajük kü mang mü vukei neshiü.

1 TIMOTI 5:20

Aopü lebüthüi nyemhen shangmü mang kü nyupüthü kü mih touei ngaiheyei loh-eishuoh.

1 KORINT 5:5

Hapa shennyakei phai mangtükhen shingvaishi ammi Satan kü shuohtüktuh; shejüang Shembüpalei nyih kü büpalei laangha yangaokhen.

LUK SHAHSHA APPÜ 22:61

Shembüpai yaakei Peter kü hüngei vei. Hahepak kü Shembüpai büpa kü, “Ou gashekü nüngi jempa thahshi ngei nelah-aokpih” shei eshuohpü shah deih-ei dang.

MARK 3:34

hatü büpai shonei uoshi nyupüthü kü veitü büpai, “Ngelei nyü hatü naüpeüthüyü hamü nyüpeih!

MARK 3:5

Büpai jomphong kü mongshih-ei shineileyei vei; jom mong vaanpü eeyei büpa mong kü tüngei hapa shennyak kü, “Nüngei lak lantuh” shei e. Büpai lak lan, hatü ha meidaitü nyu.

MATHI 15:23

Shejao büpai pinnyü kü lanshei shah nelei. Hanangkü büpalei nanglomthü peiyei büpa kü, “Pinnyü deitüktuh; mehenangkü pinnyüi jen pheikü lenei nyunyüke” shei nyeanteke.

2 SAMUEL 19:22

Davidi, “Zeruiahlei hapeüthü, ngei mü am showsheipü mehe nyüpa? Shinnyih amphongü ngelei vepathü leiteke! Shinnyih Israel kü shennyak hanei jühen je? Ngei shinnyih Israel amei ongpa hih shei ngei nenyingnyu je?” shei e.

LEVI 19:17

Ammei jeihinaü üpa kao mongei jiühitei tedeih; nüngi chingyowpai pungpü kü neomhahen shingvaishi ngaihe-i loheishuoh.

TITUS 1:13

Hapa denpeyü jiüpeih. Ha vaipü nangkü jom kü wongmü loh-eishuoh, shejüang jomi vaipü kü meishi leihen,

LUK SHAHSHA APPÜ 9:55

Shejao büpai yaakei leiyei jiji kü loh.

LUK SHAHSHA APPÜ 4:8

Jisui büpa kü, “Ha nyangei nyüke: Shembüpa, nüngei Kahvang kü mon khümtuh, hatü büpa mon chongphotuh” shei jangei e.

JOB SHAHSHA APPÜ 2:10

Shejao büpai pinnyü kü, “Nüngü nganyüi epükei ekünyüke. Jeni Kahvang leipü mei mon yahtü nemeipü neyahhen je?” shei e. Hathü peü pongjao Jobi büpalei jui mang nethah.

MATHI 16:23

Shejao büpai yaakei leiyei Peter kü, “Ngei toueipü lüdaituh, Satan! Nüngü ngei kü huluh yaong khih; mehenangkü nüngei mongei Kahvangei mongdeih nevai, shennyakei mongdeih nyüke” shei e.