MARK 7:22 - DAÜLANGPÜ LAIHING (BSI)

²² mükbongjuyung, mop nempü, douten dükpü, lueilempü, levaümaühe, mükhühpü, yuteipü, changmeipü hatü nelinehapü vamnyeih.

MARK 7:22 Referans Kwoze

MATHI 20:15

Ngei mehe ang, ha yah-ei ngei deihpükei dükhen nemongnyu je? Nevaijü ngei nekaungi shuohpü kü ammi mükhühnyu je?” shei e.

1 PETER 5:5

Ha aihük mü am nethethüi behethü phangkü nyutuh. Am peüi hüki hük touei maanpü leipü ow owtuh; mehenangkü “Kahvangi changmeipüthü khünyeih, shejao maanpü leipüthü kü phahji shuohnyeih.”

1 PETER 2:15

Mehenangkü jiüpü dükpü homei ngapathüi nenyingi epü ammi nentükhühen hapayü Kahvangi mongpü nyüke.

2 KORINT 10:5

Hami Kahvangei kihikon khüei shah dakteipü hatü changmeipai lem bangtükpü bentüknyeih, hatü hami deihpü lemphü Khristalei ven danhen nangkü yepei tuhlangnyeih.

MATHI 6:23

shejao nüngei mük meishi nenyujema büm kemei shangmangi maei nyuhen. Nüng kü nyupü vangngai shangmang leidaijema, ha shangmang meshük longpüang!

CHONGVENBÜ 7:25

Hanangkü ngelei mongi kihikon yemhen, hatü ha yaoei nyinghen shingvaishi kihikon hatü doulemthü peü yemei danghen, hatü nemeipü mang hatü ngapüyoipü meheshang ha nyinghen kheteke.

KANDOK 28:22

Taohinangi büpa danei nyüpeih shei nenyingi kaungtut shennyaki shemmei leihen shülangnyeih.

KANDOK 27:22

Ngapa hük kü hah shüpükei shemshak kü shihtü shüshuohlangmao, büpa kü nyupü nga hapa netükaokpih.

KANDOK 24:9

Ngapalei küpjanü mang, hatü mih vüshih-ei epü küpeüi jiühitnyeih.

KANDOK 23:6

Kaungtut shennyakei hahying nüngi tehah; nüngi jomei hetmeiyungma hahhen tevaü.

KANDOK 22:15

Nelinebaongpeyü hashih hük kü nyunyüpeih, shejao ungei-aeipü lüng homei ha tailuei changtüknyeih.

KANDOK 12:23

Nyingpü shennyakü nenmü nyunyeih, shejao ngapa hüki laophü ngapü shakei bhaiyei ngainyüpeih.

MENVIH KESHO 10:4

Changmeipai nemeipüthüi büpa neyemnyih; büpalei mongdeih kempü kü Kahvang kü shing neshuohnyih.

2 SHÜPPÜKENGPÜ 32:31

Shejao mechem Babylon am vanglem lempüthüi kahdok kü mehe mehe yashanshi nyangeihepü vampü jung phehen shompa, Kahvangi büpa kü dokhen hatü büpalei mongei deihpü lemphü nyinghen nangkü büpa mon tuhphong.

SHAHKÜP 28:56

Longi kenhing monghapü, longshem ongshem kü bühpü, shemmei mechemao kahdok kü neshuoppü nyühaiyao longi aeipülepü nangkü laophülei hapeü jüei hahhen hatü pinnyüi laophüi bampü baha nevaijü hapeüthü üpa kao ha hanei ne-ühhen.

SHAHKÜP 28:54

Longi kenhing monghapü longhiong shennyakiyao laophülei jeihinaü nevaijü bampü shembünyü nevaijü aopü hapeüthü kao phahji nehuhen,

SHAHKÜP 15:9

Hang lupü neshemi katitükhen nyetpabü vangbong ngoikünyüke shei mong kü ten deihtü mekei neyahpü taopü jeihinaü kü nelunelakshuoh-i tetuhphong. Ammi büpa kü nelushuohjema, büpai Shembüpa kü am khüei lenhen hatü am mang thahhen.

MENVIH KESHO 119:36

Nüngei shahkungnyü philei ngelei mong lepei leituh; shejao ngei lomja nanglei danghen lem kü nevai.

ISAIAH 59:7

Jomei la nemeipü lemei moknyüke, hatü mang neshiüpü kü iy-aongmakohühen moknyüke; Jomei mongdeih kemei ten mon nyüke; Jomei lemü bentükhen hatü tentükhen kü mon dainyüke.

ISAIAH 59:13

Mang thahpü, Shembüpa nelahpü, Kahvang phei nemüi lüdaipü, shüveidoideihen, hatü dehenlaohen eteipü, shahshem ehen deihpü hatü mongdang leipü vamei epü hathü nyüpeih.

JEREMIAH 17:9

Peü meyü mongdang-üng ühing kohshi, hatü nyeinya-üng nemei-i nyüke, hatü ha meihühen neaoknyu. Üpai ha yaoei aokhen?

MARK 7:21

Mehenangkü shennyakei mongeipü ten deihpü, iyjeiphaileipü, gühpü, jüteipü,

MARK 7:23

Hathü douten peü mongeipü vamnyeih; hapai shennyak hük sheihhünyeih” shei e.