MARK 7:21 - DAÜLANGPÜ LAIHING (BSI)

²¹ Mehenangkü shennyakei mongeipü ten deihpü, iyjeiphaileipü, gühpü, jüteipü,

MARK 7:21 Referans Kwoze

JEREMIAH 17:9

Peü meyü mongdang-üng ühing kohshi, hatü nyeinya-üng nemei-i nyüke, hatü ha meihühen neaoknyu. Üpai ha yaoei aokhen?

MATHI 15:19

Mehenangkü mongdang kübü mang chudeih, jüpü, mükbongjuyung, iyjeiphailei, gühpü, shahshem denpü hatü lueilempü vamnyeih.

PHONGSHANTHÜ DOU 8:22

Hanangkü nüngei mang kübü mong leptuh, hatü Shembüpa kü, aokjema, nüngei mongdangei deihpü mang nüng kü nyemtükphanüng phoptuh.

EZEKIEL 38:10

Shembüpa Kahvangi hapakei enyüke: Hapa nyih nüngei mong kü chudeih peikahen, hatü nüngi nemeipü küpjan temhen.

MATHI 9:4

Shejao jomi deihpü Jisui nyingei, “Ammei mongkü mehekei ten deihnya?

JEREMIAH 4:14

Oh Jerusalem, am yanghen shingvaishi ammei mongdang leipü mang daütüktuh. Meshük lushi ammei mongei küpjan ten nyuiyei tuhhenang?

JAKOB 2:4

ammi am khongkü baong hanei nenonyu je, hatü chudeih teni shahphennyu nevaipü je?

KANDOK 4:23

Peü mü nüngei mongdang yomtuh, mehenangkü hapayü yangnyu yunglok khih.

LUK SHAHSHA APPÜ 16:15

Hanangkü büpai jomphong kü, “Ammi laophü nyingi mih touei dahshaknyüke, shejao Kahvangi ammei mong nyingnyeih; mehenangkü hangkui mehe douvang shei deih, hayü Kahvang touei jiühitbenüng” shei e.

ISAIAH 59:7

Jomei la nemeipü lemei moknyüke, hatü mang neshiüpü kü iy-aongmakohühen moknyüke; Jomei mongdeih kemei ten mon nyüke; Jomei lemü bentükhen hatü tentükhen kü mon dainyüke.

MENVIH KESHO 53:3

Peü kemei lemnyong kü lüdai, jom peü nyongnyongi leidai; mei dükpü hükao neshiü, hingmei, hükao neshiü.

MENVIH KESHO 14:3

Jom peü lemnyong kü lüdai; jom peü nyongnyongi leidai; mei dükpü üpayao neshiü; hükao neshiü.

ROM SHAHSHA APPÜ 7:8

Shejao mangi hapa shahkungnyü noteihen laphen dangei ngei kü mükhühpü lemphü vamhüpeih. Shahkung neshiüi mangü mahngchang.

PHONGSHANTHÜ DOU 5:4

Hapa neyui nyupü thahshi hayü nüngei kahdok nevaipü je? Ha yuphei kao hapa lopü nüngei nevaipü je? Henüng dou dükhen mehekei nüngei mongei lehüpa? Nüngi hamphong kü nevai, shejao Kahvang kü shahshem epeih” shei eteke.

KANDOK 15:25

Shembüpai changmeipü shennyakei bükhishem bentüknyeih, shejao büpai vaümnyülei viong khak jiüshi tuhnyeih.

MENVIH KESHO 14:1

Ngapathüi jomei mongei, Kahvang neshiüpih” shei enyeih. Jomü yahlak neshiüi tendai, jomi jiühitnalai douthü düknyüke; mei dükpü üpayao neshiü.

JOB SHAHSHA APPÜ 25:4

Mekei etü Kahvang touei shennyaki daülangpü leiaokhen? Nyüi bühpü hangkuli büpa touei daülangi leiaokhen je?

JOB SHAHSHA APPÜ 14:4

Nedaünelangpü kübü üpai daülangpü ngaiaokhen? Üpaiyao neaokpih!

KAHBHAO 8:21

Hapa vong meipü jakpü moila Shembüpa kü büjapü kü büpai büpalei mongei, “Sheyü shinnyih pheikü shennyak hük hashih mebü mongdang kü ten mon deihjao, shennyak tata kü ngei kahdok kü nethaüvaüpih; nevaijü ngei shelei mahtükpükei sheyü yemhimakthü nemahtükpih.

KAHBHAO 6:5

Kahdoknyülei nyupü hangkulei mang ahshi longshi khih, hatü düngei jomei mongei ten mon deihnyüke shei Shembüpai veiteke.

ROM SHAHSHA APPÜ 7:5

Mechem jen phai kü nyupa, shahkung homei vamhüpü jenei mangi yahhahhüpai dihen shingvaishi betjük jükhühen nangkü jenei phaihan kü dou dükei nyuteke.

MENVIH KESHO 53:1

Ngapathüi jomei mongei, “Kahvang neshiüpih” shei enyüke. Jomü tendaipüthü, jomi jiühitbenüng dou düknyüke; mei dükpü shennyak hükao neshiü.

TITUS 3:3

Mehenangkü jenao chemü ngapa, ven nedanpü, lawlüppü hatü yahhahhüpü hatü mongongmongle lemphülei aa vaishi nyuhampeih. Jenao ten dükpü, mükhakpü, jen kao jiühithahpü hatü jeni mih kü jiühitpü kü yangnyu nyuhampeih.

MENVIH KESHO 119:36

Nüngei shahkungnyü philei ngelei mong lepei leituh; shejao ngei lomja nanglei danghen lem kü nevai.

ISAIAH 59:13

Mang thahpü, Shembüpa nelahpü, Kahvang phei nemüi lüdaipü, shüveidoideihen, hatü dehenlaohen eteipü, shahshem ehen deihpü hatü mongdang leipü vamei epü hathü nyüpeih.

JEREMIAH 16:12

Shejao ambü ampa mao nemeipüba am nyuteke. Ngelei shah banghen nangjei am peüi laophülei mongdang vaanei mang mongdang pheikü müpü kü veihümao.

MARK 7:20

Shao büpai nedoh-i, “Shennyak hükei mongeipü mehe vamnya, hapai büpa sheihhünyeih.

MARK 7:22

mükbongjuyung, mop nempü, douten dükpü, lueilempü, levaümaühe, mükhühpü, yuteipü, changmeipü hatü nelinehapü vamnyeih.

KOLOSI 3:5

Hanangkü am kü nyupü kahdoknyü nyingnyoilei douthü peü dihütuh: iyjeiphailei, nedaüpü, iyhiphai-i napü, ten vaüpü, hahnempü (mepa yaongnaüya khümpü nyüpa),