MARK 6:51 - DAÜLANGPÜ LAIHING (BSI)

⁵¹ Hapheikü büpai jomphong mü ai mongei shü hatü vanglük dohdai. Jomi longi yashan;

MARK 6:51 Referans Kwoze

MARK 4:39

Büpa paoei vanglük kü loh, hatü yungching kü, “Nendaituh” shei e. Hahepak kü vanglük dohdai hatü peü nendai.

JOHAN 6:21

Jomi büpa ai mongei shühahhüei deih, hatü jom ngoihen heihpü yungphaangei jom lomi ngoidai.

MARK 7:37

Nanglakthü longi thamaei, “Büpai lemphü meihütüknyüke; büpai aangdaipüthü danhünyüke, hatü shah ne-eaokpüthü ehüaoknyüke” shei etei.

MARK 6:32

Hanangkü jomphong mon ai hük kü uotü vüngmakpü shing yemei dai.

MARK 5:42

Chemjalak kü pinnyü yaongei kamnüng chongpang (pinnyü nyübüh bong anpünyi nyuteke). Ha eeyei jomphong yashan.

MARK 4:41

Jomi nyempü longpai maei, “Vanglük hatü yungchingiyao ven bangpü hayü üpaang?” shei hüki hük mü etei.

MARK 2:12

Jom peüi veishi büpa yaongei shülangi lüng paitü leidai; hanangkü jom peü thama hatü Kahvang kü müknyinshekhangei, “Hami henüng keipü mechemao ne-eeangpih” shei e.

MARK 1:27

Jom peü thama, hatü jom hüki hük mü pheteiyei, “Hayü meheang yo? Ngan kohshi nyuhpüvenpü ja hük khih! Büpai mang laanghathü kü shahkung shuohjü jomphongiyao büpai epü bangnyüke” shei etei.

MATHI 8:10

Mechem Jisui ha danpa, büpa thama hatü büpa phei müpüthü kü, “Hingmei ngei am kü enyeih, Israel kü hapakei hinglempü ngei neheüangpih.