MARK 6:34 - DAÜLANGPÜ LAIHING (BSI)

³⁴ Büpa yungphaang ngoijajü khongnyü longpü hük büpai ee, hatü büpai jomphong kü shinshangei deih; mehenangkü jomphongü mi yombü neshiüpü mithü kei nyuteke, hatü büpai jomphong kü douthü longi nyuhhen chongpang.

MARK 6:34 Referans Kwoze

MATHI 9:36

Mechem büpai khongnyü eepa, büpai jomphong kü shinshangei deih; mehenangkü jomphongü ponghahpü hatü sheühbü neshiüi mi yombü neshiüpü mithü kei nyuteke.

BHEI-IE 27:17

jom she kü daihen hatü leihen, hatü Shembüpalei nanglakthü mi yombü neshiüpü mikhong kei nenyuhen shingvaishi jom müei daihen hatü müei leihen shennyak hük jeshih” shei eteke.

LUK SHAHSHA APPÜ 9:11

Mechem khongnyüi ha danpa, jomphongao büpa phei mü, hatü büpai jomphongao mongongshi yah, hatü jomphong kü Kahvang ongching jung eshuoh, hatü tüngpü meihahhüpüthü meishuoh.

ZEKHARIAH 10:2

Yaongnaüyathüi lueilemei enyüke; Phongyompüthüi shahshem manghkhang eenyüke; jomi shahshem manghthü tetnyüke. jomi angsha nyiushemmei shuohnyüke. Hanangkü mi yombü neshiüpü mithü hanghipükei shennyakthü paüeiyonei longteinyüke.

JEREMIAH 50:6

Ngelei nanglakthüyü mah-ei nyupü mithü; jomei mi yombüthüi jom lemnyong kü mülangpeih, hatü vakhivien kü longteihüei angpeih. Jomphongi mikhaok betüktü kahshangei longteiyei nyupeih.

2 SHÜPPÜKENGPÜ 18:16

Hahepak kü Mikaiah-i jangei, “Ngei Israel veshanthü mi yombü neshiüpü mithü kei haidaipü eepeih, hatü Shembüpai, ‘Hathü nanglakü mübü neshiü; jom peü chingmei kü shemei nyemleidai’ shei epeih” shei eteke.

1 ONGPATHÜ 22:17

Hahepak kü Mikaiah-i jangei, “Mi yombü neshiüpü mithü keiha Israel am kemei shanghishong kü nyaidaikemi eenyüke, hatü Shembüpai, ‘Hathü nanglakthülei mübü neshiü; hanangkü jom peü nyemleidaikem’ shei enyüke” shei eteke.

HEBREW 4:15

Jen wong nekohpü kü phahjiyei neaokhen mü jenei ngongchong neshiüpih, shejao jenphong kü keiha shejao mang neshiüi lemphü kü dokpü pongtükpü ngongchong hük nyüpeih.

MATHI 14:14

Mechem büpa yungkungei heihpa, büpai khongnyü longpü ee, hatü büpai jom kü shinshangei deih, hatü jom tüngpü meihü.

HEBREW 2:17

Hanangkü lemphü phikü büpayü laophülei jeihinaü hatü nyahinaüthü kei leihen mü vam, shejüang nanglakthülei mang tükhen shingvaishi jakpü moila leihen büpayü phahji kohpü hatü hingshangpü Kahvang chongphopü dousho kü ngongchong leihen mü vamteke.

MATHI 15:32

Hapheikü Jisui büpalei nanglomthü büpa touei nyükei deitü hathü kü, “Ngei khongnyü kü mongnemei-i deihnyüke; mehenangkü jomphong shaangpai ngei mü nyih jem lomteke, shejao hahhen meheyao neshiü; ngei hathü aeidaitü neleishihhüang; mehenangkü jom lemei lakmeilayunghen khih” shei e.

ISAIAH 13:14

Kaw sheütükpü mei keiha, müei leihen shembü neshiüpü mi keiha, peüi laophülei nanglak yemei, hatü laophülei kahmük yemei leidaikemhen.

EZEKIEL 34:5

Mi yombü neshiüpü nangkü jom haidai, hatü paüei daijapü nangkü phaüyemthüi hathü jüei hahtükkem.

MARK 6:33

Shaang shennyak longshi shingi jomphong lüdaipü nyingei jila peü kübü la mü mokei peiyei jomphong shekü ngoidaikem.

MARK 6:35

Vanghe shüdaiyaki büpalei nanglomthü peiyei büpa kü, “Hapayü phaüvüngchong khih, hatü shaangü longi pheidaiteke;

MARK 8:1

Hathü nyih kü mechem khongnyü longpü hük meheyao hahhen neshiüi nyupa, büpai laophülei nanglomthü kü nyükei jomphong kü,

MARK 8:2

“Ngei khong kü shinshangei deihnyüke; mehenangkü jomphong shaang thahshi nyih jempabü ngei mü nyunyu khih, hatü hahhen meheyao neshiü.