MARK 2:5 - DAÜLANGPÜ LAIHING (BSI)

⁵ Mechem Jisui jom hinglempü eepa, büpai tüngpü shennyak kü, “Hapeü, nüngei mangthü tüktepih” shei e.

MARK 2:5 Referans Kwoze

MATHI 9:2

Hahepak kü hanei ami büm bhaoei diyei tüngpü shennyak hük lüngei lemtü paiyei büpa touei pei. Mechem jom hinglempü Jisui eepa, büpai hapa tüngpü shennyak kü, “Monglongtuh, hapeü! Nüngei mangthü tüknyeih” shei e.

JAKOB 5:15

Hinglemei phoppai tüngpü meihen, hatü Shembüpai jom phukei uohühen; büpai mang thah-ei nyujao büpa kü ha mang tükhen.

MATHI 9:22

Jisui yaakei veishingkü pinnyü eeyei büpai, “Monglongtuh, lamei; nüng hinglempai nüng meiteke” shei e. Hahepak kü-üng hapa nyüha meidai.

EPHESIA 2:8

Mehenangkü phahjipai hinglempü homei am yangpeih, hatü hayü ammei lakdou nevai; hayü Kahvangei thintho;

PHONGSHANTHÜ DOU 5:31

Israel kü mong leppü shuohhen, hatü mang tükpü danghühen shingvaishi Kahvangi laophülei lakdah philei Mübü hatü Yemleipüba kei longei anshihteke.

JOHAN 5:14

Pheishi Jisui büpa phopshemei heüei büpa kü, “Veituh, nüng meidaiteke! Nüng hajük kü mang thah-ei tenyu; hei nevaijema lemhük nemeipü dhaümkahen” shei e.

LUK SHAHSHA APPÜ 5:20

Mechem büpai hathüi hinglempü eepa, büpai, “Mongjem, nüng kü nüngei mang tüktepih” shei e.

KOLOSI 3:13

Hüki hük mü nenteiaoktuh, hatü hüki hük khüei nyujema mang tükteituh. Shembüpai am kü mang tükpükei tükteituh,

2 KORINT 2:10

Ammi üpa kü mang tük, ngeiyao mang tüknyeih. Lemhük mang tükhen nyupü kü ngei mang tükpü vaijema ammei men kü Khrista touei mang tüktükpeih.

1 KORINT 11:30

Ha tata kü am longshi shing wong nekoh, hatü tüngnyüke, hatü hanei amü didaiteke.

PHONGSHANTHÜ DOU 14:9

Pauli shah eshingkü büpai bangei nyu. Pauli büpa kü hüngei veitü meihen mü büpa kü hinglempü nyüke shei veiaokei,

PHONGSHANTHÜ DOU 11:23

Mechem büpa peipa, Kahvang phahji eeyei büpa mongong, hatü büpai peü kü lanei shuoh-ei Shembüpa kü hinglemei nyuhen nangthongei e;

JOHAN 2:25

hatü büpa shingvaishi shennyak hük shing shennyak hük leipü denpü nadang neshiü; mehenangkü shennyak peü kü mehe nyu, ha büpai nyingdaikem.

LUK SHAHSHA APPÜ 8:48

Büpai pinnyü kü, “Lamei, nüng hinglempai nüng meiteke, nyiushemmei kü leituh” shei e.

MARK 5:34

Jisui pinnyü kü, “Lamei, nüng hinglempai nüng meidaiteke; nyiushemmei kü leituh, hatü nüngei din meidaituh” shei e.

ISAIAH 53:11

Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

ISAIAH 38:17

Hingmei mü ngei nanglei danghen tata kü ngei shahyaki hanghipeih. Nüngi bampai ngei mahhen kahsha leipü yangpeih. Nüngi ngelei mangthü peü nüngei ngaümpheilei yaktükpeih.

MENVIH KESHO 103:3

Büpai nüngei mang kemei tüknyeih, nüngei din kemei meitüknyeih.

KAHBHAO 22:12

Büpai, “Nüngi naü kü lak teshih nevaijü büpa kü meheyao tedük; mehenangkü nüngi Kahvang kü nyemnyüke, hatü laophülei halom hük mon nyupü dangkao ngei kü moilahen kaungei nenyu shei ngei nyingteke” shei e.

MATHI 9:5

‘Nüngei mangthü tüknyeih’ shei ehen yopü hi, ‘Yaongtuh hatü kamtuh’ shei ehen yopüang?

MARK 2:6

Shaang hatouei shahkung nyuhbüthü hanei uoshi nyupüthüi jomei mongdangei,