MARK 16:19 - DAÜLANGPÜ LAIHING (BSI)

¹⁹ Shembüpa Jisui jom mü eteipheikü vangsholei anlang, hatü Kahvangei lakdah philei uo.

MARK 16:19 Referans Kwoze

1 PETER 3:22

Büpa vangsholei aongei Kahvangei lakdah philei vangsho phongshanthü, wongthü mü uo, hatü nganthü peü büpa phangkü tuh.

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

HEBREW 12:2

Jeni Jisu kü mük neshai-i veishah. Büpayü jen hinglempü kü shongpü hatü changpüshapüba. Büpa shekü temei nyupü mongong men kü shophang veüpong munenei Kahvangei ong uoshing kü lakdah philei uoteke.

ROM SHAHSHA APPÜ 8:34

Üpa nyonghühen? Üpa di, hih, yangei lei, üpa Kahvangei lakdah philei uotü jen shing phopnya, hapayü Khrista Jisu khih.

MENVIH KESHO 110:1

Shembüpai ngelei Shembüpa kü, “Ngei nüngei vepathü nüngei la phangei mangshouptük thahshi ngelei lakdah philei uotuh” shei e.

PHONGSHANTHÜ DOU 2:33

Kahvangei lakdah philei longei anshihtü Pa leipü Laangha Daülangpü lahpü dangteke, hatü ha büpai am kü khüpphopü shaang ammi eenyüke, hatü dannyüke.

HEBREW 8:1

Shaang hami epü shah shongnyüyü hapa hih: Vangsholei Lenangpalei ong uoshing kü jenei ngongchong lakdah philei uoshi nyüpeih;

KOLOSI 3:1

Hanangkü amphong Khrista mü dipü kübü yangei leipü vaijema, shangphi leipü douthü, melei Khrista Kahvangei lakdah philei uoshi nyu, ha yemtuh.

JOHAN 20:17

Jisui pinnyü kü, “Nüngi ngei kü laki tedükpha; mehenangkü ngei Opa touei mangaongpih. Shejao ngelei jeihinaüthü touei daiyei jomphong kü, ‘Ngei ngelei Opa hatü ammei Pa, hatü ngelei Kahvang hatü ammei Kahvang touei aongdainyuja’ shei etuh” shei eteke.

HEBREW 6:20

Halei jenei men kü jen shekü yeihshi Jisu shüteke, hatü Melkizedek aimü büpa den shing ngongchong leiteke.

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

JOHAN 6:62

Shejema Shennyak Ha büpa shongei nyupü shingei aongdai-i eejü mekei ehen?

LUK SHAHSHA APPÜ 9:51

Mechem büpa vangsholei anlanghen nyihthü yoei peipa, büpai Jerusalemei heihhen layaong.

HEBREW 9:24

Mehenangkü Khristayü hingshangpü hük nyuh-ei hangkulei laki lingpü Longi Daülangpü Shingei neshü, shejao büpa vangsholei shüpeih; shaang jenei men kü Kahvang touei nyüke.

HEBREW 7:26

Mehenangkü jeni daülangpü, eela neshiüpü, nesheihpü, mangthü kübü yanei nyupü, hatü vangshothü shak kü longei aongpü hapa keipü ngongchong anghen jiüpeih.

HEBREW 4:14

Hanangkü vangshothülei aongdaipü longpü ngongchong jenei Jisu, Kahvang Ha nyüpeih; jeni lahtükpü hinglempü kü wongshongi shongshah.

PHONGSHANTHÜ DOU 3:21

Kahvangi laophülei daülangpü thibüthü homei yeihshi mebü lahpükei Kahvangi lemphüli ja linghen hepak mangngoi thahshi büpa vangsholei nyuhen.

JOHAN 21:22

Jisui büpa kü, “Ngei yiüpü thahshi büpa yemmü tuhjao nüngi ha mehe vainüng? Ngei phei mükei” shei e.

JOHAN 21:15

Mechem jomphong hahyingei tempa, Jisui Simon Peter kü, “Johanei ha Simon, nüngi hathü mao nyeishi ngei kü bamnyüla?” shei e. Büpai büpa kü, “Hih, Shembüpa; ngei nüng kü bamnyeih shei nüngi nying” shei e. Jisui büpa kü, “Ngelei mihathü haümtuh” shei e.

JOHAN 17:13

Shejao shaang ngei nüng touei peikünyeih, hatü jom kü ngelei mongong changhühen shingvaishi ngei kahdoknyülei hathü enyüpeih.

JOHAN 16:28

Ngei Opa leipü pei, hatü kahdoknyülei yiü; shao ngei kahdoknyü tuhphongtü Opa touei lüdainyeih.

JOHAN 13:1

Shaang Hompü Mo shekü hapa kahdoknyü kübü yanei Pa touei daihen hepak ngoiteke shei Jisui nying. Kahdoknyülei nyupü büpalei nanglakthü kü bampü nangkü büpai jom kü meshük thahshi bamnya, ha huteke.

MARK 16:20

Nanglomthü daiyei peü lemei hapa shahjangmei chongven, hatü Shembüpai jom mü chemi dou dük, hatü yashanyale douthü dükpai jomphongei shahjangü hingshangpü shei lekhüteke.

LUK SHAHSHA APPÜ 22:69

Shejao shaang mü leitü Shennyak Ha Kahvangei ngan kü lakdah philei uohen” shei e.

PHONGSHANTHÜ DOU 1:22

Johani baptükpü kübü pangei jen toueipü büpa manganlangpü nyih thahshi nyupü shennyak hük jehen vongbong khih. Mehenangkü hathü khongkü jepü hükü jenphong mü büpa yangei leipü kü denbü vaihen vongbong” shei Peteri eteke.