MARK 16:14 - DAÜLANGPÜ LAIHING (BSI)

¹⁴ Pheishi Jisui nanglom anpühük hahyingei nyushingkü vam; Jisui jomphong hingnelempü hatü mong vaanpü kü lohteke; mehenangkü büpa yangei leipheikü büpa eepü shennyakthülei shah kü jomi hingnelem.

MARK 16:14 Referans Kwoze

1 KORINT 15:5

hatü büpa Cephas touei vam, hatü hapheikü anpünyi touei vam;

SHAKEI VAMPÜ 3:19

Üam kü ngei bam, hathü kü loknyeih hatü hanghi shuohnyeih. Hanangkü am maanpü leituh hatü mong leptuh.

JOHAN 20:27

Hahepak kü büpai Thomas kü, “Nüngei lakjaangi hammü yuktuh, hatü ngelei lak kü veituh. Nüngei lak deiyei ngelei haampat kü yuktuh. Nüng tejü-ü shejao hinglemtuh” shei e.

MATHI 11:20

Hapheikü büpai ngan homei yashanpü dou dükpü chingnyüthü kü jomi mong neleppü nangkü lohteke.

LUK SHAHSHA APPÜ 24:25

Büpai jiji kü, “Oh ngadaiphei nyi, thibüthüi epü shahthü kü hinglemhen mong chetpüthü!

MARK 7:18

Büpai jomphong kü, “Ammi henüngao nenyingnyu je? Shennyak hük kü shakeipü mongei shüpai nedaüpü neleihünyih shei ammi ne-eenyu je?

MATHI 17:20

Büpai jomphong kü, “Am vaipü maanpü nangkü hih. Ngei am kü enyeih, am kü haoyangvang shük dangkao hinglempü nyujema, ammi hapa kahshang kü, ‘Hatoueipü antolei shindaituh’ shei eshuohjü ha shindaiphahen; hatü am shingvaishi neaokbenüng meheyao nechongkahen.

BHEI-IE 14:11

Shembüpai Mosa kü, “Meshükpa hapa nanglakthüi ngei yakphonghenang? Ngei jom kü yashanyalepü longi dükshuohjao meshükpa jomi ngei kü hingnelemhenang?

MATHI 28:17

Mechem jomphongi büpa eepa, jomi büpa kü khüm, shejao hanei am jü-ü.

LUK SHAHSHA APPÜ 24:11

Shejao hapa shah-ü jomphong keyü ngahiyoi shah kei leidai, hatü jomi ha kü hingnelem.

JOHAN 20:25

Hanangkü lebü nanglomthüi büpa kü, “Hamphongi Shembüpa eetepih” shei e. Shejao büpai jomphong kü, “Ngei büpalei lakbha kübü kojal kaw mang-ee thahshi hatü hapa kojal kaw hatü haampat kübü makaw kü ngelei lakjaangi mangyuk thahshi ngei hingnelempih” shei e.

JOHAN 20:26

Hapta hük pheikü shao büpalei nanglomthü hapa shemei nyu, hatü Thomas-ü jomphong mü nyu. Sha küptü nyujao Jisu peiyei jomphong touei yaongtü, “Amphong mü chingmei nyutuh” shei e.

JOHAN 21:1

Ha douthü pheikü shao Jisui büpalei nanglomthü kü Tiberias Yungchingei vamei huteke, hatü büpa hapakei vamteke.

JOHAN 21:14

Jisu dipü kübü yangei leipheikü hapai jempabü büpalei nanglomthü touei vamei huteke.

PHONGSHANTHÜ DOU 1:3

Büpa shangpong pheikü ajükiyao nejü-ühen mü büpa jom touei yemmü vamei hu, hatü nyih pinyi yangkü jomphong touei vamei Kahvang ongching jung eteke.