MARK 15:34 - DAÜLANGPÜ LAIHING (BSI)

³⁴ Jem baji kü Jisui ngeü longpai lenei, “Eloi, Eloi, lama sabachthani?” lappai, “Ngelei Kahvang, ngelei Kahvang, mehekei nüngi ngei tuhphongnya?” shei e.

MARK 15:34 Referans Kwoze

MENVIH KESHO 22:1

Ngelei Kahvang, ngelei Kahvang, mehekei nüngi ngei yakphongnya? Mehekei nüngi ngei kü sheühhen dohdainya? Mehekei ngei theppüyoungpü shahthü kübü taidainya?

MATHI 27:46

Jem baji yangkü Jisui ngeüwong anei, “Eli, Eli, lama sabachthani” lappai, “Ngelei Kahvang, Ngelei Kahvang, mehekei nüngi ngei tuhphongnya?” shei eteke.

HEBREW 5:7

Kahdoknyülei Jisu yangnyu nyushi dipü kübü büpa yangaokhen Kahvang kü wong mü lenei mükphi yenei phopei yüteke, hatü büpai dhüm shuoh-ei yüpü homei büpa kü jangteke.

MENVIH KESHO 27:9

Ngei toueipü nüngei dhe telepdai. Nüng mongshihpai nüngei chongphobü nyokei teleishih; Nüngü ngelei sheühbü nyuhampeih. Nüngi ngei teyaktük, nevaijü tetuhphong Oh Shembüpa, ngei Yemleipü.

MENVIH KESHO 71:11

“Kahvangi yaktükpü hapa shennyak phei changei daiyei yeptuh; mehenangkü büpa yanghen üpayao neshiü” shei jomi eteinyüke.

DANIEL 9:21

ngei shelei manghkhang kü eepü Gabriel, ombaong kü moila shuohpü hepak kü ngei touei piyei shühküteke.

ISAIAH 41:17

Mechem taopa hatü ne-angpüthüi yung yemhen, hatü ha nedangi yung lepai jomei üng üdaihenshang, Ngei, Shembüpai jom kü janghen, Ngei, Israel Kahvangi jom netuhphongpih.

MENVIH KESHO 42:9

Kahvang, ngelei yaongnyü kü, “Nüngi mehekei ngei betüknya? Vepathüi shüveipü nangkü mehekei ngei mahng thepei kamteihenang?” shei eteke.

PHONGSHANTHÜ DOU 10:3

Chem om jem baji mongkü büpai manghkhang hük kü Kahvangei vangsho phongshan hük büpa touei longi lekshi peiyei, “Kornelius” shei eshuoh-ei eeteke.

LUK SHAHSHA APPÜ 23:46

Hahepak kü Jisui ngeüwong anei, “Opa, nüngei lak kü ngei ngelei laangha lanei shuohnyeih” shei e. Ha etü büpa ngüshom heeyei mongdang shemm.

LUK SHAHSHA APPÜ 23:44

Shaang hapayü anpünyi baji kübü jem baji thahshi kahdoknyü kempülei vangnyak pei;

YOUNG LAI 5:20

Mehekei nüngi chemjalak kü ham betükpa? Mehekei nüngi nyih luangi ham yakphongpa?

YOUNG LAI 1:12

Ngei kü veihümao, amphong peihpü leipüthü; Shembüpa, büpai mongshih anei ngei kü shuohpü hanghi kei üpaiyao nepongangpih.

MATHI 27:45

Haümhahphei kü om jem baji thahshi kahdoknyü peü manghdai.

MARK 15:25

Jomi büpa nepnüng shü baji kü shophang kü ap.

MARK 15:35

Mechem yopailei yaongpüthü hanei-i ha danpa, “Bangtuh, büpai Elijah kü nyüknyüke” shei etei.