MARK 14:55 - DAÜLANGPÜ LAIHING (BSI)

⁵⁵ Shaang ngongpathü hatü shahtapei nyupüthü kemei Jisu jühen shingvaishi büpa khüei denpü yemei nyu, shejao hükao nedang.

MARK 14:55 Referans Kwoze

MATHI 5:22

Shejao ngei amphong kü ha enyeih, ammi jeihinaü nevaijü nyahinaü hük kü mongshihjema, nüng shahphenhen, hatü nüngi jeihinaü nevaijü nyahinaü hük vüshih-ei, “Nüng yahlak neshiü” shei ejema am shahtapei müei deihen; hatü üami, “Ngapa” shei ehenshang, am molo aw vongshüh kü nyuhen.

DANIEL 6:4

Ha nyingei, vanglem lembü nyi hatü governorthü peü Danieli ongching kü dükpülingpü lemphü kü mang yephen lem yem, shejao jomi büpa kü shaipü pungpü meheyao neyepaok; mehenangkü büpayü shahhing epü, nehetnewongi nenyupü nevaijü meheyao ten neshiüpü shennyak nyuteke.

MENVIH KESHO 35:11

Shennyaktenthüi ngei khüei denpü shuohnyüke, hatü ngei nyingei neshiüpü shahhidou nangkü ngei nyonghünyüke.

MENVIH KESHO 27:12

Ngelei vepathüi mongpü kü ngei teshuohtük, ngei khüei shahshem denpü shuohnyüke; hatü jomi dehilao ngainyüke.

1 ONGPATHÜ 21:13

Hahepak kü neveü gühshe shapü shennyak nyi büpa mü khangteiyei uohütü nanglakthü tou kü Naboth kü thaüvaüei, “Naboth-i Kahvang hatü ongpa nyiphen kü eelateke” shei e. Hanangkü jomphongi chingnyü haolei büpa deiyei yaongi shükei jütük.

1 ONGPATHÜ 21:10

Büpai Kahvang hatü ongpa nyi kü eelapeih shei büpalei dhe kü nyeanshi thaüvaühen shingvaishi neveü gühshe shapü shennyak nyi büpalei dhe kü khangshi uohütuh. Hapheikü büpa chingmong leipü haolei müei daiyei yaongi shükei jütuh” shei e.

MARK 14:56

Mehenangkü longshi shingi büpa khüei shahshem denpü shuoh, hatü jomei denpü shahthü nejiütei.

JOHAN 18:19

Hahepak kü ngongchongi Jisu kü büpalei nanglomthü hatü büpai nyuhpü venpü nang shah pheteke.

JOHAN 18:21

Ngei kü mehekei phenya? Ngei jom kü mehe e, ha danpüthü kü phetuh; ngei mehe e, ha jomi nyingei nyüke” shei e.