MARK 14:41 - DAÜLANGPÜ LAIHING (BSI)

⁴¹ Büpa shao jempabü leiyei jomphong kü, “Amphong shaang thahshi shiyei nyiumeinyu je? Hajük-üng! Hepak ngoiteke; Shennyak Ha mangthülei lak kü lanei shuohtükteke.

MARK 14:41 Referans Kwoze

MARK 14:35

Maani yanei heihtü büpai kahdokei aümei shatü, “Aokjema hapa shangpong hepak ngei toueipü chailangshih” shei phop.

MARK 9:31

mehenangkü büpai büpalei nanglomthü kü, “Shennyak Ha hangkulei lak kü lanei shuohhen, hatü jomi büpa jühen, hatü jüpheikü nyih jem angtü büpa shao yangei leihen” shei nyuh-ei eteke.

JOHAN 17:1

Jisui hathü shah epheikü büpai vangsho philei ngangei veitü eteke, “Opa, hepak ngoiteke, Anha-i nüng müknyinshekhanghen shingvaishi Anha müknyinshekhanghütuh.

PHONGSHANTHÜ DOU 7:52

Mepa thihivam kü ambü ampai neshüveipa? Jomi Daülangpü Hük peikahen shei tetpüthü peü jühampeih, hatü shaang amphongü büpa yuhahpü hatü jüpü am leiteke.

JOHAN 12:27

“Shaang ngei mongshangnyüke, hatü ngei mehe ehenang? Opa, hapa hepak kübü ngei yangtuh shei ehen hiang? Nevai, hapa shangpong hepak homei daihen tata kü ngei peipeih.

JOHAN 12:23

Jisui jiji kü, “Shennyak Ha müknyinshekhanghen hepak ngoiteke.

JOHAN 8:20

Jisui hathü shah phopshem mop jaoshingei nyuh-ei nyushi e, shejao üpaiyao büpa neyep; mehenangkü büpalei hepak shao-üng mangngoi-i nyuteke.

JOHAN 7:30

Hahepak kü jomi büpa yepnüng khe, shejao üpaiyao büpa kü laki neshoungaok; mehenangkü büpalei hepak shao-üng mangngoi-i nyuteke.

MARK 14:18

hatü mechem jomphong laophü laophüi shing yemei uotü hahyingpa, Jisui, “Hingmei ngei am kü enyeih, amphong khongkü hük, ngei mü hahyingpü hüki ngei luhahhen khih” shei e.

MARK 14:10

Hapheikü Judas Iskariot, üpa anpünyi khongkü hük nyu, büpai jomphong kü Jisu yuhahhen nangkü büpa ngongchongthü touei dai.

MARK 7:9

Shao büpai jomphong kü, “Ammi bü vanglem noteihen nangkü Kahvangei shahkung yaktükhen lem meipü dangteke!

MATHI 26:2

“Nyih nyi pheikü Hompü Mo ngoikünyüke shei amphongi nyingei nyüke, hatü Shennyak Ha shophang kü aphen nangkü lanei shuohhen” shei e.

EZEKIEL 20:39

Oh Israel am phang, amphong kü Shembüpa Kahvangi hapakei enyüke: Shaang am peü daiyei lajeithü chongphotuh hatü hapheikü amphongi ngei epü nebang, shejao lajeithü kü jakpü moila shuoh-ei ngelei daülangpü men tesheihtük.

CHONGVENBÜ 11:9

Oh themei, lamei, nüngei thehila nyihthü kü mongongtuh, hatü thehila hepak kü nüngei mong mongonghütuh. Nüngei mongi lümpü lem kü kamtuh, hatü nüngei mük kü meipü düktuh, shejao hathü dou lemphü kü Kahvangi nüng shahphen shingei müei deihen shei deih-ei dangtuh.

2 ONGPATHÜ 3:13

Elisha-i Israel ongpa kü, “Ji aa kü eteihen mehe nyüpa? Anyü hi ampa ami pheteihampü thibüthü kü daiyei phehahtuh” shei e. “Nevaipih! shei Israel ongpai jangei e; mehenangkü Moab am kü shuohtüknüng shei ongthü ham jem kü nyükpeyü Shembüpa hih” shei e.

1 ONGPATHÜ 22:15

Mechem büpa ongpa touei heihpa, Ahab ongpai büpa kü, “Oh Mikaiah, Jehoshaphat ongpa henjinyi-i Ramoth-Gilead hahnüng nedaihen hi daihenang?” shei phe. Mikaiah-i büpa kü, “Aongei hahtuh; Shembüpai hapa ongpalei lak kü shuohhen” shei e.

1 ONGPATHÜ 18:27

Hamhah pheikü Elijah-i jomphong kü yaüeilungei, “Wong mü phoptuh” shei e. “Hingmei büpayü kahvang! Üpai nyingpa, büpayü mong nga-ei shah deihhah-ei shiühen, nevaijü büpa nang nekoh-i shiühen, nevaijü büpa dipükei shidaipü vaihen phukeishuoh” shei e.

SHAHPHENBÜTHÜ 10:14

Daiyei ammi jehahpü kahvangthü kü nyükeishuoh; am ponghahpü nyih jomi am nyemyangpha” shei e.

MARK 14:40

Shao chem büpa leijashingkü jom peü shishi nyu; mehenangkü jom mükdok vihdaitü nyu, hatü jomi büpa kü mehe ehen nenying.

MARK 14:42

Paotuh, jen daishah. Veituh, ngei luhahpüba hatouei peikünyüke!” shei e.