MARK 14:1 - DAÜLANGPÜ LAIHING (BSI)

¹ Hapayü Hompü Mo hatü Daw Neshihpü Mo mohen nyih nyi shekü nyuteke. Ngongpathü hatü shahkung nyuhbüthüi joei Jisu yepei jühen lem yemei nyu;

MARK 14:1 Referans Kwoze

JOHAN 13:1

Shaang Hompü Mo shekü hapa kahdoknyü kübü yanei Pa touei daihen hepak ngoiteke shei Jisui nying. Kahdoknyülei nyupü büpalei nanglakthü kü bampü nangkü büpai jom kü meshük thahshi bamnya, ha huteke.

JOHAN 11:47

Hanangkü ngongpathü hatü Phariseethüi shahtapei shahthai hük thongei, “Jeni mehe dükhenang? Hapa shennyaki nyangeihepü longi düknyüke.

MATHI 12:14

Shejao Pharisee am daiyei büpa khüei mekei etü jühen shei phaüshah showteke.

MATHI 6:2

Hanangkü mechem ammi taopathü kü sheühpü shuohhen, mih-i vihhahhen shingvaishi akhümmong-ümthüi Sinagog hatü chingshongei dükpükei ammi amit vüngei tebaong. Hingmei ngei am kü enyeih, jomi jomei laklei danglangteke.

MENVIH KESHO 62:9

Maanpü shennyakthüyü ngü kei mon, longpüthüyü shahshem mon; dok kü dokjü jom peü kong; jom peü ngü kei mon nyüke.

MENVIH KESHO 62:4

Jomei küpjan kempeyü shongnyü shennyakthü vütükhen temnyüke. Jomü shahshem kü mongongnyüke; ju-i mon vih-ei enyüke, shejao mongeiyü thaüvaünyüke.

MENVIH KESHO 52:3

Ammi mei leimü ten kü, hatü shahhing leimü shahshem ehen kennyüke.

KAHBHAO 37:18

Jomphongi tailei büpa eeyei büpa jomphong yopailei mangngoija-i büpa jütükhen showteke.

MÜLANGPÜ 12:1

Shembüpai Ijiplei Mosa hi Aaron nyi kü eteke:

MARK 14:2

mehenangkü jomi, “Mo hepak kü payü nevai, hei nevaijema nanglakthüi mophicheü ngaikahen” shei etei.

MARK 14:12

Daw Neshihpü Aan Mo shongpü nyih mechem Hompü Mo mi jüpa, büpalei nanglomthüi büpa kü, “Hamphong metouei daiyei nüng shingvaishi Hompü Mo hahhen temhahhünya?” shei phe.

PHONGSHANTHÜ DOU 12:4

Mechem büpai Peter yeppa, büpai büpa khoklatei küp, hatü veshan ali ali nyupü khong ali kü büpa yomtuh shei lanei shuoh. Herodi Hompü Mo pheikü nanglakthü touei deiyei büpa shahphenhen deihshi nyu.

LEVI 2:6

Hapa khih mü nihtuh, hatü ha kü mainga langtuh; hapayü hahying moila nyüke.