MARK 13:31 - DAÜLANGPÜ LAIHING (BSI)

³¹ Vangsho hatü kahdok peihdaihen, shejao ngelei shah nepeihdaihen.

MARK 13:31 Referans Kwoze

ISAIAH 40:8

Phenhavunglak kaudainyüpeih, hatü chübongthü laaidainyüpeih, shejao jenei Kahvangei shah denden kü nyuhen” shei baongtuh shei ephüteke.

ISAIAH 51:6

Vangshothü kü ngangei veituh, kahdoknyü kü thaungei veituh! Mehenangkü vangshothü peü awshit keiha mahdaihen, hatü kahdoknyü ashak kei chang leidaihen, hatü halei nyupüthü peü maanha keiha didaikemhen. Shejao ngelei yemleipü denden kü nyuhen, ngelei daülangshemshe mechemao nekemdaihen.

MATHI 24:35

Vangsho hatü kahdok peihdaihen, shejao ngelei shah nepeihdaihen.

LUK SHAHSHA APPÜ 21:33

Vangsho hatü kahdok peihdaihen, shejao ngelei shah nepeihdaihen.”

MATHI 5:18

Hingmeipa ngei am kü enyeih, vangsho hatü kahdok mangpeih thahshi shahkungnyülei nyangpü hatü pinpü shah maanpü hük dangkao mangjiü thahshi ha peih-ei nedaihen.

MENVIH KESHO 19:7

Shembüpalei shahkungnyü den ngoipü, laangha jatonghünyeih. Shembüpalei shahkungü hinglembenüng; ngashi nyupüthüao nahhünyeih.

BHEI-IE 23:19

Büpai shahshem ehen mü, Kahvangü shennyak nevai, nevaijü büpa mong yeiyahen mü shennyak ha nevai. Büpai etüktü ha nedüknyu je? Büpai lahtüktü ha nejiühünyu je?

2 TIMOTI 2:13

jeni hinglempü nenyujema, büpa shahhing kü nyuhen; mehenangkü büpai laophü-üng laophü yaktüknüng neaok.”

TITUS 1:2

shahshem ne-epü Kahvangi denshemthü mangpangi lahpü nedohnetenpü yangnyuyem kü monglempü kü,

SHAKEI VAMPÜ 20:11

Hapheikü ngei longpü ong uoshing shola hatü halei uopüba ee; kahdok vangsho büpa toueipü nyaidaikemi ee, hatü jom shingvaishi shing neshiüi leidai.

ZEKHARIAH 1:6

Ngelei shahthü hatü ngelei shahkungnyüthü ngei chongphopü thibüthü homei eteke, shejao ambü ampai ha bangphei hiang hatü hanghi nepongangpü je? Hanangkü jom mong lep, hatü eteke, “Jeiyong Shembüpai jen kü jenei lemthü hatü douthü kü shangpükei büpai dükhen shei tempükei jen kü dükphüteke.”

MARK 13:30

Hingmei ngei am kü enyeih, hathü dou peü vamei mangpeih thahshi hapa denhivan peih-ei nedaihen.

MARK 13:32

Shejao hapa nyih hatü hepak nang Opa mü lenei vangsho phongshani nevaijü Ha-iyao nevaijü üpaiyao nenying.

2 ONGPATHÜ 15:12

Jehu kü, “Nüngei hühihathüi Israel kü den ali thahshi ong uoshing kü uohen” shei Shembüpai epü jiüshi vamteke.