MARK 13:19 - DAÜLANGPÜ LAIHING (BSI)

¹⁹ Mehenangkü hathü nyih kü Kahvangi kahdoknyü linghinüng chemao mangvampü hatü shao mechemao nevamhen shanghah hük nyuhen.

MARK 13:19 Referans Kwoze

DANIEL 12:1

Hahepak kü longpü vangsho phongshan Mikhael, üpai nüngei nanglak yomnya, büpa peikahen. Jatthü chongpanghinüng hapakei chemao mangvampü shangpong yakying hepak hük peikahen. Shejao shangpong hepak kü nüngei nanglakthü üamei men laitap kü nyangei nyu, yanghen.

JOEL 2:2

Hapayü vangnyak hatü vang yimpü nyih hük, phumnyaki jümpü shangmang nyih hük vaikahen! Vang mangei kahshangthü banglangpü keiha, longpü, hatü wong kohpü veshanthü kei shouk peikünyüke; Aivang den kao jom mechemao hapakei nenyu, nevaijü ngoikahen denhivan kao hapakei nechongkahen.

MATHI 24:21

Mehenangkü hapa hepak keyü kahdoknyü chongpanghinüng shaang thahshi kü mechemao hapakei nenyupü hatü mechemao hapakei nenyukahen shanghah hük nyuhen.

DANIEL 9:26

Hapta pejempünyi peihpheikü, thiteiphutükpü ongpayü jütükhen hatü meheyao neshiühen, hatü peikahen nyupü ongpalei veshanthüi chingnyü hatü Phopshem mangtükhen. Dohpütenpeyü bünghiyang kei peikahen hatü dohpü ngoishi vehok nyukahen.

MARK 10:6

Shejao kahbhao mebü Kahvangi nyüha hatü baha shei lingpeih.

DANIEL 9:12

Nüngi ham hatü hamei vanglem lembüthü khüei dükhen shei epü shahthü peü ham kü shangpong longpü shuohpai jiüteke, hatü mepa Jerusalem khüei nyüpa, hapa keiha vangsho phangkü mechemao nedükangpih.

YOUNG LAI 2:13

Oh Jerusalem, ngei nüng kü mehe ephahenang? Ngei nüng mekei nyiumeihühen? Nüng kei üpaiyao shangnepongangpih, Oh Zion nelanyü. Nüngei shangpong yakying yungching kei chüshi nyüke, üpai ha meitükphahen?

SHAHKÜP 28:59

Shembüpai am hatü ammei hühihathü kü nedohbenüng cham hatü dinten shomphahen.

SHAHKÜP 4:32

Amphong mangbüh shekü peihdaipü nyihthü kü yemhümao, Kahvangi kahdoknyü kü hangkuli lingpü nyih kübü hapakei longpü lemhükao vamla nevaijü hapa keipü lemhük dangkao danla? Vangsho jung hük kübü jung hük dohpü thahshi yemei veihümao.

YOUNG LAI 4:6

Sodom am kü hanghihüpü kao nyeishi, ngei ngelei nanglakthü kü hanghi shuohteke; Sheühhen neshiüi kansho hük mong aa kü noei yaktükteke.

YOUNG LAI 1:12

Ngei kü veihümao, amphong peihpü leipüthü; Shembüpa, büpai mongshih anei ngei kü shuohpü hanghi kei üpaiyao nepongangpih.

MARK 13:18

Ha ünyü hepak kü nejiühen phoptuh.

MARK 13:20

Shembüpai hathü nyih shoh-ei neleitüklangmeyü üpayao neyangaokhah shepeih, shejao büpai üam je, hathülei men kü büpai nyih shohtükpeih.

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.