MARK 12:24 - DAÜLANGPÜ LAIHING (BSI)

²⁴ Jisui jomphong kü, “Ammi laihingao nenying, hatü Kahvangei nganao nenyingpü nangkü pungpü nevai je?

MARK 12:24 Referans Kwoze

JOHAN 20:9

mehenangkü hahepak thahshi büpa dipü kübü yangei leihen shei epü laihing nenyingaok.

MATHI 22:29

Jisui jomphong kü, “Amphong nejiü; mehenangkü amphongi laihing nevaijü Kahvangei ngan nenying.

EPHESIA 1:19

hatü jen hinglempüthü shingvaishi büpalei ngan longpai dou dükpü aimü shetei neaokpü büpalei longpü ngan mehe nyu, ha nyingaokhen.

PHILIPPI 3:21

Büpai jenei wong nekohpü büm yeiyahüei mepa ngan homei dou peü büpa phangkü shümei tuh-aok, hapa büpalei müknyinshekhang büm kü jen shepei ja leidaihen.

ROM SHAHSHA APPÜ 15:4

Mehenangkü nenteiaokpü homei hatü Laihingi mongnang thongpü homei jen monglempü nyuhen nangkü mepa mepa shelei nyang, hayü jen kü nyuhhen nangkü nyangpeih.

PHONGSHANTHÜ DOU 17:11

Thesalonika leipü Jehoda am meyü Berea leipü Jehoda am-üng yahhahhüpü kohshi nyu; mehenangkü jomi shahjangmei longi mong shuohshi yah, hatü hathü jiüla shei nyihjeih laihing yemteke.

MARK 10:27

Jisui jomphong kü khangei veitü, “Hangku shingvaishi hayü neaokbenüng, shejao Kahvang shingvaishi nevai; Kahvang shingvaishi dou peü aokbenüng hih” shei e.

HOSEA 6:2

Nyih nyi nyih jem pheikü büpai jen büpa mü nyuhen leilanghen.

JEREMIAH 32:17

“Oh Jeiyong Shembüpa, nüngei ngan hatü laklu wong longpai kahdok hatü vangshothü lingpeih. Nüng shingvaishi wongpü meheyao neshiü.

ISAIAH 25:8

Büpai dipü den shingvaishi lühtükhen. Hahepak kü Shembüpa Kahvangi peüei mük kübümükphi thittükhen, hatü büpai kahdoknyü peü kübü laophülei nanglakthü lomohpü peü yahlanghen shei Shembüpai eteke.

JOHAN 5:39

“Ammi laihing yemnyüke; mehenangkü halei yangnyuyem nyüpeih shei ammi deihnyüke; ha laihingthüi ngei jung denpü shuohnyüke,

LUK SHAHSHA APPÜ 1:37

Mehenangkü Kahvang mü meheyao ne-aokhen neshiü” shei e.

HOSEA 13:14

Ngei jomphong Sheol nganhiwong kübü yangaokhen je? Ngei jomphong Dipü kübü angei leiaokhen je? Oh Dipü, nüngei cham leü melei nyüpa? Oh mahngchong, nüngi mangtükhen ngan melei nyüpa? Ngei henüng nanglakthü kü hajük kü nephahjipih.

HOSEA 6:6

Mehenangkü ngei moila nevai, bampü nanyeih; jakpü moila nevai, shejao Kahvang nyingpü nanyeih.

ISAIAH 26:19

Shejao nüngei nanglakthü didaipü yem leikahen, jomei büm yangei leikahen. Oh mahngchongei shishi nyupüthü, paotuh hatü mongongpai kesho loktuh. Nyieni nepnüng dhom mü kahdoknyü thahümahüpü keiha, Shembüpai shelei didaipüthüao yem leihühen.

DANIEL 12:2

Üam meshük diyei kahmongei nyu, yangei leihen; hanei nedohnetenpü yangnyu yem touei, hatü hanei veüpong hatü denden mongmangpü touei nyuhen.

ISAIAH 8:20

Shahkungnyü vaijao, denpü vaijao jomi hapa shah keiha ne-ejema, jom kü vangngai neshiü.

KAHBHAO 18:14

Shembüpai neaokbenüng lemhük nyüpü je? Jiüpü hepak hük kü ngei nyokei leikahen, hatü Sarah-i yeshang hük büh-ei nyuhen” shei e.

HOSEA 8:12

Ngei jom shing ngelei shahkung longi nyangei nyuhshuohjao, jomi hayü douthüng kei yakphongnyüke.

MARK 12:23

Yangei leipü nyih pinnyü-ü üpalei nyüha vaihenang? Mehenangkü jom nyetphen pinnyü mü shem yemteke” shei phe.

MARK 12:25

Mechem jomphong dipü kübü yangei leihen jom shem neyemhen, nevaijü yiükyah lashompü nenyuhen, shejao vangsho leipü phongshanthü kei nyuhen.