MARK 12:17 - DAÜLANGPÜ LAIHING (BSI)

¹⁷ Jisui jomphong kü, “Mehe ongpalei nyu, ha ongpa kü shuohtuh; mehe Kahvangei nyu, ha Kahvang kü shuohtuh” shei e. Hanangkü jomphong longi yashan.

MARK 12:17 Referans Kwoze

ROM SHAHSHA APPÜ 13:7

Mih kü hang shuohhen nyupü peü kü ha shuohtüktuh; lat shuohhen am kü lat, douhinang lat shuohhen am kü hapa lat, hatü dhüm shuohhen am kü dhüm shuohtuh.

1 PETER 2:17

Peü kü jiüshangi dhüm hutuh. Vaipü küphüthü kü bamtuh; Kahvang kü nyemtuh hatü ongpa kü dhüm hutuh.

ROM SHAHSHA APPÜ 6:13

Mangei douhinang vaiyei mang thahhen mü hajük kü ammei phaihan teshuoh, shejao dipü kübü yangei leipü keiha laophü nyingi Kahvang kü shuohtuh, hatü nüngei phaihan Kahvang kü daülangshemshepü douhinang kei shuohtuh.

KANDOK 24:21

Ngelei hapeü, Shembüpa kü nyemtuh, hatü ong kü dhüm shuohtuh; Nüngi üpalei venao nedani tenyu;

ROM SHAHSHA APPÜ 12:1

Hanangkü jeihinaü hatü nyahinaüthü, ammei büm Kahvang touei daülangpü hatü yah-aokbenüng yemmü tuhtü jakpü moila kei shuohtuh shei ngei Kahvang phahji homei am kü khümnyeih– hapayü ammi laangha kü khümpü dou nyüke.

MATHI 22:46

Üpaiyao büpa kü shahlei neaok nevaijü ha nyih pheikü üpaiyao büpa kü shah phehen mong nelong.

MATHI 22:22

Mechem jomi ha danpa thama, hatü jom büpa tuhtü lüdai.

MALAKI 1:6

Hapeü hüki laophülei pa kü, hatü aa hüki laophülei shembü kü dhüm shuohnyüpeih. Ngei ammei pa vaijema, ngei kü melei dhüm shuohnya? Ngei ammei shembü vaijema, ngei kü nyempü melei nyüpa? shei Shembüpa Kahvangi enyüke. Oh ngongpathü, ammi ngelei men ne-ienelemnyu, shejao ammi, “Hami nüngei men mekei ne-ienelemi nopa?” shei phenyüke.

MARK 12:30

‘Nüngi Shembüpa, nüngei Kahvang kü nüngei mongdang kempai, nüngei laangha kempai, nüngei sholi mongdeih kempai, hatü nüngei wong kempai bamtuh.’

MATHI 22:33

Mechem khongnyüi ha danpa, jomi büpai nyuhpü kü thama.

KANDOK 23:26

Ngelei hapeü, nüngei mongdang ngei kü yahshih, hatü nüngei müki ngelei lemthü kü veituh.

MATHI 8:10

Mechem Jisui ha danpa, büpa thama hatü büpa phei müpüthü kü, “Hingmei ngei am kü enyeih, Israel kü hapakei hinglempü ngei neheüangpih.

MATHI 22:21

Jomi, “Ongpalei” shei e. Hahepak kü büpai jomphong kü, “Ongpa kü shuohhen jiüpü ongpa kü yah-eishuoh, hatü mehe Kahvang kü shuohhen jiü, ha Kahvang kü yah-eishuoh” shei e.

MARK 12:16

Jomi hük deiyei shuoh. Büpai jomphong kü, “Hapa kü üpalei shangjing bakshi hatü men nyangei nyüke?” shei e. Jomi, “Ongpalei” shei jang.

LUK SHAHSHA APPÜ 20:25

“Shejema ongpa kü shuohhen jiüpü ongpa kü, hatü Kahvang kü shuohhen jiüpü Kahvang kü shuohtuh” shei e.