MARK 11:28 - DAÜLANGPÜ LAIHING (BSI)

²⁸ “Nüngi hathü dou dükhen mehe wong nyüpa? Üpai nüng kü hathü dükhen wong shuohpa?” shei phe.

MARK 11:28 Referans Kwoze

MÜLANGPÜ 2:14

Hapa shennyaki Mosa kü, “Üpai nüngi ham shak kü vanglem lembü hatü shahphenbü vaihen jepa? Nüngi Ijip naüha jütükpükei ngeiyao jühen deihnyu je?” shei e. Hahepak kü Mosa nyem hatü ngei mehe dükpa, hayü mih-i nyinglangteke shei deih.

PHONGSHANTHÜ DOU 7:51

“Am ngaümvang vaanpü shennyakthü; mongdang hatü dhaong shuw nejappüthü, ambü ampai dükpükei ammi düngei Laangha Daülangpü khüei yaongnyüke.

BHEI-IE 16:13

Amma hatü nyahjiü yenpü kahdok leipü jahpanei ham dihününg müei daipaiyao nüng kü mongnehamang je? hatü shaangao nüngü ham shak kü shembü vaihüpü je?

BHEI-IE 16:3

Jomi Mosa hi Aaron nyi khüei khong lingtü peiyei jiji kü, “Anjinyi ahshi beiteke! Khong hatü nyülompaja peü daülangi nyüke, hatü Shembüpa jom mü nyüke. Mehekei anjinyi-i Shembüpalei nanglakthü dok kü aongnya?” shei eteke.

MARK 11:27

Shao jomphong Jerusalemei pei. Büpa phopshemei kamteiyei nyushingkü ngongpathü, shahkung nyuhbüthü hatü behethü büpa touei peiyei,

MARK 11:29

Jisui jomphong kü, “Ngeiyao amphong kü shah hük pheshah, hatü ammi ngei kü ha ephüjema ngeiyao amphong kü mehe wongi ngei hathü düknya ephahen hih.