MARK 10:33 - DAÜLANGPÜ LAIHING (BSI)

³³ “Veituh, jenphongü Jerusalemei aongnyu khih, hatü Shennyak Ha ngongpathü hatü shahkung nyuhbüthü kü lanei shuohhen, hatü jomi büpa jühen shingvaishi nyonghühen; hapheikü jomi kung amei lak kü lanei shuohhen;

MARK 10:33 Referans Kwoze

MATHI 27:2

Jomi büpa shatü müei deiyei Pilat governor kü shuoh.

MARK 8:31

Hapheikü büpai jomphong kü nyuhhen pangei, Shennyak Ha longi shangponghen hatü behethü, ngongpathü hatü shahkung nyuhbüthüi büpa yaktükhen, hatü jühen, hatü nyih jem pheikü yangei leihen.

MATHI 26:66

Ammei shahphen meheang?” shei phe. Jomphongi, “Büpayü dihen shangteke” shei jangei e.

MATHI 16:21

Hahepak kü pangei Jisui büpalei nanglomthü kü büpa Jerusalemei daihen, hatü behethü, ngongpathü hatü shahkung nyuhbüthülei lakmongei longi shangponghen, hatü jühen hatü nyih jempabü kü yangei leihen shei ehen chongpang.

JAKOB 5:6

Am khüei neyaongpü daülangpüthü ammi nyonghüei jüteke.

PHONGSHANTHÜ DOU 20:22

Shaang Laangha Daülangpülei ven bangei ngei kü mehe vamkahen nenyingi Jerusalemei leidainyeih;

PHONGSHANTHÜ DOU 13:27

Mehenangkü Jerusalem kü nyupüthü hatü jomei mübüthüi sabbath ieyei jomi ieteipü thihivam shahthü jomi nenying nevaijü nedanaok; hathü shah-ü jomi büpa nyonghüpai dhaümhüpeih.

JOHAN 19:11

Jisui jangei, “Shangphi leipai nüng kü neshuohlangmeyü nüng ngei shak kü wong nenyuhah shepeih; hanangkü üami ngei yepei nüng kü lanei shuohnya, jomi nyeipü mang thahteke” shei e.

JOHAN 18:28

Hahepak kü jomi Jisu Kaiaphas toueipü müei Pilatei ongshemei dei. Hapayü dhom hepak nyu. Jehoda am mübüthü ongshemei neshü; mehenangkü jomi Hompü Mo hahhen shingvaishi jom nyingi daütüktü nyuteke.

LUK SHAHSHA APPÜ 23:21

Shejao jomphongi nedoh-i, “Shophang kü aptuh, büpa shophang kü aptuh!” shei len.

LUK SHAHSHA APPÜ 9:22

Büpai, “Shennyak Ha shangpong longpü homei daihen, hatü behethü, ngongpathü hatü shahkung nyuhbüthüi büpa yaktükhen, hatü jühen, hatü nyih jempabü kü yangei leihen” shei e.

MARK 15:1

Dhom mü lomi ngongpathüi behethü hatü shahkung nyuhbüthü hatü shahtapei nyupüthü mü shah shetteke. Jomi Jisu yepei shatü müei daiyei Pilat kü lanei shuoh.

MARK 14:64

Ammi büpa thaüvaüpü danteke. Amphongi mehe temteipa?” shei e. Jom peüi büpayü dihen shangteke shei nyonghü.

MARK 9:31

mehenangkü büpai büpalei nanglomthü kü, “Shennyak Ha hangkulei lak kü lanei shuohhen, hatü jomi büpa jühen, hatü jüpheikü nyih jem angtü büpa shao yangei leihen” shei nyuh-ei eteke.

ISAIAH 53:3

Büpayü hangkuthüi ne-ienelemi yaktük; mongong hatü shangpongpü shennyak hük. Üpaiyao büpa kü nevei-i peüi laophülei dhe jolangkem, peüi büpa yaktük, hatü jeni büpa kü lümeivaüei nedeih.

MARK 9:12

Büpai jomphong kü, “Hingmei Elijah shong peikahen, hatü büpai lemphü temhen. Shejema mekei etü Shennyak Ha longi shangponghen hatü nyonghühen shei lai kü nyangpa?

JOHAN 18:32

Hapayü mekeipü dipü lemi büpa dihen, ha Jisui huei epü jiühühen shingvaishi vamteke.