MARK 10:30 - DAÜLANGPÜ LAIHING (BSI)

³⁰ shemthü, jeihinaüthü, nyahinaüthü, nyü, hapeüthü, hatü kahthü mü shüveidoideiyao omshi hapa den kü danghen, hatü ngoikahen den kü vanyangyem danghen.

MARK 10:30 Referans Kwoze

PHILIPPI 3:8

Ha mü nyeishi Khrista Jisu ngelei Shembüpa nyingpü peü mü longpü nanglei mü shetteijü lemphüli lomoh khih shei ngei ieyeilemnyeih. Büpalei men kü ngei lemphüli lomohtükpeih, hatü ngei hathü kü nyüphinya shei enyeih, shejüang ngei Khrista danghen,

LUK SHAHSHA APPÜ 18:30

hathüi hapa den kao nyeinya nyokei danghen, hatü ngoikahen den kao vanyangyem danghen” shei e.

2 KORINT 6:10

mongmangnyu kei shejao düngei mongong kü, taopathü kei, shejao longi shemmei kei, meheyao ne-angnyu kei shejao lemphü angpükei nyunyeih.

JAKOB 1:12

Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

MALAKI 3:10

Ngelei shemei hahying changshi nyuhen shingvaishi ammei ankhong moila peü tuhshingei yah-ei peikei, hatü ammi hapa tuhshing neshiüi manglei thahshi vangsho shaden aptü moihiman bhuh-eilinei yahphahen hi neyahphahen shangkü ngei kü doktuh hatü veituh shei Shembüpa Kahvangi enyüke.

JAKOB 5:11

Hingmei nenteiaokpü hupüthü kü hami moihimanpü shei nyüknyeih. Jobi munenpü ammi danphei hatü mekei Shembüpai phahji hatü shinshang, ammi Shembüpalei mükhong eeteke.

KANDOK 16:16

Hon mao kihikon danghen-üng mekei meipa! Ngin mao nyingpühingpü yahhen mekei meipa!

SHAKEI VAMPÜ 3:18

Hanangkü am shemmei leihen, hatü veübenüng ammei bümkong eelangmangkü ha banghen ashak shola ümhen, hatü ammei mük eehen nangkü meli shakhen aw kü jakei daütükpü hon shakhahtuh shei enyeih.

1 TIMOTI 6:6

Hingmei, Kahvang nyingpü kü mongongpü omshi nanglei longpü nyüpeih;

PHONGSHANTHÜ DOU 5:41

Jomphong shahtap leipü vamei daishingkü jom mongong; mehenangkü hapa men nangkü ne-ienelem ponghahhen shangpeih shei deih.

2 SHÜPPÜKENGPÜ 25:9

Amaziah-i thibüpa kü, “Shejema ngei ngin hajükjük jom kü shuohtükpeyü mekei ehen?” shei phe. Hapa thibüpai jangei, “Kahvangi ha mao nyeishi yahpha-aokhen hih” shei e.

1 JOHAN 3:1

Jenphong kü Kahvang hathü shei nyükhen mü Opai mekeipü bampü jen kü shuohpa veituh, hatü jenphongü hakei-üng vaitei. Kahdoknyüi jen nenyingpeyü jomi büpa nenyingpü nangkü nyüke.

2 THESALONIKA 2:16

Shaang jenei Shembüpa Jisu Khrista hatü jenei Pa Kahvang, üpai jen kü bam, hatü büpalei phahji homei jen kü nedohnetenpü nyiumei, hatü monglemhen meipü shuohpa,

ROM SHAHSHA APPÜ 6:23

Mehenangkü mangei latü dipü, shejao ang kübü Kahvang thintho-ü Khrista Jisu jenei Shembüpa kü yangnyu nyüke.

ROM SHAHSHA APPÜ 5:3

Ha mon nevai, shejao shangpongpai munenpü vamnyeih shei nyingei jeniyao jen shangpongpü kü changmeinyeih,

PHONGSHANTHÜ DOU 16:25

Nyak jiam kü Paul hi Silas nyi Kahvang kü phopei hatü kesho lokei nyu, hatü khoklatei küppüthüi jiji kü bangei nyu.

JOHAN 10:23

hatü Jisu phopshemei Solomonei shemshomei kamteiyei nyu.

MATHI 12:32

Üami Shennyak Ha khüei shah ehenshang, ha mang tükhen, shejao üami Laangha Daülangpü khüei mang thahhen, hapa den nevaijü ngoikahen den kao mang netükhen” shei e.

MATHI 6:33

Shejao shongei Kahvang ongching hatü büpa daülangshemshepü yemtuh, hatü hathü douthü peü am kü yahphahen.

SHAKEI VAMPÜ 2:9

Am ponghahpü hatü am taopünangpü ngei nyingnyeih, shejao amü shemmei khih. Üami jom nyingi Jehoda am hih shei enya, shejao nevai, jomi yaüpülungpü ngei nyingnyeih, shejao jomphongü Satanei Sinagog nyüke.

MENVIH KESHO 84:11

Mehenangkü Shembüpa Kahvangü, vanghe hatü inyüshung; büpai bampü hatü dhüm shuohnyeih. Kangshangi kampüthü leipü Shembüpai mepa doumeiyao shümei netuhlangnyih.

1 JOHAN 2:25

Hatü büpai jen kü mehe lah, hayü vanyangyem yangnyu khih.

MATHI 13:8

Hanei kahmeichong kü vü, hatü hanei kho lomei, pejem lomei, hapüan lomei betjük jük.

PHONGSHANTHÜ DOU 14:22

Halei jiji-i vaipüthülei laangha wong kohhü, hatü “Shüveidoidei longi homei jen Kahvang ongchingei shüaokhen” shei vaipü kü nedoh-i nyuhen nangthongei e.

1 TIMOTI 4:8

Büm shing aülaüei dükpü kü nanglei maani nyüpeih, shejao Kahvang nyingpü kü lem peü kü shaang hatü ngoikahen yangnyu shingvaishi lahpü nyüpeih.