MARK 10:27 - DAÜLANGPÜ LAIHING (BSI)

²⁷ Jisui jomphong kü khangei veitü, “Hangku shingvaishi hayü neaokbenüng, shejao Kahvang shingvaishi nevai; Kahvang shingvaishi dou peü aokbenüng hih” shei e.

MARK 10:27 Referans Kwoze

MATHI 19:26

Jisui jomphong kü veitü, “Hangku shingvaishi hayü neaokbenüng shejao Kahvang shingvaishi peü aokbenüng” shei e.

JEREMIAH 32:27

“Ngeiyü Shembüpa, hangkuli kemeilei Kahvang. Ngei neaokbenüng mehe shangkü nyüpü je?

JOB SHAHSHA APPÜ 42:2

“Nüngi lemphüli dükaokhen, hatü nüngei mükhong mepayao bangei tuhnüng neaokpih shei ngei nyingnyüke.

JEREMIAH 32:17

“Oh Jeiyong Shembüpa, nüngei ngan hatü laklu wong longpai kahdok hatü vangshothü lingpeih. Nüng shingvaishi wongpü meheyao neshiü.

LUK SHAHSHA APPÜ 1:37

Mehenangkü Kahvang mü meheyao ne-aokhen neshiü” shei e.

LUK SHAHSHA APPÜ 18:27

Büpai jangei, “Hangku shingvaishi mehe neaokbenüng nyu, hathü Kahvang shingvaishi aokbenüng hih” shei e.

HEBREW 11:19

Kahvangi hanei am didaipü kübüao yangei leiaokhen shei Abrahami hinglem, hatü hingmei büpai Isak dipü lanei nyokei dang.

PHILIPPI 3:21

Büpai jenei wong nekohpü büm yeiyahüei mepa ngan homei dou peü büpa phangkü shümei tuh-aok, hapa büpalei müknyinshekhang büm kü jen shepei ja leidaihen.

ZEKHARIAH 8:6

Jeiyong Shembüpai hapakei enyüke: Hapa hepak kü-üng aopü nanglakthü shingvaishi neaokbenüng vaihen aok, shejao hayü ngei shingvaishiyao neaokbenüng je? shei Jeiyong Shembüpai enyüke.

2 ONGPATHÜ 7:2

Hahepak kü ongpai mongnyangpü lakchongbü hüki Kahvang shennyak kü, “Shembüpai vangsho shaden aptü khüpeilangei hahying shomlangmao ha nevamküpih” shei e. Elisha-i, “Nüngi hapa vampü laophülei müki eehen hih, shejao nüngi hapa nehah-aokpih” shei e.

HEBREW 7:25

Hanangkü büpa homei Kahvang touei peipüthü peü den kü yangei tuhhen aoknyüpeih; mehenangkü büpai den kü jom shing phopnyüke.

2 ONGPATHÜ 3:18

Hapayü Shembüpa shingvaishi ahshi-üng douyo; büpai Moab amao ammei lak kü shuohhen.

MARK 10:26

Ha shah kü nanglomthü longi thamaei hüki hük mü, “Shejema, üpa yangaokhenang?” shei etei.