MARK 10:14 - DAÜLANGPÜ LAIHING (BSI)

¹⁴ Shejao mechem Jisui ha eepa, büpai jomphong kü mongshih-ei, “Maanpü hashihthü ngei touei peihütuh; jom kü tekhüamshuoh; mehenangkü Kahvang ongchingü hathü keipülei hih.

MARK 10:14 Referans Kwoze

MATHI 19:14

shejao Jisui, “Maanpü hashihthü ngei touei deikei, hathü kü tekhüamshuoh; mehenangkü vangsho ongchingü hapa keipüthü shing hih” shei e.

MATHI 18:10

Nüngi hathü maanpü hük kü dangkao ne-ienelemi nedükhen lituh; mehenangkü ngei am kü enyeih, vangsholei jomphongei vangsho phongshanthüi vangsho leipü Opalei dhe kü düngei veinyüke.

MATHI 18:4

Hanangkü üpai ha naü kei nenteiaokei leihenshang vangsho ongching kü büpa longpü vaihen.

1 PETER 2:2

Naüja keiha daülangpü laangha amma yinghen kentuh, shejüang am yemleipü kü longhen.

2 TIMOTI 3:15

hatü hashih mebü nüngi Daülangpü Laihing, mepai nüng kü Khrista Jisu kü hinglempü homei yemleihen shingvaishi nyuhhen aoknya, ha nüngi nyingei nyüke.

SHAKEI VAMPÜ 14:5

hatü jomei ju kü shahshem neshiü, jom kü eela neshiü.

2 TIMOTI 1:5

Ambi Lois kü shongei nyupü hatü anyü Eunice kü nyupü hinglempü ha nüng kü shaangao nya-aipih shei deihnyeih, hatü nüng kü nyupü hinglempü lekpü ha ngei deih-ei dangnyüke.

EPHESIA 4:26

Mongshihtuh, shejao mang tethah; am mongshihpai vanghenyü teshüshih,

1 KORINT 14:20

Jeihinaü hatü nyahinaüthü, chudeih kü hashih kei tenyu; ten nangkü hashih kei nyutuh, shejao chudeih kü behe kei nyutuh.

1 KORINT 7:14

Mehenangkü nevaipü bahayü büpalei nyüha homei daühünyeih, hatü nevaipü nyühayü pinnyülei baha homei daühünyeih. Hei nevaijema ammei hapeüthüyü nedaüpü vaihen, shejao hapakei vaijema jomphongü daüdaiteke.

ROM SHAHSHA APPÜ 11:28

Shahjangmei nangkü ammei men kü jomphongü Kahvangei vepathü, shejao jepü philei jomü chebü chepalei men kü bampüthü;

ROM SHAHSHA APPÜ 11:16

Shongpü hahying kübü aan moila daülangpü vaijema, aopü aan kemei daülangpü nyüke; hatü tünglang daülangpü vaijema kaothüao daülangi nyüke.

PHONGSHANTHÜ DOU 3:25

Amphongü thibüthülei hühihathü hatü Kahvangi ambü Abraham mü, ‘Nüngei lihilathü kü kahdoknyü jat peüi moihimanhen danghen’ shei vangei epeih.”

PHONGSHANTHÜ DOU 2:39

Mehenangkü ha lahpeyü am, ammei hapeüthü hatü tailuei nyupüthü, üam kü Shembüpa, jenei Kahvangi nyük, hathü peü shingvaishi nyüke,

MARK 8:33

Shejao büpalei nanglomthü philei yaakei veitü büpai Peter kü loh, hatü, “Kahshih, lüdaituh! Nüngei mongei Kahvangei dou nevai, shennyakei douthü deihshi nyüke” shei e.

MARK 3:5

Büpai jomphong kü mongshih-ei shineileyei vei; jom mong vaanpü eeyei büpa mong kü tüngei hapa shennyak kü, “Nüngei lak lantuh” shei e. Büpai lak lan, hatü ha meidaitü nyu.

ISAIAH 65:23

Jomi angsha kü dou dükei nenyuhen, nevaijü denshohvanlohhen hapeü nebühhen; Jomü Shembüpai moihimanpü nanglakthü vaihen, hatü jomei hühihathüao hapakei nyuhen.

MENVIH KESHO 78:4

Hami hathü jomei hapeüthü kübü nejolangpih; hami büpalei müknyinshekhang douthü, büpalei wong hatü büpai dükpü yashanpü douthü jung hüshom pheinaü kü ehen.

SHAHKÜP 4:37

Mehenangkü büpai ammei bühipa kü bampü nangkü, büpai amphong jeteke, hatü büpalei wong longpai büpai amphong Ijip leipü müei leiteke.

BHEI-IE 14:31

Ammei hühihathü nang keyü ammi vepathü peiyei shetei lüdaihen khih shei epeyü, ngei jom müei leiyei ammi yaktükpü kahdokei chingchingei nyuhühen.

KAHBHAO 17:7

Ji aa kü hatü nüngei hühihathü ngoikahen denshem peü kü ngei nüngei Kahvang hatü nüng pheilei nüngei hühihathü kü jomei Kahvang vaihen ngei nüng mü vangteipeyü nedohnetenpü vangpüshuwpü leihühen.

1 SAMUEL 1:22

Hannah jomphong mü ne-aong. Pinnyüi chepaha kü, “Naü dhong lipheikü mon ngei büpa müei aongei Shembüpa kü lanei shuohhen, hatü büpalei yangnyu den kemei halei nyuhen” shei eteke.

1 SAMUEL 1:11

Pinnyüi, “Oh Jeiyong Shembüpa, nüngi nüngei chongphobü mongshang kü mon-üng veiphülangmeyü hatü nüng chongphobü nebetüki deih-ei dangtü bahanaü hük dangkao yahphülangmeyü ngei büpalei yangnyu den kemei Shembüpa chongphohen lanei shuohhen, hatü büpalei shangjing kü meet-i chemao neshemhen” shei hapakei lah-ei eteke.

MATHI 5:3

Laangha kü taopü nyingpüthü moihiman; mehenangkü vangsho ongching jomphongei.

MATHI 5:10

Daülangshemshepü men kü üami shüveidoideipü ponghahnya, jom moihiman; mehenangkü vangsho ongchingü jomphongei.

JOHAN 3:3

Jisui büpa kü, “Hingmei mü ngei nüng kü enyeih, nyipabü nebühpheikü üpaiyao vangsho ongching dangnüng neaokpih” shei e.

JOHAN 3:5

Hingmei mü ngei nüng kü enyeih, shennyak hük yung hatü Laanghai nebühpheikü mekei etao vangsho ongchingei shününg neaok.

JOSHUA 8:35

Israel am khong nyüha, hashih hatü jom mü lakeiloiyei nyupüthü thaipü touei Mosai epü shahjük hükao Joshua-i ne-ie-i netuhphong.