MALAKI 4:4 - DAÜLANGPÜ LAIHING (BSI)

⁴ Ngelei chongphobü Mosa-i nyuhpü venpü Israel am peüi banghen shingvaishi Sinai Kahshangei ngei büpa kü shuohpü shahkungnyüthü deih-ei dangtuh.

MALAKI 4:4 Referans Kwoze

SHAHKÜP 4:10

Büpai ngei kü Sinai Kahshangei, “Jom hapa kahdokei nyupü thahshi ngei kü dhüm shuohhen nyinghen hatü jomei hapeüthü kü hapa nyuhhen shingvaishi nanglakthüi ngei epü banghen thaihütuh” shei eshingkü amphong Shembüpa touei yaongpü deih-ei dangtuh.

ROM SHAHSHA APPÜ 3:31

Shejema jeni hinglempai hapa shahkungnyü yaktükhen je? Lanshei nevai! Shelangmao jeni ha shahkung nonyüpeih.

ISAIAH 42:21

Büpa daülangshemshepü men kü Shembüpai laophülei shahkungnyü longhühen, Hatü müknyinshekhanghühen mongongpeih.

ISAIAH 8:20

Shahkungnyü vaijao, denpü vaijao jomi hapa shah keiha ne-ejema, jom kü vangngai neshiü.

SHAHKÜP 4:23

Shembüpa, ammei Kahvangi am mü vangeishuwpü nebetükhen kentuh; Shembüpa, ammei Kahvangi nemongpü kü am nyingi lajei mepa keiyao teling.

SHAHKÜP 5:2

Shembüpa, jenei Kahvangi Sinai Kahshangei jen mü vangpüshuwpü lingteke.

SHAHKÜP 8:11

Shembüpa, ammei Kahvang nebetükhen lituh, hatü büpalei shahkungthü hükao neshaihen kenhingtuh.

SHAHKÜP 8:19

Amphongi Shembüpa, ammei Kahvang betüktü lebü kahvang phei müei daiyei khümjema hatü chongphojema, amphong hingmei mahkemhen shei shinnyih ngei am kü shahvüng shuohnyüpeih.

JEREMIAH 6:16

Shembüpai hapakei enyüke: Lembaongei yaongtuh, hatü veituh, hatü meyangpü lemchang yemtuh, melemei lem meipü nyüpa, ha kü kamtuh, hatü nüngei laangha shing nyiushemmei danghahtuh. Shejao jomi, “Hami ha kü nekampih!” shei enyüke.